Книга пророка Софонии, глава 3

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 3
3:1	О, свѣтлый и избавлен­ный граде, голубице!
3:2	Не услыша гласа, не прiятъ наказанiя, на Господа не упова и къ Богу сво­ему не при­­ближися.
3:3 См.: 🔗Иез. 22:27 🔗Мих. 3:10	Князи его въ немъ, яко львы рыкающе, судiи его яко волцы Аравійстiи, не оставляху на утро.
3:4 См.: 🔗Иер. 23:11 🔗Ос. 9:7 🔗Иез. 22:26	Пророцы его вѣтроносцы, мужiе презорливи: священ­ницы его сквернятъ святая и нече­ст­вуютъ въ законъ.
3:5 См.: 🔗Мал. 2:6 🔗2Пар. 36:15 🔗Дан. 9:20	Господь же праведенъ посредѣ его и не имать сотворити неправды: утро утро дастъ судъ свой въ свѣтъ: и не укрыся, и не вѣсть неправды во истязанiи, ниже въ распри обиды.
3:6	Въ растлѣнiе низложихъ величавыя, изчезоша углы ихъ: опустошу пути ихъ весьма, еже не проходити: изчезоша гради ихъ, занеже ни единому быти, ни жити.
3:7 См.: 🔗Ис. 8:13 🔗Ис. 26:9 🔗Зах. 1:3	Рѣхъ: обаче убойтеся мене и прiимите наказанiе, и не имате потребитися от­ очiю его, за вся елика от­мстихъ на немъ: готовися, утренюй, истлѣ все ли­ст­вiе ихъ.
3:8 См.: 🔗Соф. 1:18	Сего ради потерпи мене, глаголетъ Господь, въ день воскресенiя мо­его во свидѣтел­ст­во: зане судъ мо­й въ сонмища языковъ еже прiяти царей, еже излiяти на ня гнѣвъ мой весь, гнѣвъ ярости мо­ея: зане огнемъ рвенiя мо­его поядена будетъ вся земля.
3:9 См.: 🔗Ис. 29:18 🔗Ис. 61:1 🔗Ос. 2:14	Яко тогда обращу къ людемъ языкъ въ родъ его, еже при­­зывати: всѣмъ имя Господне, работати ему подъ игомъ единѣмъ.
3:10 См.: 🔗Ис. 18:7 🔗Рим. 15:16 🔗1Пет. 1:1	От конецъ рѣкъ еѳiопскихъ прiиму молящыя мя, въ разсѣян­ныхъ мо­ихъ при­­несутъ жертвы мнѣ.
3:11 См.: 🔗Рим. 6:21	Въ день онъ не имаши постыдитися от­ всѣхъ начинанiй тво­ихъ, имиже нече­ст­вовалъ еси въ мя: яко тогда от­иму от­ тебе укоризны досажденiя тво­его, и ктому не имаши при­­ложити величатися на горѣ святѣй мо­ей.
3:12 См.: 🔗Ис. 6:13 🔗Ис. 11:16 🔗1Кор. 1:26	И оставлю въ тебѣ люди кротки и смирен­ны, и будутъ благоговѣти о имени Господни
3:13 См.: 🔗Ис. 29:23 🔗Отк. 14:5 🔗Ин. 10:11	останцы Израилевы, и не сотворятъ неправды, и не воз­глаголютъ суетныхъ, и не обрящет­ся въ устѣхъ ихъ языкъ льстивъ: зане тіи пожируютъ и угнѣздят­ся, и не будетъ устрашаяй ихъ.
3:14 См.: 🔗Ис. 12:6 🔗Ис. 35:1 🔗Зах. 9:9	Радуйся, дщи Сiонова, зѣло, проповѣдуй, дщи Иерусалимова, веселися и пре­украшайся от­ всего сердца тво­его, дщи Иерусалимля:
3:15 См.: 🔗Ис. 40:2 🔗Отк. 19:16	отъ­ятъ Господь неправды твоя, избавилъ тя есть изъ руки врагъ тво­ихъ: воцарит­ся Господь посредѣ тебе, и не узриши зла ктому.
3:16 См.: 🔗Ис. 12:2 🔗Зах. 8:13	Во время оно речетъ Господь Иерусалиму: дерзай, Сiоне, да не ослабѣютъ руцѣ тво­и.
3:17 См.: 🔗Ис. 25:4 🔗Иез. 11:16	Господь Богъ твой въ тебѣ, сильный спасетъ тя, наведетъ на тя веселiе и обновитъ тя въ любви сво­ей, и воз­веселит­ся о тебѣ во украшенiи, яко въ день праздника.
3:18	И соберу сотреныя твоя: горе, кто прiиметъ нань поношенiе?
3:19 См.: 🔗Мих. 4:7	Се, азъ сотворю въ тебѣ тебе ради, глаголетъ Господь, во время оно: и спасу утиснен­ную и от­риновен­ную прiиму, и положу я въ похваленiе и имениты по всей земли.
3:20 См.: 🔗Иер. 29:14 🔗Иез. 34:12 🔗Соф. 2:7	И постыдят­ся во время оно, егда добро вамъ сотворю, и во время, егда прiиму вы: зане дамъ вы имениты и въ похваленiе во всѣхъ людехъ земли, внегда воз­вращати ми плѣненiе ва­ше предъ вами, глаголетъ Господь.