Псалтирь, псалом 134

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 134
134:1	Аллилуiа.
134:2 См.: 🔗Пс. 112:1	Хвалите имя Господне, хвалите, раби Господа,
134:3	стоящiи во храмѣ Господни, во дворѣхъ дому Бога на­шего.
134:4 См.: 🔗Пс. 135:1	Хвалите Господа, яко благъ Господь: пойте имени Его, яко добро:
134:5 См.: 🔗Втор. 7:6 🔗1Пет. 2:9 🔗Тит. 2:14	яко Иакова избра Себѣ Господь, Израиля въ достоянiе Себѣ:
134:6	яко азъ познахъ, яко велiй Господь, и Господь нашъ надъ всѣми боги:
134:7 См.: 🔗Пс. 113:11 🔗Дан. 4:32	вся, елика восхотѣ Господь, сотвори на небеси и на земли, въ моряхъ и во всѣхъ безднахъ.
134:8 См.: 🔗Иер. 10:13 🔗Иер. 14:22	Возводя облаки от­ послѣднихъ земли, молнiи въ дождь сотвори, изводяй вѣтры от­ сокровищъ Сво­ихъ.
134:9 См.: 🔗Исх. 12:29 🔗Пс. 77:51	Иже порази первенцы Египетскiя от­ человѣка до скота:
134:10	посла знаменiя и чудеса посредѣ тебе, Египте, на фараона и на вся рабы его.
134:11 См.: 🔗Чис. 21:21	Иже порази языки многи и изби цари крѣпки:
134:12 См.: 🔗Нав. 12:7	Сиона царя Аморрейска и Ога царя Васанска, и вся цар­ст­вiя Ханаанска:
134:13	и даде землю ихъ достоянiе, достоянiе Израилю людемъ Сво­имъ.
134:14	Господи, имя Твое въ вѣкъ, и память Твоя въ родъ и родъ:
134:15	яко судити имать Господь людемъ Сво­имъ, и о рабѣхъ Сво­ихъ умолит­ся.
134:16 См.: 🔗Пс. 113:12	Идоли языкъ сребро и злато, дѣла рукъ человѣческихъ:
134:17 См.: 🔗Прем. 15:15	уста имутъ, и не воз­глаголютъ: очи имутъ, и не узрятъ:
134:18	уши имутъ, и не услышатъ: ниже бо есть духъ во устѣхъ ихъ.
134:19 См.: 🔗Ис. 42:17	Подобни имъ да будутъ творящiи я и вси надѣющiися на ня.
134:20	Доме Израилевъ, благословите Господа: доме Ааронь, благословите Господа: доме Левіинъ, благословите Господа:
134:21	боящiися Господа, благословите Господа.
134:22 См.: 🔗Пс. 49:2 🔗Пс. 109:2 🔗Ис. 2:3	Благословенъ Господь от­ Сiона, живый во Иерусалимѣ.