Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 11 | |
11:1 См.: 🔗2Цар. 5:1 | И собрася весь Израиль къ давиду въ Хевронъ, глаголюще: се, кости твоя и плоть твоя мы: |
11:2 | вчера же и третiяго дне, егда еще царствоваше Саулъ, ты былъ еси изводяй и вводяй Израиля, и тебѣ рече Господь Богъ твой: ты упасеши люди моя Израиля, и ты будеши князь надъ людьми моими Израилемъ. |
11:3 См.: 🔗1Пар. 12:38 🔗1Цар. 16:13 | И прiидоша вси старѣйшины Израилевы ко царю въ Хевронъ: и утверди давидъ съ ними завѣтъ въ Хевронѣ предъ Господемъ: и помазаша давида въ царя надъ Израилемъ по словеси Господню, [еже глагола] рукою самуиловою. |
11:4 См.: 🔗2Цар. 5:6 | И иде царь давидъ и весь Израиль во Иерусалимъ, сей есть Иевусъ, идѣже бяху Иевусее жителiе земли. |
11:5 | Рекоша же давиду, иже обиташа въ Иевусѣ: не внидеши сѣмо. И взя давидъ крѣпость Сiоню, яже есть градъ давидовъ. |
11:6 См.: 🔗2Цар. 5:8 | Рече же давидъ: всякъ иже убiетъ Иевусеа въ первыхъ, будетъ князь и воевода. И взыде нань прежде Иоавъ сынъ саруіевъ и бысть княземъ. |
11:7 | И сѣде давидъ во обдержанiи: сего ради именова е градъ давидовъ. |
11:8 | И созда градъ окрестъ от маала даже до окруженiя: Иоавъ же прочее града сострои: и воева и взя градъ. |
11:9 См.: 🔗2Цар. 5:10 | Преспѣваше же давидъ идый и растый, и Господь Вседержитель бѣ съ нимъ. |
11:10 См.: 🔗2Цар. 23:8 | Сіи же князи сильныхъ давидовыхъ, иже помогаху ему въ царствѣ его со всѣмъ Израилемъ, да царь будетъ по словеси Господню, надъ Израилемъ, |
11:11 См.: 🔗2Цар. 23:8 | и сiе число крѣпкихъ давидовыхъ: Иесваалъ сынъ Ахамань, первый между тридесятми: той извлече мечь свой единожды на триста язвеныхъ во едино время. |
11:12 См.: 🔗2Цар. 23:9 | И по немъ Елеазаръ, сынъ додеа Ахохіи: сей бѣ между треми сильными: |
11:13 | сей бѣ съ давидомъ въ фасодоминѣ, идѣже иноплеменницы собрани быша на брань, и бѣ часть нивы полна ячменя, и людiе побѣгоша от лица иноплеменнича: |
11:14 См.: 🔗2Цар. 23:12 | и ста посредѣ части и защити ю, и изби иноплеменники, и сотвори Господь спасенiе велiе [людемъ своимъ]. |
11:15 | Снидоша же тіи трiе от тридесяти князей на камень ко давиду въ пещеру Одолламлю, а полкъ иноплеменничь стояше во юдоли гигантовъ. |
11:16 | Давидъ же бѣ тогда въ крѣпости, полкъ же иноплеменничь бѣ тогда въ Виѳлеемѣ. |
11:17 См.: 🔗2Цар. 23:15 | И возжада давидъ и рече: кто напоитъ мя водою от кладязя Виѳлеемска, иже есть во вратѣхъ? |
11:18 | И трiе тіи проторгошася сквозѣ полкъ иноплеменничь и почерпоша воду изъ кладязя, иже въ Виѳлеемѣ, иже бѣ во вратѣхъ, и взяша и принесоша къ давиду, да пiетъ. И не восхотѣ давидъ пити ея и возлiя ю Господеви |
11:19 | и рече: милостивъ ми Богъ, еже сотворити глаголъ сей: аще кровь мужей сихъ испiю въ душахъ ихъ, понеже душами своими принесоша. И не восхотѣ пити ея. Сiе сотвориша трiе сильнiи. |
11:20 См.: 🔗2Цар. 23:18 | И Авесса братъ Иоавль, той бѣ первый въ трiехъ: сей извлече мечь свой противу трiехъ сотъ мужей во единъ часъ и уби ихъ, и той бѣ посредѣ трiехъ именитъ: |
11:21 См.: 🔗2Цар. 23:19 | от трiехъ между двѣма преславный, и бѣ имъ началникъ, обаче ко трiемъ первымъ не достиже. |
11:22 См.: 🔗2Цар. 23:20 | И ванеа сынъ Иодаевъ, сынъ мужа крѣпкаго, многа дѣла его, от каваслила: той уби двоихъ Арiиловъ Моавскихъ, и той сниде и уби льва у кладязя во время снѣга: |
11:23 См.: 🔗1Цар. 17:7 | и той уби мужа Египтянина, емуже возрастъ бѣ пять лакотъ, и въ руцѣ Египтянина копiе яко вратило ткущихъ: и сниде къ нему ванеа съ жезломъ, и восхити копiе изъ руки Египтянина и уби его копiемъ его: |
11:24 | сiя сотвори ванеа сынъ Иодаевъ, и бѣ именитъ посредѣ трiехъ сильныхъ: |
11:25 См.: 🔗2Цар. 23:23 | надъ тридесятiю бѣ славенъ сей, а ко трiемъ не достиже: и постави его давидъ надъ отечествомъ своимъ. |
11:26 См.: 🔗2Цар. 23:24 | И сильнiи силъ: Асаилъ, братъ Иоавль, Елеананъ, сынъ додоевъ от Виѳлеема, |
11:27 | саммоѳъ Аддитянинъ, хелкій Афелонинъ, |
11:28 | орей сынъ от киса Ѳекуйскiй, Авiезеръ Анаѳоѳскiй, |
11:29 | совохай Асоѳійскiй, илій Ахойскiй, |
11:30 См.: 🔗2Цар. 23:28 | воорай сынъ нетофаѳіевъ, Еллаѳъ сынъ ваинака нетофаѳійскаго, |
11:31 | иѳай сынъ ривеинъ от холма Венiаминя, ванеа сынъ фараѳонiевъ, |
11:32 | урій от неали, Галсавiилъ Аравеѳійскiй, |
11:33 | азмоѳъ Варсамійскiй, Елiава Саламійскiй, |
11:34 | Ирасъ гоинійскiй, Ионаѳанъ сынъ саги Арарійскiй, |
11:35 | Ахiамъ сынъ сахара Арарійскаго, зифаалъ сынъ оринъ, |
11:36 | Аферъ мехураѳинскiй, Ахіа фелонійскiй, |
11:37 | Асарай мармелинскiй, ноорай сынъ Авдіевъ, |
11:38 | Иоиль братъ наѳановъ, маваръ сынъ тараіевъ, |
11:39 | Селликъ Аммоніинъ, Наарей вироѳинъ, иже носилъ оружiе Иоава сына саруіева, |
11:40 | Ира Иеѳерiинъ, гаривъ Ѳерiинъ, |
11:41 См.: 🔗2Цар. 11:3 | уріа Хетѳейскiй, вазаѳъ сынъ ооліевъ, |
11:42 | Адина сынъ саха, Рувима князь, и у него тридесять, |
11:43 | Ананъ сынъ маахинъ, и Иосафатъ Ѳаѳаинъ, |
11:44 | Озіа Астароѳинъ, самма и Иеилъ сынове хоѳана Араріина, |
11:45 | Иедiилъ сынъ саамеринъ, и Иозае братъ его Ѳосаинъ, |
11:46 | Иелiилъ маоинъ, и Арива, и осоiа сынъ его, енаамъ, и Иеѳема Моавитскiй, |
11:47 | Елiилъ, и овидъ, и Иесiилъ месовіевъ. |