Книга Премудрости Иисуса, сына Сирахова, глава 13 неканонич.

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 13
13:1 См.: 🔗Втор. 7:3 🔗Сир. 8:5	Касаяйся смолѣ очернит­ся, и при­­общаяйся гордому точенъ ему будетъ.
13:2	Бремене паче себе не воз­движи, и крѣпльшу и богатѣйшу себе не при­­общайся.
13:3	Кое при­частiе горнцу съ котломъ? сей при­­разит­ся, и той сокрушит­ся.
13:4 См.: 🔗Пс. 72:6	Богатый обиду сотвори, и самъ при­­разгнѣвася: нищiй же обидимь бысть, и самъ при­­умолит­ся.
13:5	Аще потребенъ будеши, употребляетъ тя: аще же лишенъ будеши, оставитъ тя.
13:6	Аще имаши, поживетъ съ тобою и истощитъ тя, самъ же не поболитъ.
13:7	Аще востребуетъ тя, прельститъ тя и воз­смѣеттися и дастъ ти надежду, воз­глаголетъ ти добрѣ 8и речетъ ти: есть ли ти что потребно?–
13:8	–и посрамитъ тя брашномъ сво­имъ, дондеже истощитъ тя дващи или трищи, и на послѣдокъ поругаеттися.
13:9	Потомъ узритъ тя и оставитъ тя и главою сво­ею покиваетъ на тя.
13:10	Внимай, да не заблудиши
13:11	и да не смиришися во веселiи тво­емъ.
13:12	Егда тя сильный при­­зоветъ, от­ступай, и толико паче при­­зоветъ тя.
13:13	Не при­­ближайся, да не от­риновенъ будеши, и не стой от­далече, да не забвенъ будеши.
13:14	Не належи бесѣдовати съ нимъ и не вѣруй множайшымъ словесемъ его: многою бо бесѣдою искуситъ тя и яко смѣяся испытаетъ тайная твоя.
13:15	Немилостивъ есть не соблюдаяй словесъ и не пощадитъ [ослабити] озлобленiя тво­его и узъ.
13:16	Блюдися и внимай зѣло, яко съ паденiемъ тво­имъ ходиши:
13:17	слышай сiя во снѣ тво­емъ, бодр­ст­вуй.
13:18	Во всемъ житiи люби Господа и при­­зывай его во спасенiе твое.
13:19 См.: 🔗Сир. 27:9	Всяко животно любитъ подобное себѣ, и всякъ человѣкъ искрен­няго сво­его:
13:20	всяка плоть по роду собирает­ся, и подобному себѣ при­­лѣпит­ся мужъ.
13:21 См.: 🔗2Кор. 6:15	Кое общенiе волку со агнцемъ? тако грѣшнику со благо­честивымъ.
13:22	Кій миръ гиенѣ со псомъ? и кій миръ богатому со убогимъ?
13:23 См.: 🔗Иов. 24:4 🔗Иак. 5:4	Ловъ львовъ онагри въ пустыни, такожде пажити богатымъ убозiи.
13:24	Мерзость гордому смиренiе, сице мерзость богатому нищiй.
13:25	Богатъ колебляйся подтверждает­ся от­ друговъ: убогiй же падый от­рѣянъ будетъ от­ друговъ.
13:26	Богату поползнув­шуся мнози заступницы, воз­глагола нелѣпая, и оправдаша его:
13:27	убогiй поползнуся, и воспретиша ему, провѣща разумъ, и не даша ему мѣста.
13:28 См.: 🔗Деян. 12:22	Богатый воз­глагола, и вси умолчаша и слово его воз­несоша даже до облакъ:
13:29	убогiй воз­глагола, и рѣша: кто сей есть? и аще преткнет­ся, низвратятъ его.
13:30 См.: 🔗Пс. 61:11 🔗Прит. 30:9	Добро есть богат­ст­во, въ немже нѣсть грѣха, и зла есть нищета во устѣхъ нечестиваго.
13:31 См.: 🔗Сир. 19:26	Сердце человѣческо измѣняетъ лице его, или на добро или на зло.
13:32 См.: 🔗Еккл. 8:1	Слѣдъ сердца во благихъ лице веселое, и изобрѣтенiе притчей размышленiе со трудомъ.