Четвёртая книга Царств (Вторая книга Царей), глава 12

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 12
12:1 См.: 🔗2Пар. 24:1	Въ лѣто седмое ииуа воцарися Иоасъ, и четыредесять лѣтъ цар­ст­вова во Иерусалимѣ. Имя же матере его Савіа от­ вирсавеи.
12:2 См.: 🔗4Цар. 14:3	И сотвори Иоасъ правое предъ Господемъ во вся дни, въ няже просвѣти его Иодай иерей:
12:3 См.: 🔗3Цар. 15:14	обаче высокихъ не преставиша, и тамо еще людiе жряху и кадяху на высокихъ.
12:4 См.: 🔗Исх. 25:2 🔗Исх. 30:13	И рече Иоасъ къ жерцемъ: все сребро святыхъ вносимое въ домъ Господень, сребро оцѣненiя, мужъ сребро взявый оцѣненiя, все сребро, еже аще взыдетъ на сердце мужа внести въ домъ Господень,
12:5 См.: 🔗2Пар. 24:5	да возмутъ себѣ жерцы, мужъ от­ проданiя сво­его, и тіи да укрѣпятъ ведекъ дому во всѣхъ, идѣже аще обрящет­ся ведекъ.
12:6	И бысть въ двадесять третiе лѣто царя Иоаса, не укрѣпиша жерцы ведека храма:
12:7 См.: 🔗2Пар. 24:5	и при­­зва царь Иоасъ Иодая жерца и жерцы, и рече къ нимъ: что яко не укрѣписте ведека храма? и нынѣ не прiимайте сребра от­ продажей вашихъ, яко на ведекъ храма дасте е.
12:8	И совѣщашася жерцы не прiимати сребра от­ людій и не укрѣпляти ведека храма.
12:9 См.: 🔗2Пар. 24:8	И взя Иодай жрецъ кивотъ единъ, и сотвори въ немъ скважню, и положи его при­­ олтари одесную входящихъ мужей въ домъ Господень: и влагаху тамо жерцы хранящiи дверь все сребро при­­носимое въ домъ Господень.
12:10 См.: 🔗2Пар. 24:11	И бысть егда увидѣша, яко много сребра въ ковчезѣ, и взыде писчiй царевъ, и жрецъ великiй, и сребросечцы и от­крыша, и сочтоша сребро обрѣтшееся въ дому Господни:
12:11 См.: 🔗4Цар. 22:4 🔗2Пар. 24:12	и даша сребро уготован­ное въ руцѣ творящихъ дѣла на сосуды дому Господня: и раздаша древодѣлемъ и дѣлателемъ зиждущымъ въ дому Господни,
12:12	и стѣнодѣлателемъ, и художникомъ, и сѣкущымъ каменiя на купленiе древесъ, и каменiя тесанаго на стро­енiе ведека дому Господня, на вся елика иждивена быша на утвержденiе храма.
12:13 См.: 🔗3Цар. 7:50 🔗2Пар. 24:14	Обаче не творишася храму Господню двери сребряны, гвоздiе, фiалы и трубы, ни вси сосуды златы, и сосуды сребряны от­ сребра при­­несен­наго въ домъ Господень:
12:14	понеже творящымъ дѣла дадеся сiе, и утвердиша тѣмъ домъ Господень.
12:15 См.: 🔗4Цар. 22:7	И не сочитаху мужей, имже даяху сребро въ руки, даяти творящымъ дѣла, зане вѣрно творяху.
12:16 См.: 🔗Лев. 5:15	Сребро за грѣхи и сребро за преступленiе, елико внесено бысть въ домъ Господень, жерцемъ бысть.
12:17 См.: 🔗4Цар. 8:12 🔗4Цар. 13:25	Тогда взыде азаилъ царь Сирскiй и во­ева на геѳъ, и взя его азаилъ и разби его: и обрати азаилъ лице свое взыти на Иерусалимъ.
12:18 См.: 🔗3Цар. 15:18 🔗4Цар. 16:8 🔗2Пар. 24:23	И взя Иоасъ царь Иудинъ вся святая, елика освяти Иосафатъ и Иорамъ и Охозіа, отцы его и царiе Иудины, и святая его, и все злато обрѣтшееся въ сокровищихъ дому Господня и дому царева, и посла азаилу царю Сирску, и отъиде от­ Иерусалима.
12:19 См.: 🔗3Цар. 14:19 🔗3Цар. 15:7	И прочая словесъ Иоасовыхъ, и вся елика сотвори, не се ли, сiя писана въ книзѣ словесъ дній царей Иудиныхъ?
12:20 См.: 🔗2Пар. 24:25	И восташа отроцы его, и совѣщаша всякъ совѣтъ, и убиша Иоаса въ домѣ маллони, иже въ саалѣ.
12:21 См.: 🔗2Пар. 24:27	И Иезехаръ сынъ Иемуаѳовъ, и Иезевуѳъ сынъ сомировъ, раби его убиша его, и умре, и погребоша его со отцы его во градѣ давидовѣ. И воцарися Амессіа сынъ его вмѣсто его.