Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 13 | |
13:1 | И бысть слово Господне ко мнѣ глаголя: |
13:2 | сыне человѣчь, прорцы на пророки Израилевы прорицающыя и речеши пророкомъ прорицающымъ от сердца своего, и прорцы и речеши къ нимъ: слышите слово Господне, |
13:3 См.: 🔗Иез. 14:9 | сiя глаголетъ Адонаи Господь: лютѣ прорицающымъ от сердца своего, ходящымъ вслѣдъ духа своего, а отнюдъ не видящымъ. |
13:4 См.: 🔗Песн. 2:15 | Якоже лисицы въ пустыни, [тако] пророцы твои [быша], Израилю! |
13:5 См.: 🔗Иез. 22:30 | Не сташа на тверди и собраша стада къ дому Израилеву: не восташа глаголющiи въ день Господень, |
13:6 См.: 🔗Иер. 5:31 | видящiи ложная и волхвующiи суетная, глаголюще, тако глаголетъ Господь, Господь же не посла ихъ, и начаша возставляти слово. |
13:7 См.: 🔗Иер. 14:14 | Не ложное ли убо видѣнiе видѣсте и волхвованiя суетная рекосте? глаголете, рече Господь: азъ же не глаголахъ. |
13:8 | Сего ради рцы: сiя глаголетъ Адонаи Господь: понеже словеса ваша лжива и волхвованiя ваша суетна, того ради, се, азъ на вы, глаголетъ Адонаи Господь, |
13:9 См.: 🔗Зах. 13:4 | и простру руку мою на пророки видящыя лжу и провѣщавающыя суетная: въ наказанiи людій моихъ не будутъ, и въ писанiи дому Израилева не впишутся, и въ землю Израилеву не внидутъ, и увѣдятъ, яко азъ Адонаи Господь. |
13:10 См.: 🔗Иер. 6:14 | Понеже прельстиша людій моихъ, глаголюще: миръ, миръ: и не бяше мира: и сей сограждаетъ стѣну, а они помазуютъ ю, падется. |
13:11 См.: 🔗Ис. 28:17 | Глаголи къ помазующымъ ю: падется, и будетъ туча потопляющая, и дамъ каменiе стрѣльное въ свузы ихъ, и падутся, и вѣтръ воздвижущь размещетъ, и разсядется. |
13:12 | И се, падеся стѣна, и не рекутъ ли къ вамъ: гдѣ есть помазанiе ваше, имже помазасте? |
13:13 | Того ради сiя глаголетъ Адонаи Господь: и навергу бурю разоряющую со яростiю, и туча потопляющи гнѣвомъ моимъ будетъ, и каменiе стрѣльное наведу яростiю во скончанiе: |
13:14 | и раскопаю стѣну, юже помазасте, и падется, и положу ю на земли, и открыются основанiя ея, и падется, и скончаетеся со обличенiемъ и познаете, яко азъ Господь: |
13:15 | и скончаю ярость мою на стѣнѣ и на помазующихъ ю, и падетъ. И рекохъ къ вамъ: нѣсть стѣны, ни помазующихъ ея, |
13:16 | пророцы Израилевы, прорицающiи на Иерусалимъ и видящiи ему миръ, и нѣсть мира, глаголетъ Адонаи Господь. |
13:17 | И ты, сыне человѣчь, утверди лице твое на дщери людій твоихъ, на прорицающыя от сердца своего, и прорцы на нихъ, |
13:18 | и речеши: сiя глаголетъ Адонаи Господь: горе сшивающымъ возглавiйцы подъ всякiй лакоть руки и сотворяющымъ покрывала надъ всякую главу всякаго возраста, еже развратити душы: души развратишася людій моихъ, и душъ снабдѣваху: |
13:19 | и осквернавляху мя у людій моихъ, горсти ради ячмене и ради укруха хлѣба, еже избити душы, имже не подобаше умрети, и оживити душы, имже не подобаше жити, провѣщающе людемъ моимъ, послушающымъ лживыхъ провѣщанiй. |
13:20 | Сего ради сiя глаголетъ Господь: се, азъ на возглавiя ваша, имиже вы развращаете душы тамо: и отторгну я от мышцей вашихъ, и послю душы, яже вы развращасте душы ихъ на разсыпанiе, |
13:21 | и растерзаю покрывала ваша, и отиму люди моя от руки вашея, и ктому не будутъ въ рукахъ вашихъ на развращенiе, и познаете, яко азъ Господь: |
13:22 См.: 🔗Иер. 23:14 | понеже развращасте сердце праведнаго неправедно, азъ же не развращахъ его, и укрѣплясте руцѣ беззаконнику, еже отнюдъ не обратитися ему от пути его злаго и живу быти ему, |
13:23 | сего ради не узрите лжи, и волхвованiя ктому не имате волхвовати: и избавлю люди моя от рукъ вашихъ, и увѣсте, яко азъ Господь. |