Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 62 | |
62:1 | Сiона ради не умолчу и Иерусалима ради не попущу, дондеже изыдетъ яко свѣтъ правда моя, и спасенiе мое яко свѣтило разжжется. |
62:2 | И узрятъ языцы правду твою, и царiе славу твою, и прозовутъ тя именемъ новымъ, имже Господь наименуетъ е. |
62:3 | И будеши вѣнецъ доброты въ руцѣ Господни и дiадима царствiя въ руцѣ Бога твоего: |
62:4 См.: 🔗Ос. 1:10 🔗1Пет. 2:10 | и не прозовешися ктому оставленъ, и земля твоя ктому не наречется пуста: тебѣ бо прозовется воля моя, и земля твоя вселенная, яко благоволи Господь въ тебѣ, и земля твоя вкупѣ населится. |
62:5 См.: 🔗Мк. 2:19 🔗Соф. 3:17 | И якоже живяй юноша съ дѣвою, тако поживутъ сынове твои съ тобою: и будетъ якоже радуется женихъ о невѣстѣ, тако возрадуется Господь о тебѣ. |
62:6 См.: 🔗Ис. 41:27 🔗Иер. 16:17 | И на стѣнахъ твоихъ, Иерусалиме, приставихъ стражы весь день и всю нощь, иже до конца не премолкнутъ поминающе Господа. |
62:7 См.: 🔗Пс. 101:15 | Нѣсть бо вамъ подобенъ: аще исправиши и сотвориши, Иерусалиме, радованiе на земли. |
62:8 | Клятся Господь десницею своею и крѣпостiю мышцы своея: аще ктому отдамъ пшеницу твою и пищу твою врагомъ твоимъ, и аще ктому испiютъ вино твое сынове чуждіи, о немже трудился еси: |
62:9 См.: 🔗Ис. 41:16 | но собирающiи снѣдятъ я и похвалятъ Господа, и объимающiи испiютъ я во дворѣхъ святыхъ моихъ. |
62:10 См.: 🔗Ис. 57:14 | Идите враты моими и путь сотворите людемъ моимъ, и каменiе, еже на пути, размещите: воздвигните знаменiе на языки. |
62:11 | Се бо, Господь слышано сотвори до послѣднихъ земли: рцыте дщери Сiоновѣ: се, спаситель твой грядетъ, имѣяй съ собою мзду и дѣло свое предъ лицемъ своимъ. |
62:12 | И прозоветъ я люди святы, избавлены Господемъ: ты же прозовешися взысканъ градъ и не оставленъ. |