Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 16 | |
16:1 См.: 🔗1Пар. 25:4 | И бысть слово Господне рукою иуа сына Ананіева ко Ваасѣ, глаголя: |
16:2 | понеже вознесохъ тя от земли и дахъ тя властеля надъ людьми моими Израилемъ, и пошелъ еси путемъ иеровоамлимъ и ввелъ еси въ грѣхъ люди моя Израиля, еже прогнѣвати мя суетными ихъ: |
16:3 См.: 🔗4Цар. 9:9 🔗3Цар. 15:29 | се, азъ отвергу наслѣдiе Ваасы и наслѣдiе дому его, и сотворю домъ твой яко домъ иеровоама сына наватова: |
16:4 См.: 🔗3Цар. 21:24 | умершаго Ваасова во градѣ снѣдятъ его пси, и умершаго на поли снѣдятъ его птицы небесныя. |
16:5 См.: 🔗2Пар. 16:11 | И прочая словесъ Ваасовыхъ, и вся яже сотвори, и сильная его, не се ли, суть писана въ книзѣ словесъ дній царей Израилевыхъ? |
16:6 | И успе Вааса со отцы своими, и погребенъ бысть во Ѳерсѣ, и воцарися Ила сынъ его вмѣсто его. |
16:7 См.: 🔗4Цар. 9:9 🔗3Цар. 15:28 | И рукою иуа сына Ананіи пророка глагола Господь на Ваасу и на домъ его всю злобу, юже сотвори предъ Господемъ, еже прогнѣвати его дѣлами рукъ своихъ, быти ему якоже и дому иеровоамлю, и о еже ему поражену быти. |
16:8 См.: 🔗3Цар. 14:17 🔗3Цар. 15:21 | Въ лѣто двадесять шестое асы царя Иудина, царствова Ила сынъ Ваасинъ надъ Израилемъ во Ѳерсѣ два лѣта. |
16:9 | И воздвиже [Господь] на него отроки его, и замвріа воеводу половины конниковъ: и Ила бѣ во Ѳерсѣ упиваяся, и пiянъ сый въ дому арсы домостроителя во Ѳерсѣ: |
16:10 См.: 🔗4Цар. 9:31 | и вниде замврій, и порази его, и умертви его, въ лѣто двадесять седмое асы царя Иудина, и воцарися вмѣсто его. |
16:11 | И бысть царствующу ему, внегда сѣсти ему на престолѣ его, и изби весь домъ Ваасовъ: не остави ему мочащаго къ стѣнѣ, и ужиковъ его, и друга его. |
16:12 См.: 🔗3Цар. 16:1 | И изби замврій весь домъ Ваасовъ по глаголу Господню, егоже глагола на домъ Ваасовъ и ко иую пророку, |
16:13 См.: 🔗3Цар. 15:34 | о всѣхъ грѣсѣхъ Ваасовыхъ и илы сына его, яко сотвори согрѣшити Израилю, еже разгнѣвати Господа Бога Израилева суетными ихъ. |
16:14 | Прочая же словесъ илы, яже сотвори, не се ли, сiя писана въ книзѣ словесъ дній царей Израилевыхъ? |
16:15 См.: 🔗3Цар. 15:27 | Въ лѣто двадесять седмое асы царя Иудина царствова замврій седмь дній во Ѳерсѣ: и бѣ полкъ Израилевъ на гаваѳонъ иноплеменническiй. |
16:16 См.: 🔗4Цар. 8:26 | И слышаша людiе сущiи въ полцѣ, глаголющихъ: превратися замврій и порази царя. И поставиша царемъ во Израили Амвріа воеводу, иже надъ воями во Израили въ день онъ въ полцѣ. |
16:17 См.: 🔗4Цар. 15:14 | И взыде Амврій и весь Израиль съ нимъ от гаваѳона и обсѣде Ѳерсу. |
16:18 См.: 🔗Мих. 6:16 | И бысть егда увидѣ замврій, яко предвзятъ бысть градъ его, и вниде во внутреннiй домъ царскiй, и зажже надъ собою домъ царевъ огнемъ, и умре |
16:19 См.: 🔗3Цар. 15:26 | за грѣхи своя, яже сотвори, сотворенiя ради лукаваго предъ Господемъ, еже ходити путемъ иеровоама сына наватова, и во грѣсѣхъ его, яже сотвори, яко введе во грѣхъ Израиля. |
16:20 | И прочая словесъ замвріиныхъ, и навѣты его, яже совѣща, не се ли, сiя суть писана въ книгахъ словесъ дній царей Израилевыхъ? |
16:21 | Тогда раздѣлишася людiе Израилстiи, полъ людій бысть за Ѳамніемъ сыномъ Гонаѳовымъ, яко да царствуетъ онъ, и полъ людій бысть со Амвріемъ. |
16:22 | Людiе же сущiи по Амвріи превозмогоша людій бывшихъ со Ѳамніемъ сыномъ Гонаѳовымъ И умре Ѳамній и Иорамъ братъ его во время оно, и воцарися Амврій по Ѳамніи. |
16:23 | Въ лѣто тридесять первое асы царя Иудина царствова Амврій во Израили дванадесять лѣтъ, во Ѳерсѣ же шесть лѣтъ царствова. |
16:24 | И купи Амврій гору семеронъ у семира господина горы двѣма таланты сребра, и созда гору, и нарече имя горѣ, юже созда, во имя семира господина горы оныя, гора семиронъ. |
16:25 | И сотвори Амврій лукавое предъ Господемъ, и прелукавнова паче всѣхъ бывшихъ предъ нимъ: |
16:26 См.: 🔗3Цар. 15:26 | и хождаше по всѣмъ путемъ иеровоама сына наватова и во грѣсѣхъ его, имиже введе во грѣхъ Израиля, еже разгнѣвати Господа Бога Израилева въ суетныхъ ихъ. |
16:27 | И прочая словесъ Амвріевыхъ, и вся яже сотвори, и вся сила его, не се ли, сiя писана въ книзѣ словесъ дній царей Израилевыхъ? |
16:28 | И успе Амврій со отцы своими, и погребенъ бысть въ самаріи. И воцарися Ахаавъ сынъ его вмѣсто его. |
16:29 | Ахаавъ же сынъ Амвріевъ воцарися надъ Израилемъ въ лѣто тридесять осмое асы царя Иудина: царствова же Ахаавъ сынъ Амвріевъ надъ Израилемъ въ самаріи двадесять два лѣта: |
16:30 См.: 🔗4Цар. 10:18 | и сотвори Ахаавъ лукавое предъ Господемъ, и прелукавнова паче всѣхъ бывшихъ прежде его: |
16:31 См.: 🔗Отк. 2:20 | и не бѣ ему доволно, еже ходити во грѣсѣхъ иеровоама сына наватова, и взя жену Иезавель дщерь Иеѳеваала царя Сидонскаго: и иде, и нача служити Ваалу, и поклонися ему, |
16:32 | и постави требище Ваалу въ дому мерзостей его, егоже созда въ самаріи: |
16:33 См.: 🔗Втор. 7:5 🔗4Цар. 13:6 | и сотвори Ахаавъ дубраву: и приложи Ахаавъ творити прогнѣванiя, еже разгнѣвати Господа Бога Израилева и душу свою погубити: злодѣйствова паче всѣхъ царей Израилевыхъ бывшихъ прежде его. |
16:34 См.: 🔗Нав. 6:25 | Во дни же его созда Ахiилъ Веѳилянинъ иерихонъ: на Авиронѣ первороднѣмъ своемъ основа его, и на сегувѣ юнѣйшемъ своемъ постави двери его, по глаголу Господню, егоже глагола рукою иисуса сына навина. |