Псалтирь, псалом 16

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 16
16:1	Молитва Давиду, 16.
16:2 См.: 🔗Пс. 4:2	Услыши, Господи, правду мою, вонми моленiю мо­ему, внуши молитву мою не во устнахъ льстивыхъ.
16:3	От лица Тво­его судьба моя изыдетъ: очи мо­и да видита правоты.
16:4 См.: 🔗Пс. 7:10 🔗Пс. 65:10 🔗Иер. 11:20	Искусилъ еси сердце мое, посѣтилъ еси нощiю: искусилъ мя еси, и не обрѣтеся во мнѣ неправда.
16:5	Яко да не воз­глаголютъ уста моя дѣлъ человѣческихъ, за словеса устенъ Тво­ихъ азъ сохранихъ пути жестоки.
16:6 См.: 🔗1Цар. 2:9	Соверши стопы моя во стезяхъ Тво­ихъ, да не подвижут­ся стопы моя.
16:7	Азъ воз­звахъ, яко услышалъ мя еси, Боже: при­­клони ухо Твое мнѣ и услыши глаголы моя.
16:8	Удиви милости Твоя, спасаяй уповающыя на Тя от­ противящихся десницѣ Тво­ей:
16:9 См.: 🔗Втор. 32:10 🔗Зах. 2:8 🔗Руф. 2:12	сохрани мя, Господи, яко зѣницу ока: въ кровѣ крилу Твоею покрыеши мя
16:10	от­ лица нечестивыхъ острастшихъ {обидящихъ} мя: врази мо­и душу мою одержаша
16:11 См.: 🔗Иов. 15:27	тукъ свой затвориша, уста ихъ глаголаша гордыню.
16:12	Изгонящiи мя нынѣ обыдоша мя, очи сво­и воз­ложиша уклонити на землю.
16:13	Объяша мя яко левъ готовъ на ловъ и яко скименъ обитаяй въ тайныхъ.
16:14	Воскресни, Господи, предвари я и запни имъ: избави душу мою от­ нечестиваго, оружiе Твое
16:15	от­ врагъ руки Тво­ея, Господи, от­ малыхъ от­ земли: раздѣли я въ животѣ ихъ, и сокровен­ныхъ Тво­ихъ исполнися чрево ихъ: насытишася сыновъ, и оставиша останки младенцемъ сво­имъ.
16:16 См.: 🔗Мф. 5:8 🔗1Ин. 3:20 🔗1Кор. 13:10	Азъ же правдою явлюся лицу Тво­ему, насыщуся, внегда явитимися славѣ Тво­ей.