Книга Притчей Соломоновых, глава 5

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 5
5:1 См.: 🔗Прит. 4:20	Сыне, мо­ей премудрости внимай, къ мо­имъ же словесемъ при­­лагай ухо твое,
5:2	да сохраниши мысль благую: чув­ст­во же мо­ихъ устенъ заповѣдаетъ тебѣ.
5:3	Не внимай злѣй женѣ: медъ бо каплетъ от­ устенъ жены блудницы, яже на время наслаждаетъ твой гортань:
5:4	послѣди же горчае желчи обрящеши, и изощрен­ну паче меча обоюду остра:
5:5 См.: 🔗Прит. 7:27 🔗Мф. 14:6	безумiя бо нозѣ низводятъ употребляющихъ ю со смертiю во адъ, стопы же ея не утверждают­ся:
5:6	на пути бо животныя не находитъ, заблужден­на же теченiя ея и неблагоразумна.
5:7	Нынѣ убо, сыне, послушай мене и не от­риновен­на сотвори моя словеса:
5:8 См.: 🔗Прит. 7:25	далече от­ нея сотвори путь твой и не при­­ближися ко дверемъ домовъ ея,
5:9 См.: 🔗Прит. 6:33	да не предастъ инымъ живота тво­его, и тво­его житiя немилостивымъ,
5:10 См.: 🔗Прит. 29:3 🔗Сир. 9:6	да не насытят­ся иніи тво­ея крѣпости, тво­и же труды въ домы чуждыя внидутъ,
5:11 См.: 🔗Лк. 15:14	и раскаешися на послѣдокъ твой, егда иструт­ся плоти тѣла тво­его, и речеши:
5:12	како воз­ненавидѣхъ наказанiе, и от­ обличенiй уклонися сердце мое?
5:13	не послушахъ гласа наказующаго мя, и ко учащему мя не при­­лагахъ уха мо­его:
5:14	вмалѣ бѣхъ во всяцѣмъ злѣ посредѣ церкве и сонмища.
5:15 См.: 🔗Прит. 9:17	Сыне, пій воды от­ сво­ихъ сосудовъ и от­ тво­ихъ кладенцевъ источника:
5:16	да преизливают­ся тебѣ воды от­ тво­его источника, во твоя же пути да про­исходятъ твоя воды.
5:17	Да будутъ тебѣ единому имѣнiя, и да никтоже чуждь при­­частит­ся тебѣ.
5:18 См.: 🔗Еккл. 9:9	Источникъ тво­ея воды да будетъ тебѣ твой, и веселися съ женою, яже от­ юности тво­ея:
5:19	елень любве и жребя тво­ихъ благодатей да бесѣдуетъ тебѣ, твоя же да предъидетъ тебѣ и да будетъ съ тобою во всяко время: въ дружбѣ бо сея спребываяй умноженъ будеши.
5:20 См.: 🔗Сир. 9:10	Не многъ буди къ чуждей, ниже объятъ буди объятiи не тво­ея:
5:21 См.: 🔗Иов. 34:24 🔗Иер. 16:17	предъ очима бо суть Божiима путiе мужа, вся же теченiя его назираетъ.
5:22 См.: 🔗Пс. 7:17 🔗Ис. 5:18	Законопреступленiя мужа уловляютъ: пленицами же сво­ихъ грѣховъ кійждо затязает­ся.
5:23 См.: 🔗Иез. 33:11	Сей скончавает­ся съ ненаказан­ными: от­ множе­ст­ва же сво­его житiя извержет­ся и погибаетъ за безумiе.