Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 35 | |
35:1 См.: 🔗Исх. 34:32 | И собра Моисей весь сонмъ сыновъ Израилевыхъ и рече къ нимъ: сiя словеса, яже глагола Господь творити я: |
35:2 См.: 🔗Исх. 20:9 🔗Исх. 31:14 | шесть дній сотвориши дѣла, въ день же седмый почіеши, свята суббота, покой Господу: всякъ творяй дѣло въ ню, да умретъ: |
35:3 См.: 🔗Исх. 16:23 | да не возгнѣтите огня во всѣхъ домѣхъ вашихъ въ день субботный: Азъ Господь. |
35:4 | И рече Моисей ко всему сонму сыновъ Израилевыхъ, глаголя: сiе слово, еже завѣща Господь глаголя: |
35:5 См.: 🔗Исх. 25:2 | возмите от себе самихъ участiе Господу: всякъ по воли сердца своего да принесетъ начатки Господу, злато, сребро, мѣдь, |
35:6 | синету, багряницу, червленицу сугубу спрядену, и виссонъ сканый и волну козiю, |
35:7 | и кожы овни очервлены, и кожы сини, и древеса негнiюща, |
35:8 | и елей во свѣщенiе, и ѳимiамъ въ елей помазанiя, и въ сложенiе ѳимiама: |
35:9 | и камени сардийски, и камени въ ваянiе на ризу верхнюю и на подиръ {Славен.: долгая риза.}: |
35:10 | и всякъ премудрый сердцемъ въ васъ шедъ да дѣлаетъ вся, елика заповѣда Господь: |
35:11 См.: 🔗Исх. 25:8 | скинiю и завѣсы, и покровы и разворы, и колки и вереи, и столпы и стояла: |
35:12 | и кивотъ свидѣнiя и носила его, и очистилище его и завѣсу, a[и опоны двора, и столпы его, и камени смарагдовы, и ѳимiамъ и елей помазанiя,] |
35:13 См.: 🔗Исх. 25:23 | и трапезу и носила ея, и вся сосуды ея, и хлѣбы предложенiя, [и олтарь и вся сосуды его,] |
35:14 См.: 🔗Исх. 25:31 | и свѣтилникъ свѣта и вся сосуды его, и свѣтила его и елей свѣтилный, |
35:15 См.: 🔗Исх. 30:1 | и олтарь кадилный и носила его, и елей помазанiя, и ѳимiамъ сложенiя, и завѣсу дверiй скинiи, |
35:16 См.: 🔗Исх. 27:1 | и олтарь всесожженiя, и огнище его мѣдяно и носила его, и вся сосуды его, и умывалницу, и стояло ея, |
35:17 См.: 🔗Исх. 27:9 | и опоны двора, и столпы его и стояла его, и завѣсу дверiй двора, |
35:18 | и колки скинiи, и колки двора, и ужы ихъ: |
35:19 См.: 🔗Исх. 28:2 | и ризы святыя Аарона жерца, и ризы, въ нихже служити имутъ во святѣмъ, и ризы сыномъ Аароновымъ священства [и елей помазанiя, и ѳимiамъ сложенiя]. |
35:20 | И изыде весь сонмъ сыновъ Израилевыхъ от Моисеа. |
35:21 | И принесоша кійждо, яже возлюби сердце ихъ, и якоже возмнѣся души ихъ, принесоша участiе Господу на вся дѣла скинiи свидѣнiя, и на вся сосуды ея, и на вся ризы святилища: |
35:22 См.: 🔗Чис. 18:18 | и принесоша мужiе от женъ своихъ, кійждо, якоже помысли умомъ, принесоша печати и усерязи, и перстни и пленицы, и мониста и всякъ сосудъ златъ: и вси елицы принесоша участiе злата Господу, |
35:23 | и всякъ у негоже обрѣтеся синета и багряница, и червленица и виссонъ, и кожы сини и кожы овни очервлены, [и кожы козiя] принесоша: |
35:24 | всякъ отдѣляяй участiе, сребро и мѣдь, принесоша участiя Господу: и у нихже обрѣтошася древеса негнiющая, на вся содѣлованiя сосудовъ принесоша: |
35:25 См.: 🔗Прит. 31:19 | и всяка жена мудрая умомъ рукама прясти, принесе пряденая, синету и багряницу и червленицу и виссонъ: |
35:26 | и вся жены, имже возлюбися во умѣ ихъ, хитростiю спрядоша волну козiю: |
35:27 | и князи принесоша камени смарагдовы и камени на совершенiе ризѣ верхней {Греч.: епомисъ, евр.: Ефудъ.}, и на слово {Греч.: логіонъ.}, |
35:28 | и на сложенiе, и на елей помазанiя, и на сложенiе ѳимiама: |
35:29 | и всякъ мужъ, или жена, имже наносяше умъ ихъ, вшедшымъ творити вся дѣла, елика заповѣда Господь творити я Моисеомъ, принесоша сынове Израилевы участiе Господу. |
35:30 См.: 🔗Исх. 31:2 | И рече Моисей сыномъ Израилевымъ: се, нарече Богъ именемъ Веселеила сына Уріина, сына Орова, от племене Иудина, |
35:31 | и наполни его Духа Божiя, премудрости и разума, и умѣнiй всѣхъ, |
35:32 | архитектонствовати во всѣхъ дѣлесѣхъ древодѣланiя {архитектонства.}, творити злато и сребро и мѣдь, |
35:33 | и ваяти камени, и дѣлати древо, и творити по всему дѣлу премудрости: |
35:34 См.: 🔗Исх. 31:6 | и преуспѣвати даде во умѣ ему и Елiаву Ахисамахову, от племене Данова: |
35:35 | и наполни ихъ премудрости, ума, еже разумѣти творити вся дѣла святыни, тканiя и пестренiя ткати червленицею и багряницею и виссономъ, творити всякое дѣло художества различна. |