Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 32 | |
32:1 | И по словесѣхъ сихъ и по истинѣ сей, прiиде сеннахиримъ царь Ассирійскiй, и прiиде на Иудею, и ополчися на грады крѣпкiя хотя взяти ихъ. |
32:2 | И видѣ езекіа, яко прiиде сеннахиримъ, и лице его воевати на Иерусалимъ: |
32:3 | и совѣтова со старѣйшины своими и съ сильными, да заключатъ воды источниковъ, иже бѣша внѣ града: и соизволиша ему. |
32:4 | И собра много людій, и заключи воды источниковъ и потокъ текущь посредѣ града, глаголя: да не прiидетъ царь Ассирійскiй, и обрящетъ водъ много, и укрѣпится. |
32:5 См.: 🔗2Пар. 25:23 | И укрѣпися езекіа, и созда вся стѣны, яже быша разсыпаны, и столпы, и отвнѣ предстѣнiе ино, и укрѣпи разрушенная града давидова, и уготова оружiя многа: |
32:6 | и постави началники бранемъ надъ людьми, и собрашася къ нему на площадь вратъ дебри, и глагола въ сердца ихъ глаголя: |
32:7 | укрѣпитеся и мужайтеся и не устрашайтеся, ниже ужасайтеся от лица царя Ассирійска и от лица всего множества, еже съ нимъ: яко множайшiи съ нами суть неже съ нимъ: |
32:8 | съ нимъ мышца плотская, съ нами же Господь Богъ нашъ, еже спасати и поборати на брани нашей. И укрѣпишася людiе словесы езекіи царя Иудина. |
32:9 См.: 🔗4Цар. 18:17 🔗Мих. 1:13 | И по сихъ посла сеннахиримъ царь Ассирійскiй рабы своя во Иерусалимъ, самъ же со всѣми вои своими обстояше лахисъ, и посла ко езекіи царю Иудину и ко всему Иудѣ, иже во Иерусалимѣ, глаголя: |
32:10 См.: 🔗4Цар. 18:19 | сiя глаголетъ сеннахиримъ царь Ассирійскiй: на что вы уповаете и сѣдите во обстоянiи во Иерусалимѣ? |
32:11 См.: 🔗4Цар. 18:29 | ни ли езекіа прельщаетъ васъ, да предастъ вы въ смерть и въ гладъ и жажду, глаголя: Господь Богъ нашъ спасетъ насъ от руки царя Ассирійска? |
32:12 См.: 🔗4Цар. 18:22 | не сей ли есть езекіа, иже разори олтари его и вышняя его, и повелѣ Иудѣ и живущымъ во Иерусалимѣ, глаголя: олтаремъ предъ олтаремъ симъ покланяйтеся и въ немъ кадите ѳимiамъ? |
32:13 | или не вѣсте сего, что азъ сотворихъ и отцы мои всѣмъ людемъ земли? еда могуще возмогоша бози языковъ всея земли избавити люди своя от руки моея? |
32:14 См.: 🔗Втор. 2:34 🔗4Цар. 18:35 | кто во всѣхъ бозѣхъ языковъ сихъ, ихже искорениша отцы мои? еда возмогоша избавити люди своя от руки моея, и како можетъ Богъ вашъ избавити васъ от руки моея? |
32:15 | нынѣ убо да не прельщаетъ васъ езекіа и да не творитъ васъ уповати по сему, и не вѣруйте ему: аще бо ни единъ богъ всякаго языка и царства возможе избавити люди своя от руки моея и от руку отецъ моихъ, то ниже Богъ вашъ возможетъ избавити васъ от руки моея. |
32:16 | И ина [многа] глаголаша раби его противу Господа Бога и противу езекіи раба его. |
32:17 См.: 🔗4Цар. 19:14 🔗Ис. 37:10 | И посланiя написа поношая Господа Бога Израилева, и рече нань, глаголя: якоже бози языкъ земли не могоша избавити людій своихъ от руки моея, тако ниже Богъ езекіинъ избавитъ люди своя от руки моея. |
32:18 См.: 🔗4Цар. 18:26 | И возопи воплемъ великимъ языкомъ Иудейскимъ къ людемъ, иже сѣдяху на стѣнахъ Иерусалимлихъ, да устрашитъ ихъ и ужаситъ, и возметъ градъ: |
32:19 См.: 🔗4Цар. 18:33 🔗4Цар. 19:12 | и глагола на Бога Иерусалимля, якоже и на боговъ людій земли, дѣла рукъ человѣческихъ. |
32:20 См.: 🔗4Цар. 19:1 | И помолися езекіа царь и Исаiа сынъ Амосовъ пророкъ о сихъ, и возопиша на небо. |
32:21 См.: 🔗4Цар. 19:35 🔗Ис. 37:36 | И посла Господь ангела, и порази всѣхъ мужей храбрыхъ и бранниковъ, и началниковъ и воеводъ въ полцѣхъ царя Ассирійска: и возврати лице его со стыдомъ на землю его, и прiиде въ домъ бога своего, и сынове его изшедшiи изъ чрева его погубиша его мечемъ. |
32:22 | И спасе Господь езекію и обитающихъ во Иерусалимѣ от руки сеннахирима царя Ассирійска и от руку всѣхъ, и подаде имъ покой окрестъ. |
32:23 | И мнози приношаху дары Господу во Иерусалимъ и даянiя езекіи царю Иудину, и возвышенъ бысть предъ очесы всѣхъ языковъ по сихъ. |
32:24 | Во днехъ оныхъ разболѣся езекіа даже до смерти и помолися ко Господу: и услыша его и даде ему знаменiе. |
32:25 См.: 🔗Лк. 17:18 🔗Ис. 39:2 | И не по воздаянiю, еже даде ему, воздаде езекіа, но вознесеся сердце его, и бысть на него гнѣвъ и на Иуду и на Иерусалимъ. |
32:26 См.: 🔗4Цар. 20:17 | И смирися езекіа от высоты сердца своего самъ и живущiи во Иерусалимѣ, и не прiиде на нихъ гнѣвъ Господень во дни езекіины. |
32:27 | И бысть езекіеви богатство и слава многа зѣло: и сокровища себѣ собра сребра и злата и каменiя честнаго, и ароматы, и оружiя хранилницы, и сосуды драгоцѣнны, |
32:28 | и житницы житъ, пшеницы и вина и елеа, и села, и ясли всякому скоту, и ограды стадомъ, |
32:29 | и грады, яже созда себѣ, и строенiя овцамъ и воломъ множество: зане даде ему Господь собранiя многа зѣло. |
32:30 См.: 🔗4Цар. 20:20 | Той езекіа загради исходъ воды геона вышняго и проведе ю въ низъ къ полудню града давидова. И преуспѣ езекіа во всѣхъ дѣлѣхъ своихъ. |
32:31 | И тако посломъ князей от Вавилона, иже послани бяху къ нему, да вопросятъ его о чудеси, еже случися на земли, остави его Господь, да искуситъ его увѣдати, яже въ сердцы его. |
32:32 | Прочая же словесъ езекіиныхъ, и щедроты его, се, писана суть въ пророчествѣ Исаiи пророка сына Амосова и въ книзѣ царей Иудиныхъ и Израилевыхъ. |
32:33 См.: 🔗4Цар. 20:21 | И успе езекіа со отцы своими, и погребоша его на восходѣхъ гробовъ сыновъ давидовыхъ: и славу и честь даша ему въ смерти его весь Иуда и живущiи во Иерусалимѣ. И воцарися Манассіа сынъ его вмѣсто его. |