Книга пророка Иезекииля, глава 15

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 15
15:1	И бысть слово Господне ко мнѣ глаголя:
15:2	сыне человѣчь, что было бы древо лозное от­ всѣхъ древесъ гроздныхъ, сущихъ во древесѣхъ дубравныхъ?
15:3	Аще возмутъ от­ него древо, еже сотворити дѣло? и аще возмутъ колъ от­ него, еже обѣсити на немъ кій либо сосудъ?
15:4 См.: 🔗2Цар. 23:6 🔗Ин. 15:6	Развѣ еже огневи предаст­ся на потребленiе, лѣтнее очищенiе его потребляетъ огнь, и исчезаетъ до конца: еда потребно будетъ на дѣло?
15:5	И еще цѣлу ему сущу не будетъ на дѣло, кольми паче аще огнь е попалитъ до конца, будетъ ли на дѣло потомъ?
15:6	Сего ради рцы: сице глаголетъ Господь Богъ: якоже лоза виноградная во древѣхъ дубравныхъ, юже дахъ на потребленiе огневи, тако дамъ живущыя во Иерусалимѣ:
15:7	и дамъ лице мое на ня, от­ огня изыдутъ, и огнь поястъ я: и увѣдятъ, яко азъ Господь, егда утвержду лице мое на нихъ:
15:8	и дамъ землю въ пагубу, зане впадоша въ грѣхъ, глаголетъ Адонаи Господь.