Книга Неемии, глава 9

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 9
9:1 См.: 🔗Неем. 8:1 🔗1Езд. 10:1	Въ день же двадесять четвертый месяца сего собрашася сынове Израилевы въ постѣ и во вретищихъ, и персть на главахъ ихъ.
9:2	И от­лучишася сынове Израилевы от­ всякаго сына чужда, и исповѣдаху грѣхи своя и беззаконiя отецъ сво­ихъ.
9:3 См.: 🔗Мф. 20:1 🔗Ин. 11:9	И сташа на стоянiи сво­емъ и чтоша въ книзѣ закона Господа Бога сво­его четверицею въ день, и бяху исповѣда­ю­щеся Господеви и покланяющеся Господу Богу сво­ему.
9:4 См.: 🔗Неем. 8:4	И сташа на степени левитовъ иисусъ и сынове кадмiили, саханіа сынъ саравіинъ, сынове ханани, и возопиша гласомъ великимъ ко Господу Богу сво­ему,
9:5	и рекоша левити, иисусъ и кадмiилъ: востаните, благословите Господа Бога на­шего от­ вѣка даже до вѣка: и благословятъ имя славы тво­ея, и воз­несутъ во всяцѣмъ благословенiи и хвалѣ.
9:6 См.: 🔗Ис. 44:6 🔗Пс. 32:6 🔗Деян. 4:24	И рече ездра: ты еси самъ Господь единъ, ты сотворилъ еси небо и небо небесе и вся вои ихъ, землю и вся, елика на ней суть, моря и вся, яже въ нихъ, и ты оживляеши вся, и вои небеснiи покланяют­ся тебѣ:
9:7 См.: 🔗Быт. 12:1 🔗Быт. 17:5	ты еси Господь Богъ, ты избралъ еси Аврама и извелъ еси его от­ страны Халдейскiя, и положилъ еси имя ему Авраамъ,
9:8 См.: 🔗Быт. 12:6 🔗Быт. 15:18 🔗1Езд. 9:15	и обрѣлъ еси сердце его вѣрно предъ тобою, и завѣщалъ еси съ нимъ завѣтъ дати ему землю Хананейску и Хеттейску, и Аморрейску и Ферезейску, и Иевусейску и Гергесейску, и сѣмени его: и утвердилъ еси словеса твоя, яко праведенъ еси:
9:9 См.: 🔗Исх. 2:24 🔗Исх. 14:17	и видѣлъ еси озлобленiе отецъ нашихъ во Египтѣ, и вопль ихъ услышалъ еси на мори чермнѣмъ,
9:10	и далъ еси знаменiя и чудеса во Египтѣ на фараона и на вся рабы его и на вся люди земли его: позналъ бо еси, яко воз­гордѣшася на нихъ, и сотворилъ еси себѣ имя, якоже день сей:
9:11 См.: 🔗Исх. 14:21	и море расторглъ еси предъ ними, и про­идоша посредѣ моря по суху, и гонители ихъ вверглъ еси въ глубину, яко камень въ водѣ зѣлнѣй:
9:12 См.: 🔗Исх. 13:21	и въ столпѣ облачнѣ водилъ еси ихъ во дни и въ столпѣ огнен­нѣ въ нощи, еже освѣтити имъ путь, по немуже идоша:
9:13 См.: 🔗Исх. 19:18 🔗Втор. 4:12	и на гору Синайскую сшелъ еси, и глаголалъ еси къ нимъ съ небесе, и далъ еси имъ судьбы правы и законъ истин­ный, повелѣнiя и заповѣди благи:
9:14 См.: 🔗Исх. 20:8	и субботу святую твою явилъ еси имъ, заповѣди, повелѣнiя и законъ повелѣлъ еси имъ рукою Моисеа раба тво­его:
9:15 См.: 🔗Исх. 16:4 🔗Исх. 17:6 🔗Чис. 20:10	хлѣбъ же съ небесе далъ еси имъ во алчбѣ ихъ въ пищу имъ, и воду изъ камене извелъ еси имъ въ жажди ихъ, и реклъ еси имъ, да внидутъ и наслѣдятъ землю, на нюже простерлъ еси руку твою дати имъ:
9:16 См.: 🔗Ос. 13:6	тіи же и отцы наши воз­гордѣшася и ожесточиша выя своя и не послушаша заповѣдiй тво­ихъ,
9:17 См.: 🔗Исх. 32:8 🔗Исх. 33:3 🔗Чис. 14:4	и не восхотѣша слышати, и не воспомянуша чудесъ тво­ихъ, яже сотворилъ еси имъ: и ожесточиша выю свою, и даша начало воз­вратитися на работу свою во Египетъ: ты же, Боже, милостивъ и щедръ, долготерпѣливъ и многомилостивъ, и не оставилъ еси ихъ:
9:18 См.: 🔗Исх. 32:4	еще же сотвориша себѣ и телца слiяна и рекоша: сіи бози изведоша насъ изъ Египта: и сотвориша раздраженiя велiя:
9:19 См.: 🔗Исх. 13:21	ты же въ щедротахъ тво­ихъ многихъ не оставилъ еси ихъ въ пустыни, столпъ облачный не уклонилъ еси от­ нихъ во дни, еже наставити ихъ на путь, и столпъ огнен­ный въ нощи, еже освѣтити имъ путь по немуже идоша,
9:20 См.: 🔗Чис. 11:17 🔗Нав. 5:12 🔗Исх. 17:6	и Духъ твой благій далъ еси, еже научити ихъ, и ман­ны тво­ея не лишилъ еси от­ устъ ихъ, и воду далъ еси имъ въ жажди ихъ,
9:21 См.: 🔗Втор. 29:5	и четыредесять лѣтъ препиталъ еси ихъ въ пустыни, ничтоже имъ оскудѣ: одѣянiя ихъ не состарѣшася, и сапози ихъ не раздрашася:
9:22 См.: 🔗Чис. 21:21 🔗Чис. 32:33	и далъ еси имъ цар­ст­ва, и люди раздѣлилъ еси имъ, и наслѣдиша землю сиона царя есевонска и землю ога царя Васанска:
9:23 См.: 🔗Быт. 15:5 🔗Быт. 22:17	и умножилъ еси сыны ихъ яко звѣзды небесныя, и ввелъ еси ихъ въ землю, о нейже глаголалъ еси отцемъ ихъ внити и наслѣдити ю:
9:24 См.: 🔗Нав. 6:1 🔗Нав. 12:1	[и внидоша сынове ихъ] и наслѣдиша землю: и сокрушилъ еси предъ ними обитающихъ въ земли Хананейстѣй, и далъ еси ихъ въ руку ихъ, и цари ихъ и люди земли, да сотворятъ имъ якоже угодно предъ ними:
9:25 См.: 🔗Втор. 6:11	и взяша грады высокiя, и одержаша домы полны всѣхъ благихъ, кладязи ограждены каменiемъ, винограды и маслины и всяко древо снѣдное во множе­с­т­во, и ядоша и насытишася, и утолстѣша и разширишася во благости тво­ей велицѣй:
9:26 См.: 🔗Втор. 28:47	и измѣнишася и от­ступиша от­ тебе, и повергоша законъ твой созади плоти сво­ея, и пророки твоя избиша, иже засвидѣтел­ст­воваху имъ, да обратят­ся къ тебѣ, и сотвориша хулы велики:
9:27 См.: 🔗Суд. 2:14 🔗Суд. 3:8 🔗4Цар. 13:5	и далъ еси ихъ въ руку оскорбляющихъ я, и озлобиша ихъ: и во бремя печали сво­ея возопиша къ тебѣ, и ты съ небесе тво­его услышалъ еси, и по щедротамъ тво­имъ многимъ далъ еси имъ спасителей, и спостолъ еси ихъ от­ рукъ врагъ ихъ:
9:28 См.: 🔗Суд. 4:1	и егда упокоишася, воз­вратишася сотворити лукавое предъ тобою: и оставилъ еси ихъ въ рукахъ врагъ ихъ, и обладаша ими: и паки возопиша къ тебѣ, ты же от­ небесе услышалъ еси, и избавилъ еси ихъ въ щедротахъ тво­ихъ мнозѣхъ,
9:29 См.: 🔗Лев. 18:5 🔗Иез. 20:11 🔗Рим. 10:5 🔗Гал. 3:12	и засвидѣтел­ст­вовалъ еси имъ, да обратят­ся къ закону тво­ему: они же воз­гордѣшася и не послушаша, но въ заповѣдехъ тво­ихъ и въ судьбахъ тво­ихъ согрѣшиша, яже сотворивъ человѣкъ живъ будетъ въ нихъ: и даша плещы непокоривыя, и выю свою ожесточиша, и не послушаша:
9:30 См.: 🔗Ис. 42:20	и продолжилъ еси на нихъ лѣта многа, и засвидѣтел­ст­вовалъ еси имъ Духомъ тво­имъ и рукою пророкъ тво­ихъ, и не вняша, и предалъ еси ихъ въ руку людій земныхъ:
9:31	въ милосердiихъ же тво­ихъ многихъ не сотворилъ еси ихъ въ скончанiе, ниже оставилъ еси ихъ, яко Богъ силенъ еси и милостивъ и щедръ:
9:32 См.: 🔗Неем. 1:5 🔗Дан. 9:4	и нынѣ, Боже нашъ крѣпкiй, великiй, державный и страшный, храняй завѣтъ твой и милость твою, да не явит­ся малъ предъ тобою всякъ трудъ, иже обрѣте насъ и цари нашя, и началники нашя и священ­ники нашя, и пророки нашя и отцы нашя и вся люди твоя, от­ дній царей Ассурскихъ и даже до дне сего:
9:33 См.: 🔗Исх. 32:8	и ты праведенъ во всѣхъ, яже прiидоша на насъ, яко истину сотворилъ еси, мы же согрѣшихомъ:
9:34 См.: 🔗Дан. 9:8	и царiе наши и началницы наши, и священ­ницы наши и отцы наши не сотвориша закона тво­его и не внимаша повелѣниемъ тво­имъ и свидѣниемъ тво­имъ, имиже засвидѣтел­ст­вовалъ еси имъ,
9:35 См.: 🔗Втор. 32:14 🔗Ос. 13:6	и тіи во цар­ст­вiи тво­емъ и во благостыни тво­ей мнозѣ, юже далъ еси имъ, и въ земли широцѣй и тучнѣй, юже далъ еси предъ ними, не послужиша тебѣ и не от­вратишася от­ начинанiй сво­ихъ лукавыхъ:
9:36	се, мы днесь есмы раби, и земля, юже далъ еси отцемъ нашымъ ясти плодъ ея и благая ея, се, есмы раби на ней:
9:37	и плоды ея мнози царемъ, имже предалъ еси насъ за грѣхи нашя, и тѣлесы нашими владыче­ст­вуютъ и скоты нашими, якоже угодно имъ, и въ печали велицѣй есмы:
9:38	и во всѣхъ сихъ мы полагаемъ завѣтъ вѣренъ и пишемъ, и печатаютъ вси началницы наши, левити наши и священ­ницы наши.