Книга Бытия, глава 43

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 43
43:1	Гладъ же одолѣ на земли.
43:2 См.: 🔗Быт. 44:25	Бысть же егда скончаша пшеницу ядуще, юже при­­несоша изъ Египта: и рече имъ отецъ ихъ: паки шедше купите намъ мало пищи.
43:3 См.: 🔗Быт. 42:20	Рече же ему Иуда, глаголя: клятвою засвидѣтел­ст­вова намъ мужъ господинъ земли [тоя] глаголя: не узрите лица мо­его, аще братъ вашъ меншiй не прiидетъ съ вами:
43:4	аще убо послеши брата на­шего съ нами, пойдемъ и купимъ тебѣ пищи:
43:5 См.: 🔗Быт. 42:4	аще же не послеши брата на­шего съ нами, не пойдемъ: мужъ бо рече намъ, глаголя: не узрите лица мо­его, аще братъ вашъ меншiй не прiидетъ съ вами.
43:6	Рече же Израиль: почто зло сотвористе ми, повѣдав­ше мужу, яко есть вамъ братъ?
43:7 См.: 🔗Быт. 42:7 🔗Быт. 44:19	Они же рѣша: вопрошая вопроси насъ мужъ и рода на­шего, глаголя: аще еще отецъ вашъ живъ есть, и аще есть вамъ братъ? И повѣдахомъ ему по вопросу сему: еда вѣдѣхомъ, яко речетъ намъ: при­­ведите брата ва­шего?
43:8	Рече же Иуда ко Израилю, отцу сво­ему: от­пусти отрочища со мною: и востав­ше пойдемъ, да живи будемъ и не умремъ, и мы и ты и имѣнiе на­ше:
43:9 См.: 🔗Быт. 44:32	азъ же воз­му его: от­ руку моею взыщи его: аще не при­­веду его къ тебѣ, и поставлю его предъ тобою, грѣшенъ буду къ тебѣ вся дни:
43:10	аще бо быхомъ не умедлили, уже воз­вратилися бы дважды.
43:11	Рече же имъ Израиль отецъ ихъ: аще тако есть, сiе сотворите: воз­мите от­ плодовъ земныхъ въ сосуды своя и донесите человѣку дары, ритину {тукъ маститый изъ древа текущiй}, медъ, ѳимiама же и стакти, и теревинѳъ и орѣхи:
43:12	и сребро сугубо воз­мите въ руцѣ сво­и, и сребро обрѣтен­ное во вретищахъ вашихъ воз­вратите съ собою, да не како невѣдѣнiе есть:
43:13	и брата сво­его по­имите, и востав­ше идите къ мужу:
43:14 См.: 🔗Быт. 42:24 🔗Руф. 1:8 🔗2Цар. 2:6	Богъ же мой да дастъ вамъ благодать предъ мужемъ и от­пуститъ брата ва­шего единаго, и Венiамина: азъ бо якоже обезчадѣхъ, обезчадѣхъ.
43:15	Вземше же мужiе дары сiя, и сребро сугубое взяша въ руцѣ сво­и, и Венiамина: и востав­ше прiидоша во Египетъ, и сташа предъ Иосифомъ.
43:16	Видѣ же ихъ Иосифъ, и Венiамина брата сво­его единоматерня, и рече стро­ителю дому сво­его: введи мужы [сiя] въ домъ, и заколи от­ скота, и уготовай: со мною бо ясти имутъ мужiе [сіи] хлѣбъ въ полудне.
43:17	Сотвори же человѣкъ, якоже рече Иосифъ, и введе мужы въ домъ Иосифовъ.
43:18	Видѣв­ше же мужiе, яко введоша ихъ въ домъ Иосифовъ, рѣша: сребра ради воз­вращен­наго во вретищахъ нашихъ первѣе, вводятъ ны, еже бы оклеветати насъ и нанести на ны, да поймутъ насъ въ рабы, и ослы нашя.
43:19	Приступив­ше же къ человѣку сущему надъ домомъ Иосифовымъ, рекоша ему при­­ вратѣхъ дому,
43:20	глаголюще: молимъ тя, господине: прiидохомъ первѣе купити пищи:
43:21 См.: 🔗Быт. 42:27	бысть же егда прiидохомъ на станъ и от­рѣшихомъ вретища своя, и се, сребро ко­егождо во вретищи его: тое сребро на­ше вѣсомъ воз­вратихомъ нынѣ руками нашими:
43:22	и сребро другое при­несохомъ съ собою купити пищи: не вѣмы, кто вложи сребро во вретища наша.
43:23 См.: 🔗Быт. 42:25	Рече же имъ: миръ вамъ, не бойтеся: Богъ вашъ и Богъ отецъ вашихъ даде вамъ сокровища во вретищахъ вашихъ: а сребро ва­ше за прiятое имѣю. И изведе къ нимъ Симеона:
43:24 См.: 🔗Быт. 18:4 🔗Быт. 19:2 🔗Лк. 7:44	и при­­несе воду омыти нозѣ имъ, и даде пажити осломъ ихъ.
43:25	Уготоваша же дары, дондеже прiидетъ Иосифъ въ полудне: слышаша бо, яко тамо имать обѣдати.
43:26 См.: 🔗Быт. 37:7	Прiиде же Иосифъ въ домъ: и при­­несоша ему дары, яже имяху въ рукахъ сво­ихъ, въ домъ: и поклонишася ему лицемъ до земли.
43:27	И вопроси ихъ: здрави ли есте? И рече имъ: здравъ ли есть отецъ вашъ, старецъ, егоже рекосте, еще ли живъ есть?
43:28	Они же рекоша: здравъ есть рабъ твой, отецъ нашъ, еще живъ есть. И рече: благословенъ человѣкъ оный Богу. И при­­никше поклонишася ему.
43:29 См.: 🔗Быт. 42:13	Воззрѣвъ же очима сво­има Иосифъ, видѣ Венiамина брата сво­его единоматерня и рече: сей ли есть братъ вашъ юнѣйшiй, егоже рекосте ко мнѣ при­­вести? И рече: Богъ да помилуетъ тя, чадо.
43:30 См.: 🔗Быт. 45:2	Возмутися же Иосифъ: подвижеся бо утроба его о братѣ сво­емъ, и иска­ше плакати: в­шедъ же въ ложницу, плакася тамо.
43:31	И умывъ лице, изшедъ удержася и рече: предложите хлѣбы.
43:32 См.: 🔗Исх. 8:26 🔗Тов. 1:11 🔗Дан. 1:8	И предложиша ему единому, и онымъ особно, и Египтяномъ, иже съ нимъ ядяху, особно: не можаху бо Египтяне ясти хлѣба со Евреи: мерзость бо есть Египтяномъ [всякъ пастухъ овчiй].
43:33	Сѣдоша же прямо ему первенецъ по старѣйшин­ству сво­ему и меншiй по менше­ст­ву сво­ему, и дивляхуся мужiе кійждо ко брату сво­ему:
43:34 См.: 🔗Пс. 103:15 🔗Песн. 5:1 🔗Аг. 1:6	и взяша части от­ него къ себѣ: вящшая же бысть часть Венiаминова паче всѣхъ частей пятерицею, неже оныхъ: пиша же и упишася съ нимъ.