Деяния святых Апостолов, глава 20

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 20
20:1	По утишенiи же молвы, при­­звавъ Павелъ ученики, утѣшивъ и цѣловавъ ихъ, изыде ити въ Македонiю.
20:2	Прошедъ же страны оны и утѣшивъ ихъ словомъ многимъ, прiиде во Елладу:
20:3	поживъ же месяцы три, быв­шу нань навѣту от­ Иудей, хотящу от­везтися въ Сирію, бысть хотѣнiе воз­вратитися сквоз­ѣ Македонiю.
20:4 См.: 🔗Деян. 19:29 🔗Деян. 27:2	Послѣдова же ему даже до Асіи Сосипатръ Пирровъ Берянинъ, Солуняне же Аристархъ и Секундъ, и Гаiй Дервянинъ и Тимоѳей, Асіане же Тихикъ и Трофимъ.
20:5	Сіи предшедше ждаху насъ въ Троадѣ.
20:6	Мы же от­везохомся по днехъ опрѣсночныхъ от­ Филиппъ и прiидохомъ къ нимъ въ Троаду во днехъ пяти, идѣже пребыхомъ дній седмь.
20:7 См.: 🔗Деян. 2:46 🔗1Кор. 10:16	[Зач. 43.] Во едину же от­ субботъ, собрав­шымся ученикомъ преломити хлѣбъ, Павелъ бесѣдоваше къ нимъ, хотя изыти на утрiи, простре же слово до полунощи.
20:8	Бяху же свѣщы многи въ горницѣ, идѣже бѣхомъ собрани.
20:9	Сѣдя же нѣкто юноша, именемъ Евтихъ, во окнѣ, отягченъ сномъ глубокимъ, глаголющу Павлу о мнозѣ, преклонься от­ сна, паде от­ трекровника долу, и взяша его мертва.
20:10	Сошедъ же Павелъ нападе нань, и объемь его рече: не молвите, ибо душа его въ немъ есть.
20:11	Возшедъ же и преломль хлѣбъ и вкушь, доволно же бесѣдовавъ даже до зари, и тако изыде.
20:12	Приведоша же отрока жива и утѣшишася не мало.
20:13	Мы же, при­­шедше въ корабль, от­везохомся во Ассонъ, от­туду хотяще пояти Павла: тако бо намъ бѣ повелѣлъ, хотя самъ пѣшь ити.
20:14	И якоже снидеся съ нами во Ассонѣ, вземше его прiидохомъ въ Митилинъ.
20:15	И от­туду от­везшеся, во утрiе при­­стахомъ противу Хію, въ другій же от­везохомся въ Самонъ, и пребыв­ше въ Трогилліи, въ грядущiй же день прiидохомъ въ Милитъ:
20:16	[Зач. 44.] суди бо Павелъ мимо ити Ефесъ, яко да не будетъ ему закоснѣти во Асіи, тща­шебося, аще воз­можно будетъ, въ день Пятьдесятный быти во Иерусалимѣ.
20:17	От Милита же пославъ во Ефесъ, при­­зва пресвитеры церковныя,
20:18 См.: 🔗Деян. 19:9	и якоже прiидоша къ нему, рече къ нимъ: вы вѣсте, яко от­ перваго дне, от­нелиже прiидохъ во Асію, како съ вами все время быхъ,
20:19	работая Господеви со всякимъ смиреномудрiемъ и многими слезами и напастьми, при­­лучив­шимися мнѣ от­ Иудейскихъ навѣтъ:
20:20	яко ни въ чесомъ от­ полезныхъ обинухся, еже сказати вамъ и научити васъ предъ людьми и по домомъ,
20:21 См.: 🔗Лк. 24:47	засвидѣтел­ст­вуя Иудеемъ же и Еллиномъ еже къ Богу покаянiе и вѣру яже въ Господа на­шего Иисуса Христа.
20:22	И нынѣ, се, азъ связанъ Духомъ гряду во Иерусалимъ, яже въ немъ хотящая при­­ключитися мнѣ не вѣдый:
20:23 См.: 🔗Деян. 9:16 🔗Деян. 21:11 🔗1Фес. 3:3	точiю яко Духъ Святый по вся грады свидѣтел­ст­вуетъ, глаголя, яко узы мене и скорби ждутъ.
20:24 См.: 🔗Деян. 21:13 🔗Рим. 8:35 🔗Гал. 1:1 🔗Кол. 1:24 🔗Тит. 1:3	Но ни едино же попеченiе творю, ниже имамъ душу мою честну себѣ, развѣ еже скончати теченiе мое съ радостiю и службу, юже прiяхъ от­ Господа Иисуса, засвидѣтел­ст­вовати Евангелiе благодати Божiя.
20:25	И нынѣ, се, азъ вѣмъ, яко ктому не узрите лица мо­его вы вси, въ нихже про­идохъ проповѣдуя Цар­ст­вiе Божiе.
20:26 См.: 🔗Иез. 33:9 🔗Деян. 18:6	Тѣмже свидѣтел­ст­вую вамъ во днешнiй день, яко чистъ азъ от­ крове всѣхъ,
20:27 См.: 🔗Лк. 7:30 🔗Еф. 1:11	не обинухся бо сказати вамъ всю волю Божiю.
20:28 См.: 🔗Ис. 53:12 🔗Ин. 21:15 🔗1Пет. 5:2 🔗Рим. 3:25	Внимайте убо себѣ и всему стаду, въ немже васъ Духъ Святый постави епископы, пасти Церковь Господа и Бога, юже стяжа Кровiю Сво­ею.
20:29 См.: 🔗Мф. 7:15 🔗2Пет. 2:1	Азъ бо вѣмъ сiе, яко по от­ше­ст­вiи мо­емъ внидутъ волцы тяжцы въ васъ, не щадящiи стада:
20:30	и от­ васъ самѣхъ востанутъ мужiе глаголющiи развращеная, еже от­торгати ученики вслѣдъ себе.
20:31 См.: 🔗Мф. 25:13 🔗Евр. 13:17	Сего ради бдите, поминающе, яко три лѣта нощь и день не престаяхъ учя со слезами единаго когождо васъ.
20:32 См.: 🔗Еф. 1:18	И нынѣ предаю васъ, братiе, Богови и слову благодати Его, могущему наздати и дати вамъ наслѣдiе во освящен­ныхъ всѣхъ.
20:33 См.: 🔗1Цар. 12:3	Сребра или злата или ризъ ни единаго воз­желахъ:
20:34 См.: 🔗Деян. 18:3 🔗1Кор. 4:12 🔗1Фес. 2:9 🔗2Фес. 3:8	сами вѣсте, яко требованiю мо­ему и сущымъ со мною послужистѣ руцѣ мо­и сіи.
20:35 См.: 🔗Лк. 6:38 🔗Лк. 18:22	Вся сказахъ вамъ, яко тако труждающымся подобаетъ заступати немощныя, поминати же слово Господа Иисуса, яко Самъ рече: блажен­нѣе есть паче даяти, нежели прiимати.
20:36	И сiя рекъ, преклонь колѣна своя, со всѣми ими помолися.
20:37	Многъ же бысть плачь всѣмъ: и нападше на выю Павлову, облобызаху его,
20:38	скорбяще наипаче о словеси, еже рече, яко ктому не имутъ лица его узрѣти. Провождаху же его въ корабль.