Книга пророка Даниила, глава 3

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 3
3:1 См.: 🔗Рим. 1:23	Въ лѣто осмонадесятое навуходоносоръ царь сотвори тѣло злато, высота его лактiй шестидесяти и широта его лактiй шести, и постави е на поли деирѣ во странѣ Вавилонстѣй.
3:2	И посла [навуходоносоръ царь] собрати ипаты и во­еводы и мѣстоначалники, вожди же и мучители, и сущыя на властехъ и вся князи странъ, прiити на обновленiе кумiра, егоже постави навуходоносоръ царь.
3:3	И собрашася мѣстоначалницы, ипатове, во­еводы, вождеве, мучителiе велицыи, иже надъ властьми, и вси началницы странъ на обновленiе тѣла, еже постави навуходоносоръ царь: и сташа предъ тѣломъ, еже постави навуходоносоръ царь.
3:4	И проповѣдникъ вопiяше со крѣпостiю: вамъ глаголет­ся, народи, людiе, племена, языцы:
3:5 См.: 🔗Мф. 4:9 🔗Деян. 19:28	въ оньже часъ аще услышите гласъ трубы, свирѣли же и гусли, Самвики же и псалтири и согласiя, и всякаго рода мусикійска, пада­ю­ще покланяйтеся тѣлу златому, еже постави навуходонсоръ царь:
3:6	и иже аще не падъ поклонит­ся, въ той часъ вверженъ будетъ въ пещь огнемъ горящую.
3:7	И бысть егда услышаша людiе гласъ трубы, свирѣли же и гусли, Самвики же и псалтири и согласiя, и всякаго рода мусикійска, пада­ю­ще вси людiе, племена, языцы, покланяхуся тѣлу златому, еже постави навуходоносоръ царь.
3:8	Тогда при­­ступиша мужiе Халдейстiи и оболгаша Иудеевъ,
3:9 См.: 🔗Дан. 2:4 🔗Дан. 5:10	от­вѣщав­ше рѣша навуходоносору цареви: царю, во вѣки живи:
3:10 См.: 🔗Дан. 6:12	ты, царю, положилъ еси повелѣнiе, да всякъ человѣкъ, иже аще услышитъ гласъ трубы, свирѣли же и гусли, Самвики же и псалтири и согласiя, и всякаго рода мусикійска,
3:11	и не падъ поклонит­ся тѣлу златому, вверженъ будетъ въ пещь огнемъ горящую.
3:12 См.: 🔗Дан. 2:48	Суть убо мужiе Иудее, ихже поставилъ еси надъ дѣлы страны вавилiонскiя, седрахъ, Мисахъ и Авденаго, иже не послушаша заповѣди тво­ея, царю, и богомъ тво­имъ не служатъ и тѣлу златому, еже поставилъ еси, не покланяют­ся.
3:13	Тогда навуходоносоръ въ ярости и гнѣвѣ рече при­­вести седраха, Мисаха и Авденаго. И при­­ведени быша предъ царя.
3:14	И от­вѣща навуходоносоръ и рече имъ: аще во­истин­ну, седрахъ, Мисахъ и Авденаго, богомъ мо­имъ не служите и тѣлу златому, еже поставихъ, не покланяетеся?
3:15 См.: 🔗Исх. 5:2 🔗4Цар. 18:35 🔗Мф. 27:43	нынѣ убо аще есте готови, да егда услышите гласъ трубы, свирѣли же и гусли, Самвики же и псалтири и согласiя, и всякаго рода мусикійска, падше поклонитеся тѣлу златому, еже сотворихъ: аще же не поклонитеся, въ той часъ ввержени будете въ пещь огнемъ горящую: и кто есть Богъ, иже изметъ вы изъ руки мо­ея?
3:16 См.: 🔗Деян. 20:24	И от­вѣщаша седрахъ, Мисахъ и Авденаго, глаголюще царю навуходоносору: не требѣ намъ о глаголѣ семъ от­вѣщати тебѣ:
3:17 См.: 🔗Пс. 65:12 🔗Пс. 85:13	есть бо Богъ нашъ на небессѣхъ, емуже мы служимъ, силенъ изъяти насъ от­ пещи огнемъ горящiя и от­ руку твоею избавити насъ, царю:
3:18 См.: 🔗Исх. 20:5 🔗Исх. 23:24 🔗Деян. 5:29	аще ли ни, вѣдомо да будетъ тебѣ, царю, яко богомъ тво­имъ не служимъ и тѣлу златому, еже поставилъ еси, не кланя­емся.
3:19	Тогда навуходоносоръ исполнися ярости, и зракъ лица его измѣнися на седраха, Мисаха и Авденаго, и рече: разжжите пещь седмерицею, дондеже до конца разгорит­ся.
3:20	И мужемъ сильнымъ крѣпостiю рече: оковав­ше седраха, Мисаха и Авденаго, вверзите въ пещь огнемъ горящую.
3:21	Тогда мужiе онiи оковани быша съ гащами сво­ими и покрывалы, и сапогми и со одеждами сво­ими, и ввержени быша посредѣ пещи огнемъ горящiя.
3:22	Понеже глаголъ царевъ превоз­може, и пещь разжжена бысть преизлишше: и мужей оныхъ, иже ввергоша седраха, Мисаха и Авденаго, уби пламень огнен­ный.
3:23	И мужiе тіи трiе, седрахъ, Мисахъ и Авденаго, падоша посредѣ пещи огнемъ горящiя оковани,
3:24	и хождаху посредѣ пламене поюще Бога и благословяще Господа.
3:25	И ставъ съ ними азарiа помолися сице и от­верзъ уста своя посредѣ огня рече:
3:26	благословенъ еси, Господи, Боже отецъ нашихъ, хвально и прославлено имя твое во вѣки,
3:27	яко праведенъ еси о всѣхъ, яже сотворилъ еси намъ, и вся дѣла твоя истин­на, и прави путiе тво­и, и вси суди тво­и истин­ни:
3:28	и судьбы истин­ны сотворилъ еси по всѣмъ, яже навелъ еси на ны и на градъ святый отецъ нашихъ Иерусалимъ: яко истиною и судомъ навелъ еси сiя вся на ны грѣхъ ради нашихъ.
3:29	Яко согрѣшихомъ и беззакон­новахомъ от­ступив­ше от­ тебе, и прегрѣшихомъ во всѣхъ,
3:30	и заповѣдiй тво­ихъ не послушахомъ, ниже соблюдохомъ, ниже сотворихомъ, якоже заповѣдалъ еси намъ, да благо намъ будетъ.
3:31	И вся, елика сотворилъ еси намъ, и вся, елика навелъ еси на ны, истин­нымъ судомъ сотворилъ еси,
3:32	и предалъ еси насъ въ руки враговъ беззакон­ныхъ, мерзкихъ от­ступниковъ, и царю неправедну и лукавнѣйшу паче всея земли.
3:33	И нынѣ нѣсть намъ от­верзти устъ: студъ и поношенiе быхомъ рабомъ тво­имъ и чтущымъ тя.
3:34	Не предаждь убо насъ до конца имене тво­его ради, и не разори завѣта тво­его,
3:35	и не от­стави милости тво­ея от­, насъ, Авраама ради воз­люблен­наго от­ тебе, и за Исаака раба тво­его и Израиля святаго тво­его,
3:36	имже глаголалъ еси умножити сѣмя ихъ, яко звѣзды небесныя и яко песокъ вскрай моря.
3:37	Яко, Владыко, умалихомся паче всѣхъ языкъ, и есмы смирени по всей земли днесь грѣхъ ради нашихъ,
3:38	и нѣсть во время сiе князя и пророка и вожда, ниже всесожженiя, ниже жертвы, ниже при­­ношенiя, ниже кадила ни мѣста, еже пожрети предъ тобою
3:39	и обрѣсти милость: но душею сокрушен­ною и духомъ смирен­нымъ да прiяти будемъ.
3:40	Яко во всесожженiихъ овнихъ и юнчихъ и яко во тмахъ агнецъ тучныхъ, тако да будетъ жертва наша предъ тобою днесь, и да совершит­ся по тебѣ, яко нѣсть студа уповающымъ на тя.
3:41	И нынѣ воз­слѣдуемъ всѣмъ сердцемъ и бо­имся тебе и ищемъ лица тво­его:
3:42	не посрами насъ, но сотвори съ нами по кротости тво­ей и по множе­ст­ву милости тво­ея,
3:43	и изми насъ по чудесемъ тво­имъ, и даждь славу имени тво­ему, Господи.
3:44	И да посрамят­ся вси являющiи рабомъ тво­имъ злая, и да постыдят­ся от­ всякiя силы, и крѣпость ихъ да сокрушит­ся,
3:45	и да разумѣютъ, яко ты еси Господь Богъ единъ и славенъ по всей вселен­нѣй.
3:46	И не престаша ввергшiи ихъ слуги царевы, жгуще пещь нафѳою и смолою, и изгребьими и хврастiемъ:
3:47	и разливащеся пламень надъ пещiю на лактiй четыредесять девять,
3:48	и обыде и пожже, ихже обрѣте окрестъ пещи Халдейскiя.
3:49	Ангелъ же Господень сниде купно съ сущими со азарiею въ пещь
3:50	и от­трясе пламень огнен­ный от­ пещи и сотвори среднее пещи яко духъ росы шумящь: и не при­­коснуся ихъ от­нюдъ огнь и не оскорби, ниже стужи имъ.
3:51	Тогда тіи трiе яко едиными усты пояху и благословляху и славляху Бога въ пещи, глаголюще:
3:52	благословенъ еси, Господи, Боже отецъ нашихъ, и препѣтый и превоз­носимый во вѣки, и благословено имя славы тво­ея святое, и препѣтое и превоз­носимое во вѣки.
3:53	Благословенъ еси во храмѣ святыя славы тво­ея, и препѣтый и превоз­носимый во вѣки.
3:54	Благословенъ еси, видяй бездны, сѣдяй на херувимѣхъ, и препѣтый и првоз­носимый во вѣки.
3:55	Благословенъ еси на престолѣ славы цар­ст­вiя тво­его, и препѣтый и превоз­носимый во вѣки.
3:56	Благословенъ еси на тверди небеснѣй, и препѣтый и превоз­носимый во вѣки.
3:57	Благословите, вся дѣла Господня, Господа, пойте и превоз­носите его во вѣки.
3:58	Благословите, ангели Господни, Господа, пойте и превоз­носите его во вѣки.
3:59	Благословите, небеса, Господа, пойте и превоз­носите его во вѣки.
3:60	Благословите, воды вся, яже превыше небесъ, Господа, пойте и превоз­носите его во вѣки.
3:61	Благословите, вся силы Господни, Господа, пойте и превоз­носите его во вѣки.
3:62	Благословите, солнце и луна, Господа, пойте и превоз­носите его во вѣки.
3:63	Благословите, звѣзды небесныя, Господа, пойте и превоз­носите его во вѣки.
3:64	Благословите, всякъ дождь и роса, Господа, пойте и превоз­носите его во вѣки.
3:65	Благословите, вси дуси, Господа, пойте и превоз­носите его во вѣки.
3:66	Благословите, огнь и варъ, Господа, пойте и превоз­носите его во вѣки.
3:67	Благословите, студь и зной, Господа, пойте и превоз­носите его во вѣки.
3:68	Благословите, росы и иней, Господа, пойте и превоз­носите его во вѣки.
3:69	Благословите, нощи и дніе, Господа, пойте и превоз­носите его во вѣки.
3:70	Благословите, свѣтъ и тма, Господа, пойте и превоз­носите его во вѣки.
3:71	Благословите, ледъ и мразъ, Господа, пойте и превоз­носите его во вѣки.
3:72	Благословите, сланы и снѣзи, Господа, пойте и превоз­носите его во вѣки.
3:73	Благословите, молнiя и облацы, Господа, пойте и превоз­носите его во вѣки.
3:74	Да благословитъ земля Господа, да по­етъ и превоз­носитъ его во вѣки.
3:75	Благословите, горы и холми, Господа, пойте и превоз­носите его во вѣки.
3:76	Благословите, вся прозябающая на земли, Господа, пойте и превоз­носите его во вѣки.
3:77	Благословите, источницы, Господа, пойте и превоз­носите его во вѣки.
3:78	Благословите, моря и рѣки, Господа, пойте и превоз­носите его во вѣки.
3:79	Благословите, кити и вся движущаяся въ водахъ, Господа, пойте и превоз­носите его во вѣки.
3:80	Благословите, вся птицы небесныя, Господа, пойте и превоз­носите его во вѣки.
3:81	Благословите, звѣрiе и вси скоти, Господа, пойте и превоз­носите его во вѣки.
3:82	Благословите, сынове человѣчестiи, Господа, пойте и превозносите его во вѣки.
3:83	Да благословитъ Израиль Господа, пойте и превоз­носите его во вѣки.
3:84	Благословите, иерее Господни, Господа, пойте и превоз­носите его во вѣки.
3:85	Благословите, раби Господни, Господа, пойте и превоз­носите его во вѣки.
3:86	Благословите, дуси и души праведныхъ, Господа, пойте и превоз­носите его во вѣки.
3:87	Благословите, преподобнiи и смирен­нiи сердцемъ, Господа, пойте и превоз­носите его во вѣки.
3:88	Благословите, Ананiа, азарiа и Мисаилъ, Господа, пойте и превоз­носите его во вѣки: яко изъятъ ны от­ ада и спасе ны от­ руки смерти, и избави ны от­ среды пещи и горяща пламене, и от­ среды огня избави ны.
3:89	Исповѣдайтеся Господеви, яко благъ, яко въ вѣкъ милость его.
3:90	Благословите, вси чтущiи Господа, Бога боговъ, пойте и исповѣдайтеся, яко во вѣкъ милость его.
3:91	Навуходоносоръ же слыша поющихъ ихъ, и почудися, и воста со тщанiемъ, и рече вельможамъ сво­имъ: не трiехъ ли мужей ввергохомъ средѣ огня связаныхъ? И рѣша цареви: во­истин­ну, царю.
3:92 См.: 🔗Дан. 7:13 🔗Мф. 27:54	И рече царь: се, азъ вижду мужы четыри разрѣшены и ходящя средѣ огня, и истлѣнiя нѣсть въ нихъ, и зракъ четвертаго подобенъ Сыну Божiю.
3:93 См.: 🔗Дан. 6:20	Тогда прiиде навуходоносоръ ко устiю пещи огнемъ разжжен­ныя и рече: седрахъ, Мисахъ, Авденаго, раби Бога вышняго, изыдите и прiидите. И изыдоша седрахъ, Мисахъ, Авденаго от­ среды огня.
3:94 См.: 🔗Ис. 43:2 🔗Евр. 11:34	И собрашася князи и во­еводы, и мѣстоначалницы и вельможи царевы, и видяху мужей, яко не одолѣ огнь тѣлесемъ ихъ и власа главы ихъ не опали, и ризы ихъ не измѣнишася, и вони огнен­ны не бяше въ нихъ.
3:95 См.: 🔗Пс. 33:8 🔗Пс. 90:11 🔗Дан. 6:22	И поклонися предъ ними царь Богу, и от­вѣща навуходоносоръ царь и рече: благословенъ Богъ седраховъ, Мисаховъ и Авденаго, иже посла ангела сво­его и изъя отроки своя, яко уповаша на него: и слово царево премѣниша, и предаша тѣлеса своя во огнь, яко да не послужатъ, ни поклонят­ся всякому богу иному, но точiю Богу сво­ему:
3:96 См.: 🔗1Езд. 6:11 🔗Иер. 10:10 🔗Дан. 6:27	и азъ заповѣдаю заповѣдь: вси людiе, племя, языкъ, аще речетъ хулу на Бога седрахова и Мисахова и Авденаго, въ пагубу будутъ, и домове ихъ въ разграбленiе: понеже нѣсть Бога другаго, иже воз­можетъ избавити сице.
3:97	Тогда царь постави седраха, Мисаха и Авденаго во странѣ Вавилонстѣй, и воз­величи ихъ, и сподоби ихъ старѣйшин­ства Иудеевъ всѣхъ сущихъ во цар­ст­вѣ его.
3:98	Навуходоносоръ царь всѣмъ людемъ, племеномъ и языкомъ сущымъ во всей земли, миръ вамъ да умножит­ся.
3:99	Знаменiя и чудеса, яже сотвори со мною Богъ вышнiй, угодно бысть предо мною воз­вѣстити вамъ,
3:100 См.: 🔗Дан. 7:14	коль великая и крѣпкая: цар­ст­во его цар­ст­во вѣчное, и власть его въ роды и роды.