Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 21 | |
21:1 См.: 🔗2Пар. 33:1 | Сынъ дванадесяти лѣтъ Манассіа, егда нача царствовати, и пятьдесятъ пять лѣтъ царствова во Иерусалимѣ. Имя матере его Офовіа. |
21:2 См.: 🔗Втор. 18:9 🔗2Пар. 28:3 | И сотвори лукавое предъ очима Господнима, и хождаше вслѣдъ мерзостей языковъ, ихже отрину Господь от лица сыновъ Израилевыхъ: |
21:3 См.: 🔗2Пар. 33:3 | и обратися, и созда высокая, иже разори отецъ его езекіа, и воздвиже жертвенникъ Ваалу, и сотвори дубравы, якоже сотвори Ахаавъ царь Израилевъ, и поклонися всей силѣ небеснѣй и поработа имъ: |
21:4 | и созда олтарь въ дому Господни, якоже рече Господь: во Иерусалимѣ положу имя мое. |
21:5 | И сотвори олтарь всей силѣ небеснѣй на дву двору дому Господня: |
21:6 | и провождаше сыны своя чрезъ огнь, и вражаше, и волшвенiя творяше, и сотвори капища, и волшебницы умножи творити лукавое предъ очима Господнима, еже прогнѣвати его: |
21:7 См.: 🔗3Цар. 9:3 | и постави изваяное дубравы въ храмѣ, о немже рече Господь къ давиду и къ соломону сыну его: въ храмѣ семъ и во Иерусалимѣ, егоже избрахъ от всѣхъ колѣнъ Израилевыхъ, и положу ту имя мое на вѣки, |
21:8 См.: 🔗2Пар. 33:8 | и не приложу подвигнутися нозѣ Израилевѣ от земли, юже дахъ отцемъ ихъ, аще тіи соблюдутъ вся елика заповѣдахъ, по всей заповѣди, юже заповѣда имъ рабъ мой Моисей. |
21:9 См.: 🔗2Пар. 33:9 | И не послушаша, и прельсти ихъ Манассіа, еже сотворити лукавое предъ очима Господнима паче языкъ, яже истреби Господь от лица сыновъ Израилевыхъ. |
21:10 См.: 🔗2Пар. 33:18 | И глагола Господь рукою рабовъ своихъ пророковъ, глаголя: |
21:11 См.: 🔗4Цар. 24:3 | за сiя, елика сотвори Манассіа царь Иудинъ мерзости сiя лукавыя, паче всѣхъ яже сотвориша Аморрее, иже прежде сего быша, и введе во грѣхъ и Иуду, въ кумiрѣхъ своихъ: |
21:12 См.: 🔗1Цар. 3:11 🔗Иер. 19:3 | не тако: сице глаголетъ Господь Богъ Израилевъ: се, азъ наведу злая на Иерусалимъ и на Иуду, яко всякому слышащему пошумятъ обоя уха его, |
21:13 | и простру на Иерусалимъ мѣру самарійскую и вѣсы дому Ахаавля: и истреблю Иерусалима, якоже изглаждается алавастръ изглаждаемый и превращается въ лице свое: |
21:14 | и изрину останки достоянiя моего и предамъ ихъ въ руки враговъ ихъ, и будутъ въ расхищенiе и въ плѣнъ всѣмъ врагомъ своимъ: |
21:15 См.: 🔗Иер. 15:4 | понеже сотвориша лукавое предъ очима моима и быша прогнѣвляюще мя от дне, въ оньже изведохъ отцы ихъ от земли Египетскiя, и до дне сего. |
21:16 См.: 🔗4Цар. 24:4 🔗Иез. 22:4 | Еще же кровь неповинную излiя Манассіа многу зѣло, дондеже наполни Иерусалиму уста до устъ, кромѣ грѣховъ его, имиже во грѣхъ введе Иуду, сотворити лукавое предъ очима Господнима. |
21:17 См.: 🔗2Пар. 33:18 | И прочая словесъ Манассіиныхъ, и вся елика сотвори, и грѣхъ его, имже согрѣши, не сiя ли написана въ книзѣ словесъ дній царей Иудиныхъ? |
21:18 См.: 🔗2Пар. 33:20 | И успе Манассіа со отцы своими, и погребенъ бысть въ вертоградѣ дому своего, въ вертоградѣ озы. И воцарися Аммонъ сынъ его вмѣсто его: |
21:19 См.: 🔗2Пар. 33:21 | сынъ двадесяти дву лѣтъ бѣ Аммонъ, егда нача царствовати и два лѣта царствова во Иерусалимѣ. Имя же матери его Месолламъ, дщи Арусова изъ Иетевы. |
21:20 См.: 🔗2Пар. 33:22 | И сотвори лукавое предъ очима Господнима, якоже сотвори Манассіа отецъ его, |
21:21 | и хождаше по всему пути, имже ходи отецъ его, и поработа кумiромъ, имже поработа отецъ его, и поклонися имъ: |
21:22 См.: 🔗3Цар. 11:33 | и остави Господа Бога отецъ своихъ, и не ходи путемъ Господнимъ. |
21:23 См.: 🔗4Цар. 12:20 | И восташа отроцы Аммоновы нань и умертвиша царя въ дому его. |
21:24 См.: 🔗4Цар. 14:5 🔗2Пар. 33:25 | Людiе же земли [тоя] избиша всѣхъ воставшихъ на царя Аммона, и воцариша людiе земли тоя Иосію сына его вмѣсто его. |
21:25 См.: 🔗2Пар. 33:21 | И прочая словесъ Аммоновыхъ, елика сотвори, не се ли, сiя написана въ книзѣ словесъ дній царей Иудиныхъ? |
21:26 См.: 🔗2Пар. 33:25 | И погребоша его во гробѣ его въ вертоградѣ озинѣ. И воцарися Иосіа сынъ его вмѣсто его. |