Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Псалом 151 | |
151:1 | Сей псаломъ особь писанъ, Давидовъ, и внѣ числа 150 псалмовъ, внегда единоборствоваше на голiаѳа. |
151:2 | Малъ бѣхъ въ братiи моей и юншiй въ дому отца моего: |
151:3 | пасохъ овцы отца моего. Руцѣ мои сотвористѣ органъ, и персты мои составиша псалтирь. |
151:4 | И кто возвѣститъ Господеви моему? Самъ Господь, Самъ услышитъ: |
151:5 | Самъ посла ангела Своего, и взятъ мя от овецъ отца моего, и помаза мя елеемъ помазанiя Своего. |
151:6 | Братiя моя добри и велицы: и не благоволи въ нихъ Господь. |
151:7 | Изыдохъ въ срѣтенiе иноплеменнику, и проклятъ мя идолы своими. |
151:8 | Азъ же исторгнувъ мечь от него, обезглавихъ его и отъяхъ поношенiе от сыновъ Израилевыхъ. |