Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Псалом 85 | |
85:1 | Молитва Давиду. |
85:2 См.: 🔗Пс. 87:3 | Приклони, Господи, ухо Твое, и услыши мя: яко нищъ и убогъ есмь азъ. |
85:3 | Сохрани душу мою, яко преподобенъ есмь: спаси раба Твоего, Боже мой, уповающаго на Тя. |
85:4 | Помилуй мя, Господи, яко къ Тебѣ воззову весь день. |
85:5 | Возвесели душу раба Твоего: яко къ Тебѣ взяхъ душу мою. |
85:6 | Яко Ты, Господи, благъ и кротокъ и многомилостивъ всѣмъ призывающымъ Тя. |
85:7 | Внуши, Господи, молитву мою и вонми гласу моленiя моего. |
85:8 См.: 🔗Пс. 49:15 | Въ день скорби моея воззвахъ къ Тебѣ, яко услышалъ мя еси. |
85:9 См.: 🔗Втор. 3:24 | Нѣсть подобенъ Тебѣ въ бозѣхъ, Господи, и нѣсть по дѣломъ Твоимъ. |
85:10 См.: 🔗Иер. 3:17 🔗Отк. 15:5 | Вси языцы, елики сотворилъ еси, прiидутъ и поклонятся предъ Тобою, Господи, и прославятъ имя Твое: |
85:11 См.: 🔗2Цар. 7:22 🔗Ис. 45:5 | яко велiй еси Ты и творяй чудеса, Ты еси Богъ единъ. |
85:12 См.: 🔗Пс. 24:4 🔗Пс. 26:11 | Настави мя, Господи, на путь Твой, и пойду во истинѣ Твоей: да возвеселится сердце мое боятися имене Твоего. |
85:13 | Исповѣмся Тебѣ, Господи Боже мой, всѣмъ сердцемъ моимъ и прославлю имя Твое въ вѣкъ: |
85:14 См.: 🔗Пс. 29:4 | яко милость Твоя велiя на мнѣ, и избавилъ еси душу мою от ада преисподнѣйшаго. |
85:15 См.: 🔗Пс. 53:5 | Боже, законопреступницы восташа на мя, и сонмъ державныхъ взыскаша душу мою, и не предложиша Тебе предъ собою. |
85:16 | И Ты, Господи Боже мой, щедрый и милостивый, долготерпѣливый и многомилостивый и истинный, |
85:17 | призри на мя и помилуй мя: даждь державу Твою отроку Твоему и спаси сына рабы Твоея. |
85:18 | Сотвори со мною знаменiе во благо: и да видятъ ненавидящiи мя, и постыдятся, яко Ты, Господи, помоглъ ми и утѣшилъ мя еси. |