Книга Премудрости Соломона, глава 8 неканонич.

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 8
8:1	Досязаетъ же от­ конца даже до конца крѣпко и управляетъ вся благо.
8:2 См.: 🔗Сир. 15:2	Сiю воз­любихъ и по­искахъ от­ юности мо­ея, и взыскахъ невѣсту при­­вести себѣ, и любитель быхъ красоты ея.
8:3	Благород­ст­во славитъ сожитiе Божiе имущи, и всѣхъ Владыка воз­люби ю:
8:4	таибница бо есть Божiя хитрости и обрѣтателница дѣлъ его.
8:5 См.: 🔗Прем. 7:8	И аще богат­ст­во есть вожделѣн­ное при­тяжанiе въ животѣ, что премудрости богатѣйше, еюже дѣлают­ся вся?
8:6	Аще же разумъ дѣлаетъ, кто ея от­ сущихъ лучшiй художникъ есть?
8:7	И аще правду любитъ кто, труды ея суть добродѣтели: цѣломудрiю бо и разуму учитъ, правдѣ и муже­ст­ву, ихже потребнѣе ничтоже есть въ житiи человѣкомъ.
8:8 См.: 🔗3Цар. 10:1	Аще же и многаго искус­ст­ва желаетъ кто, вѣсть древняя и быти хотящая разсмотряетъ: свѣсть извитiя словесъ и разрѣшенiя гаданiй, знаменiя и чудеса проразумѣваетъ и сбытiя временъ и лѣтъ.
8:9 См.: 🔗Прит. 7:4	Судихъ убо сiю при­­вести мнѣ къ сожитiю, вѣдый, яко будетъ ми совѣтница благихъ и утѣшенiе попеченiй и печали.
8:10	Имѣти буду ради ея славу въ народѣхъ и честь предъ старцы, юнъ сый:
8:11 См.: 🔗3Цар. 3:28	остръ обрящуся въ судѣ, и лица сильныхъ удивят­ся мнѣ:
8:12 См.: 🔗Иов. 29:21	молчащу ми потерпятъ и вѣщающу ми имутъ внимати, и глаголющу ми о мнозѣ, руку положатъ на уста своя.
8:13	Сея ради прiиму безсмертiе и память вѣчную сущымъ по мнѣ оставлю:
8:14 См.: 🔗Прит. 8:11	управлю люди, и языцы покорят­ся ми:
8:15	убоят­ся мене слышав­шiи мучителiе страшнiи: во множе­ст­вѣ явлюся благъ и въ брани крѣпокъ.
8:16	Вшедъ въ домъ мой упокоюся съ нею: не бо имать горести сообщенiе ея, ни болѣзни сожитiе тоя, но веселiе и радость.
8:17	Сiя помысливъ во мнѣ, печахся въ сердцы мо­емъ, яко безсмертiе есть въ срод­ст­вѣ премудрости,
8:18 См.: 🔗Мк. 4:20	и въ содруженiи ея услажденiе благо, и въ трудѣхъ руку ея богат­ст­во безъ оскудѣнiя, и въ сообученiи бесѣды ея разумъ, и благославiе въ при­­общенiи словесъ ея, обхождахъ ишущь, да воспрiиму ю въ себе.
8:19 См.: 🔗Еккл. 12:7	Отрокъ же бѣхъ остро­уменъ, душу же получихъ благу:
8:20	паче же благъ сый прiидохъ въ тѣло нескверно.
8:21 См.: 🔗Флп. 2:13 🔗Иак. 1:17	Познавъ же, яко не инако одержу, аще не Богъ дастъ, и сiе же бѣ разума, еже вѣдѣти, чiя есть благодать, прiидохъ ко Господу и молихся ему, и рекохъ от­ всего сердца мо­его: