Книга пророка Исаии, глава 66

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 66
66:1 См.: 🔗Деян. 7:49	Тако глаголетъ Господь: небо престолъ мой, земля же подножiе ногу моею: кій домъ созиждете ми, и кое мѣсто покоища мо­его?
66:2 См.: 🔗Ис. 57:15	Вся бо сiя сотвори рука моя, и сiя суть вся моя, глаголетъ Господь. И на кого воз­зрю, токмо на кроткаго и молчаливаго и трепещущаго словесъ мо­ихъ?
66:3 См.: 🔗Ис. 1:11 🔗Мф. 5:24 🔗Втор. 14:8	Беззакон­никъ же жряй ми телца, яко убиваяй пса: и при­­носяй семидалъ, яко кровь свиную: даяй Ливанъ въ память, аки хулникъ. И тіи избраша пути своя, и мерзости ихъ, яже душа ихъ изволи.
66:4 См.: 🔗Прит. 1:24 🔗Ис. 65:12 🔗Иер. 7:13	И азъ изберу поруганiя ихъ и грѣхи ихъ воз­дамъ имъ: яко звахъ ихъ, и не послушаша мене, глаголахъ, и преслушаша и сотвориша злое предо мною, и яже не хотѣхъ, избраша.
66:5	Услышите глаголъ Господень, трепещущiи словесе его: рцыте, братiя, ненавидящымъ васъ и гнушающымся, да имя Господне прославит­ся и явит­ся во веселiи ихъ, и они посрамят­ся.
66:6 См.: 🔗Отк. 18:6	Гласъ вопля от­ града, гласъ от­ храма, гласъ Господа воз­дающаго воз­даянiе сопротивящымся.
66:7	Прежде неже чревоболѣти ей, роди, прежде неже прiити труду чревоболѣнiя, избѣже и породи мужескъ полъ.
66:8 См.: 🔗Ис. 54:1 🔗Ис. 60:4	Кто слыша сицевое, и кто видѣ сице? аще родила земля съ болѣзнiю во единъ день? или и родися языкъ весь купно, яко поболѣ и роди Сiонъ дѣти своя?
66:9 См.: 🔗Иер. 3:19	Азъ же дахъ чаянiе сiе, и не помянулъ еси мене, рече Господь. Не се ли, азъ родящую и неплодную сотворихъ? рече Богъ твой.
66:10 См.: 🔗Ис. 61:2 🔗Лк. 6:21	Веселися, Иерусалиме, и торже­ст­вуйте въ немъ, вси любящiи его и живущiи въ немъ: радуйтеся вкупѣ съ нимъ радостiю, вси елицы плакасте о немъ,
66:11 См.: 🔗Ис. 60:16	да ссете и насытитеся от­ сосца утѣшенiя его, да ссав­ше насладитеся от­ входа славы его.
66:12 См.: 🔗Ис. 60:4	Яко сiя глаголетъ Господь: се, азъ укланяю на ня аки рѣку мира, и аки потокъ наводняемый славу языковъ: дѣти ихъ на рамена взяты будутъ и на колѣну утѣшат­ся.
66:13	Якоже аще кого мати утѣшаетъ, тако и азъ утѣшу вы, и во Иерусалимѣ утѣшитеся
66:14 См.: 🔗Ис. 35:10 🔗Ис. 51:11 🔗Ин. 16:22	и узрите, и воз­радует­ся сердце ва­ше, и кости вашя яко трава прозябнутъ: и познает­ся рука Господня боящымся его, и запретитъ непокаряющымся.
66:15 См.: 🔗Пс. 49:3 🔗2Фес. 1:8	Се бо, Господь яко огнь прiидетъ, и яко буря колесницы его, воз­дати яростiю от­мщенiе свое и прещенiе во пламени огнен­нѣ:
66:16 См.: 🔗Иер. 25:33 🔗Отк. 19:21	огнемъ бо Господнимъ судитися будетъ вся земля, и мечемъ его всяка плоть: мнози язвени будутъ от­ Господа.
66:17 См.: 🔗Ис. 65:4	Очищающiися и освящающiися во вертоградѣхъ и въ преддверiихъ ядущiи мясо свиное и мерзости и мышы вкупѣ погибнутъ, рече Господь.
66:18 См.: 🔗Отк. 7:9	И азъ дѣла ихъ и помышленiе ихъ вѣмъ, и гряду собрати вся народы и языки, и прiидутъ и узрятъ славу мою:
66:19 См.: 🔗Исх. 19:5 🔗Ис. 65:1	и оставлю на нихъ знаменiе, и послю от­ нихъ спасеныхъ во языки, во Ѳарсисъ и въ Фудъ, и въ Лудъ и въ Мосохъ, и въ Ѳовель и во Елладу, и во островы дальнiя, иже не слышаша имене мо­его, ниже видѣша славу мою: и воз­вѣстятъ славу мою во языцѣхъ,
66:20 См.: 🔗Ис. 49:22 🔗Ис. 60:7 🔗Рим. 15:16	и при­­ведутъ братiю вашу от­ всѣхъ языкъ даръ Господеви, съ коньми и колесницами и съ носилами мсковъ, подъ сѣньми во святый градъ Иерусалимъ, рече Господь, аки бы при­­несли сынове Израилевы жертвы своя мнѣ со псалмы въ домъ Господень:
66:21 См.: 🔗1Пет. 2:9 🔗Отк. 1:6	и от­ тѣхъ по­иму себѣ жерцы и левиты, рече Господь.
66:22 См.: 🔗Ис. 65:17	Якоже бо небо ново и земля нова, яже азъ творю, пребываютъ предо мною, глаголетъ Господь, тако станетъ сѣмя ва­ше и имя ва­ше:
66:23 См.: 🔗Чис. 28:10 🔗Отк. 15:4	и будетъ месяцъ от­ месяца, и суббота от­ субботы, прiидетъ всяка плоть поклонитися предо мною во Иерусалимъ, рече Господь:
66:24 См.: 🔗Мк. 9:44	и изыдутъ и узрятъ трупы человѣковъ преступив­шихъ мнѣ: червь бо ихъ не скончает­ся, и огнь ихъ не угаснетъ, и будутъ въ позоръ всяцѣй плоти. Конецъ книзѣ пророка Исаiи: имать въ себѣ главъ 66.