Книга пророка Исаии, глава 48

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 48
48:1 См.: 🔗Иер. 4:2	Услышите сiя, доме Иаковль, прозван­нiи именемъ Израилевымъ и изшедшiи изъ Иуды, кленущiися именемъ Господа Бога Израилева, поминающiи не со истиною, ниже со правдою,
48:2 См.: 🔗Иер. 25:29 🔗Дан. 9:18 🔗Тит. 1:16	и при­­держащiися имени града святаго, и о Бозѣ Израилевѣ подтверждающiися: Господь Саваоѳъ имя ему.
48:3	Преждняя еще воз­вѣстихъ, и изъ устъ мо­ихъ изыдоша, и слышано бысть: внезапу сотворихъ, и найде.
48:4 См.: 🔗2Пар. 30:8 🔗Иер. 5:3 🔗Иез. 2:4 🔗Иез. 3:7	Вѣмъ, яко жестокъ еси, и жила желѣзна выя твоя, и чело твое мѣдяно.
48:5	И воз­вѣстихъ ти, яже древле, прежде неже прiити на тя: слышана тебѣ сотворихъ, да не когда речеши, яко идоли мнѣ сiя сотвориша, и не рцы, яко изваян­ная и слiян­ная заповѣдаша мнѣ.
48:6	Слышасте вся, и вы не разумѣсте: но и слышана тебѣ сотворихъ новая от­нынѣ, яже имутъ быти:
48:7	и не реклъ еси: нынѣ бываютъ, а не прежде, и не въ прежднiя дни слышалъ еси сiя: не рцы: ей, вѣмъ сiя.
48:8 См.: 🔗Пс. 57:5 🔗Зах. 7:12	Не вѣдѣлъ еси, ниже разумѣлъ еси, ниже исперва от­верзохъ ушеса твоя: вѣдѣхъ бо, яко от­вергая от­ринеши и беззакон­никъ еще от­ чрева прозовешися.
48:9 См.: 🔗Чис. 14:8 🔗Пс. 105:45	Имене мо­его ради покажу ти ярость мою, и славная моя наведу на тя, да не потреблю тебе.
48:10 См.: 🔗Зах. 13:9 🔗Мал. 3:3 🔗1Пет. 1:7	Се, продахъ тя не сребра ради: изъяхъ же тя изъ пещи убоже­ст­ва.
48:11 См.: 🔗Ис. 42:8	Мене ради сотворю ти, яко мое имя оскверняет­ся, и славы мо­ея иному не дамъ.
48:12 См.: 🔗Ис. 41:4 🔗Ис. 44:6	Послушай мене, Иакове и Израилю, егоже азъ при­­зываю: азъ есмь первый и азъ есмь во вѣкъ.
48:13 См.: 🔗Пс. 101:26 🔗Ис. 40:28 🔗Рим. 4:17	И рука моя основа землю, и десница моя утверди небо: при­­зову я, и станетъ вкупѣ,
48:14	и соберут­ся вси и услышатъ: кто имъ воз­вѣсти сiя? любя тя сотворихъ волю твою надъ Вавилономъ, еже отъ­яти племя Халдейско.
48:15	Азъ глаголахъ, азъ при­­звахъ, при­­ведохъ и, и благопоспѣшитъ путь его.
48:16 См.: 🔗Втор. 30:11 🔗Ин. 1:2 🔗Ин. 15:26	Приступите ко мнѣ и слышите сiя, исперва не отай глаголахъ: егда бываху, тамо бѣхъ, и нынѣ Господь Господь посла мя и Духъ его.
48:17 См.: 🔗Ис. 45:19	Тако глаголетъ Господь, избавивый тя, святый Израилевъ: азъ есмь Господь Богъ твой, научихъ тя, еже обрѣсти тебѣ путь, по немуже пойдеши.
48:18 См.: 🔗Втор. 5:29 🔗Пс. 80:15 🔗Ис. 66:12	И аще бы еси послушалъ заповѣдiй мо­ихъ, то былъ бы убо аки рѣка миръ твой, и правда твоя яко волна морская,
48:19	и было бы яко песокъ сѣмя твое, и исчадiя чрева тво­его яко персть земли: ниже нынѣ потребишися, ниже погибнетъ имя твое предо мною.
48:20 См.: 🔗Иер. 50:8 🔗Отк. 18:4	Изыди от­ Вавилона, бѣжай от­ халдеевъ: гласъ радости воз­вѣстите, и да слышано будетъ сiе, воз­вѣстите даже до послѣднихъ земли, глаголите: избави Господь раба сво­его Иакова.
48:21 См.: 🔗Исх. 17:6 🔗Чис. 20:10 🔗Пс. 77:15 🔗Пс. 104:41 🔗Прем. 11:4 🔗1Кор. 10:4	И аще вжаждутъ, пустынею проведетъ ихъ и воду изъ камене изведетъ имъ: разсядет­ся камень, и потечетъ вода, и испiютъ людiе мо­и.
48:22 См.: 🔗Ис. 57:21	Нѣсть радоватися нечестивымъ, глаголетъ Господь.