Книга Премудрости Иисуса, сына Сирахова, глава 31 неканонич.

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 31
31:1	Бдѣнiе богат­ст­ва растлеваетъ плоти, и попеченiе его от­гонитъ сонъ:
31:2 См.: 🔗Дан. 6:18	печаль бдѣнiя от­торгаетъ дреманiе, и недугъ лютъ от­имаетъ сонъ.
31:3	Трудит­ся богатый въ собиранiи богат­ст­ва и въ покои насыщает­ся сладостей сво­ихъ:
31:4	трудит­ся убогiй во умаленiи житiя, и въ покои скудный бываетъ.
31:5 См.: 🔗Сир. 27:1 🔗1Тим. 6:9	Любяй злато не оправдит­ся, и гоняй растлѣнiе симъ насытит­ся.
31:6 См.: 🔗Сир. 8:3	Мнози падоша злата ради, и бысть пагуба ихъ прямо лицу ихъ.
31:7	Древо претыканiя есть всѣмъ жрущымъ ему, и всякъ безумливъ ятъ будетъ имъ.
31:8 См.: 🔗Лк. 6:24 🔗Пс. 61:11 🔗1Тим. 6:17	Блаженъ богатый, иже обрѣтеся безъ порока и иже вслѣдъ злата не иде.
31:9	Кто есть сей? и ублажимъ его, сотвори бо дивная въ людехъ сво­ихъ.
31:10	Кто искушенъ имъ и совершенъ бысть? и будетъ на похваленiе.
31:11	Кто моглъ преступити, и не преступи, и зло сотворити, и не сотвори?
31:12	Утвердят­ся благая его, и милостыни его исповѣсть собранiе.
31:13 См.: 🔗Прит. 23:1	Сѣлъ ли еси при­­ трапезѣ велицѣй, не разверзи на ней гортани тво­его
31:14 См.: 🔗Прит. 23:6 🔗Сир. 14:10	и не рцы: много на ней есть. Помяни, яко зло есть око лукаво.
31:15	Лукавнѣе ока что есть создано? сего ради о ко­ей либо вещи слезитъ.
31:16	Идѣже аще узриши, не простирай руки и не гнѣтися съ нимъ въ солило.
31:17	Разсуждай, яже суть искрен­няго, от­ тебе самаго, и о всяцѣй вещи размышляй.
31:18 См.: 🔗Сир. 37:33	Яждь яко человѣкъ предлежащее ти и не пресыщайся, да не воз­ненавидѣнъ будеши.
31:19	Престани первый ради наказанiя и не пресыщайся, да не преткнешися:
31:20	и аще сядеши посредѣ многихъ, первѣе ихъ не простри руки тво­ея.
31:21	Коль доволно человѣку наказан­ному малое, и на одрѣ сво­емъ не постраждетъ зла.
31:22 См.: 🔗Еккл. 5:11	Сонъ здравый от­ чрева умѣрен­на: воста заутра, и душа его съ нимъ:
31:23	трудъ бдѣнiя и холера и чревоболѣнiе съ мужемъ ненасытнымъ.
31:24 См.: 🔗Сир. 32:15	И аще отяготил­ся еси брашны, востани от­ трапезы и почіеши.
31:25	Послушай мене, чадо, и не уничижи мене, и на послѣдокъ обрящеши словеса моя.
31:26	Во всѣхъ дѣлѣхъ тво­ихъ буди тщателенъ, и всякъ недугъ не имать при­­ступити къ тебѣ.
31:27 См.: 🔗Прит. 22:9	Щедраго хлѣбами благословятъ устнѣ, и послуше­с­т­во доброты его вѣрно.
31:28 См.: 🔗1Цар. 25:10	На скупаго въ хлѣбѣхъ поропщетъ градъ, и послуше­с­т­во злобы его извѣстно.
31:29 См.: 🔗Иудиф. 12:20 🔗Ис. 5:22	Въ винѣ не мужайся, многихъ бо погуби вино.
31:30	Пещь искушаетъ желѣзо въ каленiи, тако вино сердца гордыхъ во пiян­ствѣ.
31:31 См.: 🔗Суд. 9:13 🔗Прит. 31:4	Полезно вино животу человѣчу, аще пiеши е въ мѣру его.
31:32 См.: 🔗Пс. 103:15	Кій животъ побѣждаемому виномъ? сiе бо на веселiе человѣкомъ создано есть.
31:33	Радованiе сердца и веселiе души вино пiемо во время при­­лично:
31:34	горесть души вино пiемо много въ распри и клеветѣ:
31:35	умножаетъ пiян­ство ярость безумнаго на претыканiе, умаляя крѣпость и сотворяя струпiя.
31:36	Въ пирѣ вина не обличай искрен­няго и не уничижи его въ веселiи его:
31:37	словесе поносна не рцы ему и не оскорби его во истязанiи.