Книга пророка Иеремии, глава 44

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 44
44:1 См.: 🔗Иер. 46:14 🔗Иез. 29:14 🔗Иез. 30:14	Слово быв­шее ко иереміи [от­ Господа] и ко всѣмъ Иудеемъ сущымъ въ земли Египетстѣй и сѣдящымъ во Магдалѣ и во тафнасѣ, и во мемфисѣ и въ земли паѳурстѣ, глаголя:
44:2	тако глаголетъ Господь Богъ Израилевъ: вы видѣсте вся злая, яже наведохъ на Иерусалимъ и на грады Иудины: и се, пусти суть нынѣ от­ живущихъ,
44:3 См.: 🔗Исх. 23:24	от­ лица злобы ихъ, юже сотвориша разгнѣвати мя, ходяще кадити богомъ чуждимъ, ихже не вѣдѣсте вы сами и отцы ваши.
44:4 См.: 🔗Иер. 25:4	И послахъ къ вамъ отроки моя пророки заутра, и посылахъ я, глаголя: не творите дѣла оскверненiя сего, егоже воз­ненавидѣхъ.
44:5 См.: 🔗Иер. 7:24 🔗Иер. 11:8	И не послушаша мене, ни при­­клониша уха сво­его обратитися от­ злобъ сво­ихъ, еже не кадити богомъ инѣмъ.
44:6 См.: 🔗Иер. 42:18	И вскапа ярость моя и гнѣвъ мой и разгорѣся во вратѣхъ Иудиныхъ и внѣ Иерусалима: и быша во опустѣнiе и въ непроходимую до сего дне.
44:7	И нынѣ сице рече Господь Вседержитель, Богъ Израилевъ: вскую вы творите злобы велики на душы своя, еже изсѣщи вамъ мужы и жены, младенца и ссущаго от­ среды Иуды, да не останет­ся ни единъ от­ васъ,
44:8	разгнѣвати мя въ дѣлѣхъ рукъ вашихъ, кадити богомъ инѣмъ въ земли Египетстѣй, въ нюже прiидосте жити тамо, да изсѣчени будете и въ проклятiе да будете и на укоризну во всѣхъ языцѣхъ земли?
44:9	еда забысте злобы отецъ вашихъ и злобы царей Иудиныхъ, и злобы князей вашихъ и злобы вашя, и злобы женъ вашихъ, яже сотвориша въ земли Иудинѣ и внѣ Иерусалима?
44:10	И не престаша даже до сего дне и не убояшася, и не держахуся законовъ мо­ихъ и повелѣнiй мо­ихъ, яже дахъ предъ лицемъ вашимъ и предъ очима отецъ вашихъ.
44:11 См.: 🔗Ам. 9:4	Того ради тако глаголетъ Господь силъ, Богъ Израилевъ: се, азъ при­­ставлю лице мое на вы во зло, еже погубити вся люди Иудины:
44:12 См.: 🔗Иер. 44:27 🔗Чис. 5:21	и воз­му останки Иудины, иже поставиша лица своя, еже внити въ землю Египетску и жити тамо, и исчезнутъ вси въ земли Египетстѣй, и падутъ мечемъ и гладомъ, и исчезнутъ от­ мала даже до велика: и будутъ на укоризну и въ пагубу и въ проклятiе:
44:13 См.: 🔗Иер. 24:10 🔗Иер. 29:17 🔗Иер. 42:17	и посѣщу на сѣдящихъ въ земли Египетстѣй, якоже посѣтихъ на Иерусалимъ, мечемъ и гладомъ и смертiю,
44:14 См.: 🔗Иер. 44:11	и не будетъ уцѣлѣв­ша ни единаго же от­ остав­шихъ Иудиныхъ, обитающихъ въ земли Египетстѣй, еже воз­вратитися на землю Иудину, къ нейже тіи надѣют­ся душами сво­ими воз­вратитися тамо: не воз­вратят­ся, развѣ избѣгшiи.
44:15 См.: 🔗Иер. 7:18	И от­вѣщаша иереміи вси мужiе разумѣющiи, яко кадятъ жены ихъ богомъ инымъ, и вся жены соборъ великъ, и вси людiе сѣдящiи въ земли Египетстѣй, въ земли паѳурстѣ, глаголюще:
44:16 См.: 🔗Иер. 6:16	слово, еже глаголалъ еси къ намъ во имя Господне, не послушаемъ тебе,
44:17 См.: 🔗Втор. 29:19 🔗Иез. 20:32 🔗Иер. 7:18	яко творяще сотворимъ всякое слово, еже изыдетъ изъ устъ нашихъ, кадити царицѣ небеснѣй и воз­ливати ей воз­лiянiя, якоже сотворихомъ мы и отцы наши, и царiе наши и князи наши во градѣхъ Иудиныхъ и внѣ Иерусалима: и насытихомся хлѣбовъ, и благо намъ бысть, и зла не видѣхомъ.
44:18 См.: 🔗4Цар. 6:25	И егда престахомъ кадити царицѣ небеснѣй и воз­ливати воз­лiянiя, оскудѣхомъ хлѣбы вси мы, и мечемъ и гладомъ скончахомся.
44:19 См.: 🔗Соф. 1:5 🔗Иер. 7:18	И егда кадихомъ мы царицѣ небеснѣй и воз­ливахомъ ей воз­лiянiя, еда безъ мужей нашихъ творихомъ ей опрѣсноки и воз­ливахомъ ей воз­лiянiя?
44:20	И рече иереміа всѣмъ людемъ сильнымъ и всѣмъ женамъ и всѣмъ людемъ от­вѣщав­шымъ ему словеса, глаголя:
44:21	не кажденiе ли, еже кадисте во градѣхъ Иудиныхъ и внѣуду Иерусалима вы и отцы ваши, и царiе ваши и князи ваши и людiе земли, помяну Господь, и взыде на сердце его?
44:22 См.: 🔗Иер. 26:6 🔗Иер. 44:12	И не можа­ше Господь терпѣти ктому от­ лица злобы дѣянiй вашихъ и от­ гнусностей, яже сотвористе: и бысть земля ваша во опустѣнiе и въ непрохожденiе и въ клятву, еже не быти живущымъ, якоже есть день сей,
44:23	от­ лица сихъ, имже кадисте [идоломъ] и имиже согрѣшисте Господеви: и не послушасте гласа Господня, и въ повелѣнiихъ его и въ законѣ и во свидѣнiихъ его не ходисте, и постигнуша вы злая сiя, якоже день сей.
44:24	И рече иереміа людемъ и женамъ: слышите слово Господне, весь Иуда, иже есте въ земли Египетстѣй:
44:25	тако рече Господь Вседержитель, Богъ Израилевъ, глаголя: вы и жены вашя усты вашими соглаголасте и руками вашими исполнисте, глаголюще: творяще сотворимъ исповѣданiя наша, яже обѣщахомъ кадити царицѣ небеснѣй и воз­ливати воз­лiянiя ей: пребывающе пребысте во обѣтѣхъ вашихъ и творяще сотвористе я.
44:26 См.: 🔗Иер. 44:24	Того ради слышите слово Господне: весь Иуда, сѣдящiи въ земли Египетстѣй: се, кляхся именемъ мо­имъ великимъ, рече Господь, аще будетъ ктому имя мое во устѣхъ всего Иуды, еже рещи, живъ Господь Богъ, во всей земли Египетстѣй.
44:27 См.: 🔗Иер. 31:28 🔗Дан. 9:14	Яко се, азъ воз­будихся на ня озлобити ихъ, а не благосотворити, и исчезнутъ весь Иуда живущiи въ земли Египетстѣй мечемъ и гладомъ, дондеже скончают­ся.
44:28	И уцѣлѣв­шiи от­ меча воз­вратят­ся на землю Иудину малымъ числомъ: и увѣдятъ остав­шiи Иудины, преселив­шiися въ землю Египетску обитати тамо, слово чiе пребудетъ, мое, или ихъ?
44:29	И сiе вамъ знаменiе, глаголетъ Господь, яко посѣщу азъ на вы на мѣстѣ семъ, да увѣдите, яко во­истин­ну исполнят­ся словеса моя на васъ во злая.
44:30 См.: 🔗Иер. 21:7 🔗Иер. 22:25 🔗2Пар. 36:17	Тако рече Господь: се, азъ предаю фараона вафріа царя Египетска въ руцѣ врага его и въ руцѣ ищущихъ души его, якоже дахъ седекію царя Иудина въ руцѣ навуходоносора царя Вавилонска врага его и ищущаго души его.