Послание апостола Павла к Римлянам, глава 7

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 7
7:1	[Зач. 94.] Или не разумѣете, братiе: вѣдущымъ бо законъ глаголю: яко законъ обладаетъ надъ человѣкомъ, во елико время живетъ?
7:2 См.: 🔗Чис. 5:12 🔗Мф. 5:32	Ибо мужатая жена живу мужу при­­вязана есть закономъ: аще ли же умретъ мужъ ея, разрѣшит­ся от­ закона мужескаго.
7:3	Тѣмже убо, живу сущу мужу, прелюбо­дѣйца бываетъ, аще будетъ мужеви иному: аще ли умретъ мужъ ея, свободна есть от­ закона, не быти ей прелюбо­дѣйцѣ, быв­шей мужу иному.
7:4 См.: 🔗Рим. 6:14 🔗Рим. 8:2 🔗2Кор. 11:2 🔗Гал. 5:22	Тѣмже, братiе моя, и вы умросте закону тѣломъ Христовымъ, во еже быти вамъ иному, Востав­шему изъ мертвыхъ, да плодъ при­­несемъ Богови.
7:5 См.: 🔗Иак. 1:15	Егда бо бѣхомъ во плоти, страсти грѣховныя, яже закономъ, дѣй­ст­воваху во удѣхъ нашихъ, во еже плодъ творити смерти:
7:6 См.: 🔗Рим. 6:2	нынѣ же упразднихомся от­ закона, умерше, имже держими бѣхомъ, яко работати намъ [Богови] во обновленiи духа, а не въ ветхости писмене.
7:7 См.: 🔗Исх. 20:17	Что убо речемъ? Законъ ли грѣхъ? Да не будетъ: но грѣха не знахъ, точiю закономъ: похоти же не вѣдахъ, аще не бы законъ глаголалъ: не похощеши.
7:8 См.: 🔗Рим. 4:15	Вину же прiемъ грѣхъ заповѣдiю, содѣла во мнѣ всяку похоть: безъ закона бо грѣхъ мертвъ есть.
7:9	Азъ же живяхъ кромѣ закона иногда: при­­шедшей же заповѣди, грѣхъ убо оживе,
7:10 См.: 🔗Лев. 18:5 🔗Иез. 20:11	азъ же умрохъ: и обрѣтеся ми заповѣдь, яже въ животъ, сiя въ смерть,
7:11 См.: 🔗Евр. 3:13	грѣхъ бо вину прiемъ заповѣдiю, прельсти мя, и тою умертви мя.
7:12 См.: 🔗Пс. 18:8 🔗1Тим. 1:8	Тѣмже убо законъ святъ, и заповѣдь свята и праведна и блага.
7:13	Благое ли убо бысть мнѣ смерть? Да не будетъ: но грѣхъ, да явит­ся грѣхъ, благимъ ми содѣвая смерть, да будетъ по премногу грѣшенъ грѣхъ заповѣдiю.
7:14 См.: 🔗Ис. 50:1	[Зач. 95.] Вѣмы бо, яко законъ духовенъ есть: азъ же плотянъ есмь, проданъ подъ грѣхъ.
7:15 См.: 🔗Гал. 5:17	Еже бо содѣваю, не разумѣю: не еже бо хощу, сiе творю, но еже ненавижду, то содѣловаю.
7:16	Аще ли, еже не хощу, сiе творю, хвалю законъ яко добръ,
7:17	нынѣ же не ктому азъ сiе содѣваю, но живый во мнѣ грѣхъ.
7:18 См.: 🔗Быт. 8:21	Вѣмъ бо, яко не живетъ во мнѣ, сирѣчь во плоти мо­ей, добро­е: еже бо хотѣти при­­лежитъ ми, а еже содѣяти доброе, не обрѣтаю.
7:19	Не еже бо хощу доброе, творю, но еже не хощу злое, сiе содѣваю.
7:20	Аще ли, еже не хощу азъ, сiе творю, уже не азъ сiе творю, но живый во мнѣ грѣхъ.
7:21	Обрѣтаю убо законъ, хотящу ми творити доброе, яко мнѣ злое при­лежитъ.
7:22 См.: 🔗Пс. 1:2 🔗Еф. 3:16	Со­услаждаюся бо закону Божiю по внутрен­нему человѣку:
7:23 См.: 🔗Иак. 4:1 🔗Гал. 5:17	вижду же инъ законъ во удѣхъ мо­ихъ, противу воюющь закону ума мо­его и плѣняющь мя закономъ грѣховнымъ, сущимъ во удѣхъ мо­ихъ.
7:24	Окаяненъ азъ человѣкъ: кто мя избавитъ от­ тѣла смерти сея?
7:25	Благодарю Бога мо­его Иисусъ Христомъ Господемъ нашимъ. Тѣмже убо самъ азъ умомъ мо­имъ работаю закону Божiю, плотiю же закону грѣховному.