Книга Бытия, глава 28

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 28
28:1 См.: 🔗Быт. 24:3	Призвавъ же Исаакъ Иакова, благослови его и заповѣда ему, глаголя: да не поймеши жены от­ дщерей Хананейскихъ:
28:2 См.: 🔗Быт. 22:23	воставъ от­бѣжи въ Месо­потамiю въ домъ Ваѳуила отца матере тво­ея, и по­ими себѣ от­туду жену от­ дщерей Лавана брата матере тво­ея:
28:3	Богъ же мой да благословитъ тя и воз­раститъ тя и умножитъ тя, и будеши въ собранiя языковъ:
28:4	и да дастъ тебѣ благословенiе Авраама отца мо­его, тебѣ и сѣмени тво­ему по тебѣ наслѣдити землю обитанiя тво­его, юже даде Богъ Аврааму.
28:5 См.: 🔗Ос. 12:12	Посла же Исаакъ Иакова: и отъиде въ Месо­потамiю къ Лавану сыну Ваѳуила Сирина, къ брату же Ревекки матере Иаковли и Исавли.
28:6 См.: 🔗Быт. 26:34	Видѣ же Исавъ, яко благослови Исаакъ Иакова и посла въ Месо­потамiю Сирскую пояти от­туду себѣ жену, егда благослови его и заповѣда ему, глаголя: да не поймеши жены от­ дщерей Хананейскихъ.
28:7	И послуша Иаковъ отца и матере сво­ея, и отъиде въ Месо­потамiю Сирскую.
28:8	Видѣвъ же Исавъ, яко злы суть дщери Хананейскiя предъ Исаакомъ отцемъ его,
28:9 См.: 🔗Быт. 25:13	отъиде Исавъ ко Исмаилу и взя Маелеѳу дщерь Исмаила сына Авраамля, сестру Навеоѳову, жену къ женамъ сво­имъ.
28:10 См.: 🔗Быт. 26:23 🔗Быт. 27:43	И отъиде Иаковъ от­ кладязя Клятвен­наго и иде въ Харранъ,
28:11 См.: 🔗Быт. 35:1 🔗Быт. 48:3	и обрѣте мѣсто и успе тамо, зайде бо солнце: и взя от­ каменiя мѣста [того] и положи въ воз­главiе себѣ, и спа на мѣстѣ онѣмъ.
28:12 См.: 🔗Ин. 1:51	И сонъ видѣ: и се, лѣ­ст­вица утверждена на земли, еяже глава досяза­ше до небесе, и Ангели Божiи восхождаху и низхождаху по ней:
28:13 См.: 🔗Быт. 35:1 🔗Быт. 48:3 🔗Сир. 44:25	Господь же утвержда­шеся на ней и рече: Азъ есмь Богъ Авраама отца тво­его и Богъ Исаака, не бойся: земля, идѣже ты спиши на ней, тебѣ дамъ ю и сѣмени тво­ему:
28:14 См.: 🔗Втор. 12:20 🔗Втор. 19:8 🔗Быт. 26:4	и будетъ сѣмя твое яко песокъ земный, и распространит­ся на море, и Ливу, и сѣверъ, и на востоки: и благословят­ся о тебѣ вся колѣна земная и о сѣмени тво­емъ:
28:15 См.: 🔗Ис. 43:2	и се, Азъ есмь съ тобою, сохраняяй тя на всякомъ пути, аможе аще пойдеши, и воз­вращу тя въ землю сiю: яко не имамъ тебе оставити, дондеже сотворити ми вся, елика глаголахъ тебѣ.
28:16	И воста Иаковъ от­ сна сво­его и рече: яко есть Господь на мѣстѣ семъ, азъ же не вѣдѣхъ.
28:17 См.: 🔗Исх. 3:5 🔗Нав. 5:15	И убояся и рече: яко страшно мѣсто сiе: нѣсть сiе, но домъ Божiй, и сiя врата небесная.
28:18 См.: 🔗Быт. 31:13	И воста Иаковъ заутра, и взя камень, егоже положи тамо въ воз­главiе себѣ: и постави его въ столпъ, и воз­лiя елей верху его.
28:19 См.: 🔗Быт. 35:6	И прозва Иаковъ имя мѣсту тому Домъ Божiй: Уламлузъ же бѣ имя граду первѣе.
28:20 См.: 🔗1Тим. 6:8	И положи Иаковъ обѣтъ, глаголя: аще будетъ Господь Богъ со мною и сохранитъ мя на пути семъ, въ оньже азъ иду, и дастъ ми хлѣбъ ясти, и ризы облещися,
28:21	и воз­вратитъ мя здрава въ домъ отца мо­его, и будетъ Господь мнѣ въ Бога:
28:22 См.: 🔗Быт. 35:7	и камень сей, егоже поставихъ въ столпъ, будетъ ми домъ Божiй, и от­ всѣхъ, яже ми даси, десятину одесят­ст­вую та Тебѣ.