Книга пророка Иеремии, глава 51

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 51
51:1 См.: 🔗Ис. 13:1 🔗Иер. 4:11	Тако глаголетъ Господь: се, азъ воз­двигну на Вавилонъ и на живущыя халдеи вѣтръ зно­енъ губителный:
51:2 См.: 🔗Ис. 27:12	и послю на Вавилонъ ругатели, и студно поругают­ся ему и истлятъ землю его: понеже горе на Вавилонъ окрестъ въ день озлобленiя его.
51:3	Да наляцаетъ наляцаяй лукъ свой, и да облечет­ся въ броня своя, и не пощадите юношъ его, и побійте все воин­ство его.
51:4	И падутъ избiен­нiи въ земли Халдейстѣй и язвен­нiи во странахъ ея.
51:5 См.: 🔗Ин. 14:18	Понеже не овдовѣ Израиль и Иуда от­ Бога сво­его, от­ Господа Вседержителя, яко земля ихъ наполнися неправды от­ святыхъ Израилевыхъ.
51:6 См.: 🔗Иер. 50:8	Бѣжите от­ среды Вавилона и спасите кійждо душу свою и не погибнете въ неправдѣ его, зане время от­мщенiя его есть от­ Господа, воз­даянiе той воз­дастъ ему.
51:7 См.: 🔗Иер. 25:27	Чаша златая Вавилонъ въ руцѣ Господни, напаяющи всю землю, от­ вина его пиша [вси] языцы, сего ради потрясошася.
51:8 См.: 🔗Ис. 21:9 🔗Отк. 14:8 🔗Отк. 18:2	Внезапу паде Вавилонъ и сокрушися: плачите по немъ, воз­мите масти къ болѣзни его, да исцѣлит­ся.
51:9 См.: 🔗Отк. 16:19 🔗Отк. 18:5	Врачевахомъ Вавилона, и не исцѣлѣ: оставимъ его и отъидемъ кійждо въ землю свою, взыде бо къ небеси судъ его и воз­движеся даже до звѣздъ.
51:10 См.: 🔗Мих. 7:9	Изнесе Господь судъ свой: прiидите и воз­вѣстимъ въ Сiонѣ дѣла Господа Бога на­шего.
51:11 См.: 🔗Иер. 46:4 🔗Иер. 50:28 🔗Ис. 13:17	Наострите стрѣлы, наполните тулы: воз­движе Господь духъ царей мидскихъ, яко противу Вавилона гнѣвъ его, да погубитъ и, понеже от­мщенiе Господне есть, от­мщенiе людій его.
51:12	На стѣнахъ Вавилонскихъ воз­двигните знамя, поставите стражи, уготовите стражей, уготовите оружiе: яко умысли Господь, и сотворитъ, яже рече на живущыя въ Вавилонѣ,
51:13 См.: 🔗Отк. 17:2	живый надъ водами многими и богатъ въ сокровищихъ сво­ихъ: прiиде конецъ твой истин­но во утробы твоя.
51:14 См.: 🔗Ам. 6:8	Клят­ся бо Господь силъ мышцею сво­ею, яко наполню тебе людьми, якоже акридами, и воз­гласятъ надъ тобою низходящiи.
51:15 См.: 🔗Быт. 1:6 🔗Иер. 10:12	Господь сотворивый землю въ силѣ сво­ей и устроивый вселен­ную въ мудрости сво­ей, и разумѣнiемъ сво­имъ распростре небеса,
51:16 См.: 🔗Пс. 134:7	егда онъ дастъ гласъ, умножат­ся воды на небеси, воз­двизаяй облаки от­ конецъ земли, молнiю въ дождь сотвори, изводяй свѣтъ от­ сокровищъ сво­ихъ.
51:17 См.: 🔗Иер. 10:14 🔗Ис. 44:9	Обуя всякъ человѣкъ от­ разума, посрамися всякъ слiятель от­ изваянiй сво­ихъ, яко ложная слiянiя его, и нѣсть духа въ нихъ:
51:18	суетна суть дѣла и смѣху достойна, въ часъ посѣщенiя сво­его погибнутъ.
51:19 См.: 🔗Иер. 10:16	Не такова часть Иаковля, яко сотворивый всяческая той есть, [а Израиль] жезлъ достоянiя его, Господь Вседержитель имя его.
51:20 См.: 🔗Иер. 50:23	Сокрушаеши ты мнѣ сосуды бран­ныя, и азъ сокрушу въ тебѣ языки и погублю въ тебѣ цар­ст­вiя:
51:21	и избiю въ тебѣ кони и всадники ихъ, и избiю въ тебѣ колесницы и всѣдающихъ на нихъ:
51:22	и избiю въ тебѣ мужа и жену, и избiю въ тебѣ стара и отрока, и избiю въ тебѣ юношу и дѣву:
51:23	и избiю въ тебѣ пастыря и стада его, и избiю въ тебѣ орюща и работна скота его, и избiю въ тебѣ во­еводы и правители.
51:24 См.: 🔗Иер. 30:16 🔗Иер. 50:29 🔗2Фес. 1:6	И воз­дамъ Вавилону и всѣмъ жителемъ халдейскимъ вся злобы ихъ, яже сотвориша надъ Сiономъ предъ очима вашима, глаголетъ Господь.
51:25 См.: 🔗Иов. 9:5 🔗Отк. 8:8	Се, азъ на тя, горо смертоносная, глаголетъ Господь, растлѣвающая всю землю, и простру руку мою на тя и извергу тя изъ каменей, и дамъ тя въ гору сожженую:
51:26	и не возмутъ от­ тебе камене во углъ и камене во основанiе, яко потребишися во вѣки, глаголетъ Господь.
51:27 См.: 🔗Иер. 6:4 🔗Быт. 8:4 🔗Ис. 37:38	Воздвигните знамя на земли, вострубите трубою во языцѣхъ, освятите нань языки, воз­вѣстите нань цар­ст­вамъ Араратскимъ от­ мене и Асханазеомъ: утвердите надъ нимъ стрѣльницы, воз­ведите нань кони, яко акридовъ множе­с­т­во.
51:28	Возведите нань языки, царя мидска и всея земли, во­еводъ его и всѣхъ воевъ его и всея земли области его.
51:29	И потрясеся земля и смутися, зане воста на Вавилонъ умышленiе Господне, еже положити землю Вавилонску пусту и ненаселену.
51:30 См.: 🔗Иер. 50:37	Оскудѣша крѣпцыи Вавилонстiи еже ратовати: сядутъ тамо во оградѣ, погибе храбрость ихъ, и быша яко жены: пожжена суть селенiя, сотрены заворы его.
51:31	Гоняй во срѣтенiе текуща постигнетъ, и вѣст­никъ срѣтитъ посла, да воз­вѣститъ царю Вавилонску, яко взятъ бысть градъ его.
51:32 См.: 🔗Иер. 50:38	От края прехожденiй его яти быша, и твердыни его зажжены огнемъ, и мужiе его воинстiи исходятъ.
51:33 См.: 🔗Мих. 4:12 🔗Отк. 14:15	Тако бо глаголетъ Господь Вседержитель, Богъ Израилевъ: домове царя Вавилонскаго яко гумно зрѣло измлачени будутъ: еще мало, и прiидетъ жатва его.
51:34	Снѣде мя, раздроби мя, прiятъ мя тма тонка, навуходоносоръ царь Вавилонскiй пожре мя, яко змій наполни чрево свое сладостiю мо­ею: и извергоша мя.
51:35	Труды мо­и и бѣды моя на Вавилонъ, речетъ живущая въ Сiонѣ, и кровь моя на живущыя въ халдеехъ, речетъ Иерусалимъ.
51:36	Сего ради тако глаголетъ Господь: се, азъ судити буду соперника тво­его и от­мщу от­мщенiе твое, и пусто сотворю море его и изсушу потоки его.
51:37 См.: 🔗Иер. 50:13 🔗Отк. 18:2	И будетъ Вавилонъ въ запустѣнiе, жилище змиемъ, въ чудо и позвизданiе, понеже не будетъ живущаго.
51:38 См.: 🔗Ис. 5:29	Вкупѣ аки львы востанутъ и аки скимни львовъ.
51:39 См.: 🔗Ис. 29:10	Въ горячести ихъ дамъ питiе имъ и упою я, да спятъ и уснутъ сномъ вѣчнымъ и не востанутъ, глаголетъ Господь.
51:40	И низведу я яко агнцы на закланiе и яко овны съ козлы.
51:41 См.: 🔗Иер. 25:26	Како взяся сесахъ, и ята слава всея земли? како бысть во удивленiе Вавилонъ во языцѣхъ?
51:42 См.: 🔗Ис. 8:7 🔗Иез. 26:3	Взыде на Вавилонъ море въ шумѣ волнъ сво­ихъ, и покрыся.
51:43	Быша гради его въ запустѣнiе, земля безводна и пуста, земля, въ нейже никтоже поживетъ, и ниже будетъ витати въ немъ сынъ человѣчь.
51:44	И посѣщу на вила въ Вавилонѣ, извергу то, еже поглоти, от­ устъ его, и не соберут­ся вящше къ нему языцы, зане и стѣны вавилонскiя падутъ.
51:45 См.: 🔗Иер. 51:6	Изыдите от­ среды его, людiе мо­и, да спасетъ кійждо душу свою от­ гнѣва ярости Господни.
51:46	Да не когда умягчит­ся сердце ва­ше, и убо­итеся ради слуха, иже услышит­ся на земли, и прiидетъ въ лѣто слышанiе, и по лѣтѣ слышанiе, бѣдность и неправда на землю, и властелинъ на властелина.
51:47	Сего ради, се, дніе грядутъ, и посѣщу на изваяныя Вавилона: и вся земля его посрамит­ся, и вси язвенiи его падутъ посредѣ его.
51:48 См.: 🔗Отк. 18:20	И воз­веселят­ся надъ Вавилономъ небеса и земля и вся сущая въ нихъ: от­ полунощи бо прiидутъ нань всегубителiе, глаголетъ Господь:
51:49	и якоже сотвори Вавилонъ падати язвенымъ во Израили, тако въ Вавилонѣ падутъ язвенiи всея земли.
51:50	Избѣгшiи меча, идите, не стойте: иже издалече, помяните Господа, и Иерусалимъ да взыдетъ на сердце ва­ше.
51:51	Посрамихомся, зане слышахомъ руганiе на­ше, покры срамота лице на­ше, яко прiидоша чуждіи во святая наша въ домъ Господень.
51:52 См.: 🔗Иез. 26:15	Сего ради, се, дніе грядутъ, глаголетъ Господь, и посѣщу на изваянiя его, и по всей земли его падутъ язвенiи.
51:53 См.: 🔗Пс. 138:8 🔗Ам. 9:2 🔗Авд. 1:4	Яко аще взыдетъ Вавилонъ на небо и аще утвердитъ на высотѣ крѣпость свою, от­ мене прiидутъ губителiе его, глаголетъ Господь.
51:54	Гласъ вопля Вавилонска, и сотренiе велико въ земли Халдейстѣй:
51:55	яко погуби Господь Вавилона и сотре от­ него гласъ велiй шумящь яко воды многи, даде въ пагубу гласъ его:
51:56 См.: 🔗Втор. 32:35 🔗Рим. 12:19 🔗Евр. 10:30	яко прiиде на Вавилонъ хищникъ, яти быша сильнiи его, увяде лукъ ихъ, яко Богъ воз­даетъ имъ,
51:57	Господь воз­даетъ ему воз­даянiе: и упо­итъ князи его и мудрыя его, и во­еводы его и вои его и сильныя его, и уснутъ сномъ вѣчнымъ и не воз­будят­ся, глаголетъ Царь, Господь Вседержитель имя его.
51:58 См.: 🔗Ис. 2:15	Тако глаголетъ Господь Вседержитель: стѣна Вавилонска сiя преширока, подкопанiемъ подкопана будетъ, и врата его высока огнемъ сожжена будутъ, и будутъ трудитися людiе вотще, и языцы въ началѣ погибнутъ.
51:59	Слово, еже заповѣда Господь иереміи пророку, рещи сарею сыну ниріину, сына маассеова, егда иде от­ седекіи царя Иудина въ Вавилонъ, въ четвертое лѣто цар­ст­ва его: сарей же бѣ началникъ даровъ.
51:60 См.: 🔗Иер. 36:7	И написа иереміа вся злая, яже имяху прiити на Вавилонъ, во едину книгу вся словеса сiя, яже писана суть на Вавилонъ. И рече иереміа къ сарею:
51:61	егда внидеши въ Вавилонъ, и узриши и прочтеши вся словеса сiя, и речеши:
51:62	Господи, ты реклъ еси противу мѣста сего погубити е, и да не будетъ живяй въ немъ от­ человѣка и до скота, и да будетъ въ вѣчную пустыню:
51:63	и будетъ, егда прочтеши книгу сiю, при­­вяжи къ ней камень и вверзи ю посредѣ Евфрата и рцы:
51:64 См.: 🔗Отк. 18:21	тако потопит­ся Вавилонъ и не востанетъ от­ лица золъ, яже азъ наведу нань, и разорит­ся. Даже до здѣ словеса иереміина.