Четвёртая книга Царств (Вторая книга Царей), глава 20

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 20
20:1 См.: 🔗2Пар. 32:24 🔗Ис. 38:1	Во днехъ онѣхъ разболѣся езекіа [царь] да смерти. И вниде къ нему Исаiа пророкъ сынъ Амосовъ и рече къ нему: тако глаголетъ Господь: заповѣждь дому тво­ему, умреши бо ты и не будеши живъ.
20:2	И обрати езекіа лице свое ко стѣнѣ и помолися ко Господу, глаголя:
20:3 См.: 🔗3Цар. 2:4	Господи помяни нынѣ, яко истиною ходихъ предъ тобою и сердцемъ совершен­нымъ, и угодная предъ очима тво­има сотворихъ. И плакася езекіа плачемъ великимъ.
20:4	И бяше Исаiа еще посредѣ двора, и бысть слово Господне къ нему, глаголя:
20:5	воз­вратися и рцы езекіи вожду людій мо­ихъ: тако глаголетъ Господь Богъ давида отца тво­его: услышахъ молитву твою и видѣхъ слезы твоя: се, азъ изцѣлю тя, и въ день третiй взыдеши въ домъ Господень:
20:6 См.: 🔗Ис. 38:5 🔗Евр. 11:34 🔗4Цар. 19:34	и при­­ложу къ лѣтомъ тво­имъ лѣтъ пять­на­де­сять, и от­ руки царя Ассирійска избавлю тя и градъ сей, и защищу градъ сей мене ради и давида ради раба мо­его.
20:7 См.: 🔗Ис. 38:21	И рече Исаiа: да возмутъ перевясло смоквей и да положатъ на вредъ, и изцѣлѣетъ.
20:8 См.: 🔗Суд. 6:17	И рече езекіа ко Исаiи: кое знаменiе, яко изцѣлитъ мя Господь и взыду въ домъ Господень въ день третiй?
20:9 См.: 🔗Сир. 48:26	И рече Исаiа: сiе знаменiе от­ Господа, яко сотворитъ Господь слово, еже глагола: [хощеши ли да] пойдетъ стѣнь десять степенiй, или воз­вратит­ся десять степенiй?
20:10	И рече езекіа: удобно стѣни уклонитися десять степенiй: ни, но да воз­вратит­ся стѣнь на десять степенiй вспять.
20:11 См.: 🔗Иов. 9:7	И возопи Исаiа пророкъ ко Господу, и воз­вратися стѣнь по числу назадъ десять степенiй.
20:12 См.: 🔗Ис. 39:1	Во время оно посла мародахъ Валаданъ, сынъ Валадановъ, царь Вавилонскiй, книги и дары ко езекіи: слыша бо, яко разболѣся [царь] езекіа.
20:13 См.: 🔗2Пар. 32:27	И порадовася езекіа о нихъ, и показа имъ весь домъ свой сокровищный, сребро и злато, и ароматы и елей добрый, и домъ сосудовъ и елика обрѣтошася въ сокровищихъ его: и не бѣ мѣста, егоже не показа имъ езекіа въ дому сво­емъ и во всей области сво­ей.
20:14	И вниде Исаiа пророкъ ко езекіи царю и рече къ нему: что глаголаша мужiе сіи, и от­куду прiидоша къ тебѣ? и рече езекіа: от­ земли дальнiя прiидоша ко мнѣ, от­ Вавилона.
20:15 См.: 🔗4Цар. 20:13	И рече: что видѣша въ дому тво­емъ? и рече езекіа: вся, елика въ дому мо­емъ, видѣша: нѣсть въ дому мо­емъ, егоже имъ не показахъ, но и яже въ сокровищихъ мо­ихъ [видѣша].
20:16	И рече Исаiа ко езекіи: слыши слово Господне:
20:17 См.: 🔗4Цар. 24:13 🔗2Пар. 32:25 🔗Иер. 52:17	се, дніе грядутъ, рече Господь, взята будутъ вся, яже въ дому тво­емъ, и вся, яже собраша отцы тво­и до дне сего, внидутъ въ Вавилонъ: и не останет­ся слово, еже рече Господь.
20:18	И сынове тво­и, иже изыдутъ изъ тебе, ихже родиши, возмут­ся и будутъ скопцы въ дому царя Вавилонскаго.
20:19 См.: 🔗Ис. 39:8 🔗2Пар. 32:26	И рече езекіа ко Исаiи: благо слово Господне еже глагола: да будутъ миръ во дни моя.
20:20 См.: 🔗4Цар. 18:17 🔗Неем. 3:16 🔗2Пар. 29:1	И прочая словесъ езекіевыхъ, и вся сила его, и елика сотвори, источникъ и водотечь, и введе воду во градъ, не се ли, сiя написана въ книзѣ словесъ дній царей Иудиныхъ?
20:21	И успе езекіа со отцы сво­ими, и погребенъ бысть во градѣ давидовѣ. И воцарися Манассіа сынъ его вмѣсто его.