Книга пророка Исаии, глава 42

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 42
42:1 См.: 🔗Мф. 12:18	Иаковъ отрокъ мой, воспрiиму и: Израиль избран­ный мой, прiятъ его душа моя, дахъ Духъ мой нань, судъ языкомъ воз­вѣститъ:
42:2	не возопiетъ, ниже ослабитъ, ниже услышит­ся внѣ гласъ его:
42:3 См.: 🔗Ин. 20:27 🔗Ис. 43:17	трости сокрушены не сотретъ и льна курящася не угаситъ, но во истину изнесетъ судъ:
42:4	воз­сiяетъ и не потухнетъ, дондеже положитъ на земли судъ, и на имя его языцы уповати имутъ.
42:5 См.: 🔗Ис. 37:16	Тако глаголетъ Господь Богъ, сотворивый небо и водрузивый е, утверждей землю и яже на ней, и даяй дыханiе людемъ, иже на ней, и духъ ходящымъ на ней:
42:6 См.: 🔗Ис. 49:6 🔗Деян. 13:47	азъ Господь Богъ при­­звахъ тя въ правдѣ, и удержу за руку твою и укрѣплю тя: и дахъ тя въ завѣтъ рода Израилева, во свѣтъ языковъ,
42:7 См.: 🔗Ис. 61:1 🔗Лк. 4:18	от­версти очи слѣпыхъ, извести от­ узъ связан­ныя и изъ дому темницы и сѣдящыя во тмѣ.
42:8 См.: 🔗Ис. 48:11	Азъ Господь Богъ, сiе мое есть имя, славы мо­ея иному не дамъ, ниже добродѣтелей мо­ихъ истукан­нымъ.
42:9	Яже изъ начала, се, прiидоша, и новая, яже азъ воз­вѣщу, и прежде неже воз­вѣстити, явишася вамъ.
42:10 См.: 🔗Отк. 5:9	Воспойте Господеви пѣснь нову: начал­ст­во его, прославите имя его от­ конецъ земли, сходящiи въ море и плава­ю­щiи по нему, острови и живущiи на нихъ.
42:11	Возвеселися, пустыне, и веси ея, при­­дворiя, и живущiи въ Кидарѣ: воз­веселят­ся живущiи на камени, от­ края горъ возопiютъ,
42:12	дадятъ Богу славу, добродѣтели его во островѣхъ воз­вѣстятъ.
42:13 См.: 🔗Ис. 59:1	Господь Богъ силъ изыдетъ и сокрушитъ рать, воз­двигнетъ рвенiе и возопiетъ на враги своя со крѣпостiю.
42:14 См.: 🔗Ис. 57:11 🔗Ис. 62:1 🔗Ис. 65:6	Молчахъ, еда и всегда умолчу и потерплю? Терпѣхъ яко раждающая, истреблю и изсушу вкупѣ,
42:15	опустошу горы и холмы, и всяку траву ихъ изсушу, и положу рѣки во островы, и луги изсушу:
42:16 См.: 🔗Ис. 35:5	и наведу слѣпыя на путь, егоже не видѣша, и по стезямъ, ихже не знаша, ходити сотворю имъ: сотворю имъ тму во свѣтъ и стропотная въ правая: сiя глаголы сотворю, и не оставлю ихъ.
42:17 См.: 🔗Пс. 96:7	Тіи же воз­вратишася вспять: посрамитеся стыдѣнiемъ, уповающiи на изваян­ная, глаголющiи слiян­нымъ: вы есте бози наши.
42:18 См.: 🔗Ис. 29:18 🔗Иез. 12:2	Глусіи, услышите, и слѣпіи, прозрите видѣти.
42:19 См.: 🔗Мф. 15:14	И кто слѣпъ, развѣ раби мо­и? и глуси, развѣ владѣющiи ими? и ослѣпоша раби Божiи.
42:20 См.: 🔗Иез. 33:31	Видѣсте многажды, и не сохранисте: от­версты ушы [имуще], и не слышасте.
42:21 См.: 🔗Зах. 8:8	Господь Богъ восхотѣ, да оправдит­ся и воз­величитъ хвалу.
42:22	И видѣхъ, и быша людiе расхищени и разграблени: пругло бо въ ложахъ вездѣ, и въ домѣхъ вкупѣ, идѣже скрыша я, быша въ плѣнъ: и не бысть изъимаяй разграбленiя и не бѣ глаголющаго: от­даждь.
42:23	Кто въ васъ, иже внушитъ сiя? и услышитъ во грядущая.
42:24	Кто даде на разграбленiе Иакова, и Израиля плѣняющымъ его? не Богъ ли, емуже согрѣшиша и не восхотѣша въ путехъ его ходити, ни слушати закона его?
42:25 См.: 🔗Иер. 21:14	И наведе на ня гнѣвъ ярости сво­ея, и укрѣпися на ня рать, и палящiи ихъ окрестъ, и не увѣдѣша кійждо ихъ, ниже положиша на умѣ.