Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 2 | |
2:1 | Взыде вдыхаяй въ лице твое, отъемляй от оскорбленiя: усмотри путь, укрѣпи чресла, возмужай крѣпостiю зѣло: |
2:2 См.: 🔗Иер. 49:9 | понеже отврати Господь укоризну Иаковлю, якоже укоризну Израилеву: зане отрясающiи отрясоша я и лозы ихъ растлиша. |
2:3 | Оружiя силы ихъ от человѣкъ, мужы сильныя играющыя во огни: брозды колесницъ ихъ въ день уготованiя его, и конницы возмятутся на путехъ, |
2:4 | и смятутся колесницы и сплетутся на стогнахъ: видъ ихъ яко свѣщы огненны, и яко молнiя протекающая. |
2:5 | И помянутся старѣйшины ихъ, и побѣгнутъ въ день, и изнемогутъ въ пути своемъ, и потщатся на забрала его, и уготовятъ преднiя стражбы своя. |
2:6 | Врата градная отверзошася, и царства падоша, и имѣнiе открыся. |
2:7 См.: 🔗Ис. 38:14 | Сiя же восхождаше, и рабыни ея ведяхуся, яко голубицы воркующя въ сердцахъ своихъ: |
2:8 | и Ниневіа, аки купѣль водная воды ея, и тіи бѣжаще не сташа, и не бѣ взирающаго. |
2:9 | Расхищаху сребро, расхищаху злато, и не бяше конца имѣнiя ея: отяготишася паче всѣхъ сосудовъ вожделѣнная ея. |
2:10 См.: 🔗Ис. 13:7 | Истрясенiе и вострясенiе, и воскипѣнiе и сердца сокрушенiе, и разслабленiе колѣнъ и болѣзни по всѣмъ чресломъ, и лице всѣхъ, аки опаленiе котла. |
2:11 См.: 🔗Иез. 19:2 | Гдѣ есть виталище львовъ и пажить сущая львичищемъ? камо иде левъ, еже влѣзти тамо львичищу, и не бяше устрашающаго. |
2:12 | Левъ восхити доволная львичищемъ своимъ и удави львицамъ своимъ, и наполни ловитвы гнѣздо свое и виталище свое похищенiя. |
2:13 См.: 🔗Наум. 3:5 | Се, азъ на тя, глаголетъ Господь Вседержитель, и пожгу дымомъ множество твое, и львы твоя поястъ оружiе: и потреблю от земли ловитву твою, и не услышатся ктому дѣла твоя. |