Книга пророка Захарии, глава 13

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 13
13:1	Въ день онъ будетъ всяко мѣсто от­верзаемо дому давидову и живущымъ во Иерусалимѣ въ предвиженiе и раздѣленiе.
13:2 См.: 🔗Иез. 30:13	И будетъ въ день онъ, глаголетъ Господь Саваоѳъ, потреблю имена идоловъ от­ земли, и ктому не будетъ ихъ памяти:и лживыя пророки и духа нечистаго изму от­ земли.
13:3 См.: 🔗Втор. 13:15 🔗Втор. 18:20 🔗Мф. 10:37	И будетъ, аще проречетъ человѣкъ еще, и речетъ къ нему отецъ его и мати его, рождшiи его, внегда пророче­с­т­вовати ему: не живъ будеши, яко лжу глаголалъ еси во имя Господне: и запнутъ ему отецъ его и мати его, родив­шiи его, егда пророче­с­т­вовати начнетъ.
13:4 См.: 🔗Мих. 3:6	И будетъ въ день онъ, постыдят­ся пророцы, кійждо от­ видѣнiя сво­его, внегда пророче­с­т­вовати ему, и облекут­ся въ кожу власяную, зане солгаша.
13:5	И речетъ: нѣсмь пророкъ азъ, яко человѣкъ дѣлаяй землю азъ есмь, зане человѣкъ роди мя от­ юности мо­ея.
13:6	И реку къ нему: что язвы сiя посредѣ руку твоею? И речетъ: имиже уязвленъ быхъ въ дому воз­люблен­наго мо­его.
13:7 См.: 🔗Мф. 26:31 🔗Мк. 14:27	Мечу, востани на пастыря мо­его и на мужа гражданина мо­его, глаголетъ Господь Вседержитель: порази пастыря, и расточат­ся овцы стада: и наведу руку мою на [малыя] пастыри.
13:8 См.: 🔗Лк. 8:5	И будетъ въ день онъ на всей земли, глаголетъ Господь, двѣ части ея потребят­ся и изчезнутъ, а третiя останет­ся на ней:
13:9 См.: 🔗Ис. 10:20 🔗Иез. 22:22 🔗1Кор. 3:15	и проведу третiю часть сквоз­ѣ огнь, и разжгу я, якоже разжизает­ся сребро, и искушу я, якоже искушает­ся злато: той при­­зоветъ имя мое, и азъ услышу его и реку: людiе мо­и сіи суть. И тіи рекутъ: Господь Богъ мой.