Книга Премудрости Иисуса, сына Сирахова, глава 24 неканонич.

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 24
24:1 См.: 🔗Втор. 4:6 🔗1Кор. 1:24 🔗Иак. 3:17	Премудрость похвалитъ душу свою и посредѣ людій сво­ихъ восхвалит­ся.
24:2	Въ церкви вышняго от­верзетъ уста своя и прямо силѣ его восхвалит­ся:
24:3 См.: 🔗Евр. 1:3	азъ изъ устъ вышняго изыдохъ и яко мгла покрыхъ землю,
24:4	азъ на высокихъ вселихся, и престолъ мой во столпѣ облачнѣ,
24:5 См.: 🔗Прем. 1:7 🔗Прем. 12:1	кругъ небесный обыдохъ едина и во глубинѣ бездны походихъ,
24:6	волну морскую и всю землю, и вся люди и языкъ стяжахъ,
24:7	со всѣми сими покоя взыскахъ, и во наслѣдiи чiемъ водворюся?
24:8	Тогда заповѣда ми создатель всѣхъ, и создавый мя препокои скинiю мою и рече:
24:9	во Иаковѣ вселися и во Израили наслѣд­ст­вуй.
24:10 См.: 🔗Прит. 8:22	Прежде вѣка изъ начала созда мя, и даже до вѣка не оскудѣю.
24:11	Во скинiи святѣй предъ нимъ послужихъ и тако въ Сiонѣ утвердихся:
24:12	во градѣ воз­люблен­нѣмъ такожде мя препокои, и во Иерусалимѣ власть моя:
24:13	и укоренихся въ людехъ прославлен­ныхъ, въ части Господни наслѣдiя его.
24:14	Яко кедръ воз­несохся въ Ливанѣ и яко кипарисъ на горахъ аермонскихъ,
24:15 См.: 🔗Втор. 34:3	яко финиксъ воз­высихся на брезѣхъ и яко садъ шипковый во иерихонѣ,
24:16	яко маслина благолѣпна на поли, и воз­несохся яко яворъ:
24:17	якоже корица и яко Аспалаѳъ ароматовъ дахъ воню, и яко смирна избран­на издахъ благо­уханiе,
24:18	яко халвани и ониксъ и стакти, и яко Ливаново куренiе во скинiи.
24:19	Азъ яко теревинѳъ распрострохъ вѣтвiя моя, и вѣтви моя вѣтви славы и благодати:
24:20 См.: 🔗Ин. 15:1	азъ яко виноградъ прорастихъ благодать, и цвѣти мо­и плодъ славы и богат­ст­ва.
24:21 См.: 🔗Ис. 55:1 🔗Прит. 9:5	Приступите ко мнѣ, желающiи мене, и от­ плодовъ мо­ихъ насытитеся:
24:22 См.: 🔗Пс. 18:11	память бо моя сладка паче меда, и наслѣдiе мое паче сота медвена.
24:23 См.: 🔗Ин. 4:14 🔗Ин. 7:37	Ядущiи мя еще взалчутъ, и пiющiи мя еще вжаждут­ся:
24:24 См.: 🔗Исх. 24:3	слушаяй мене не посрамит­ся и дѣла­ю­щiи у мене не согрѣшатъ.
24:25	Сiя вся книга завѣта Бога вышняго,
24:26	законъ, егоже заповѣда Моисей, наслѣдiе сонмомъ Иаковлимъ:
24:27 См.: 🔗Быт. 2:11	насыщая яко Фисонъ премудростiю и яко Тигръ во дни новоплодiй,
24:28 См.: 🔗Нав. 3:15	исполняяй яко Евфратъ разума и якоже Иорданъ во днехъ жатвы,
24:29 См.: 🔗Ам. 8:8	являяй яко свѣтъ наказанiе и якоже гионъ во дни объиманiя вина.
24:30 См.: 🔗1Кор. 13:9	Не сконча первый уразумѣти ея, такожде и послѣднiй не изслѣди ея:
24:31 См.: 🔗Рим. 11:33	ибо паче моря умножися размышленiе ея, и совѣтъ ея паче бездны велiя.
24:32	И азъ яко раскопанiе изъ рѣки и якоже водотечiе изыдохъ въ рай.
24:33	Рѣхъ: напою мой вертоградъ и упою себѣ лугъ:
24:34 См.: 🔗Флп. 1:9	и се, раскопанiе ми бысть рѣкою, и рѣка моя бысть моремъ.
24:35 См.: 🔗Пс. 18:9 🔗Ис. 60:1	Понеже наказанiе яко утро просвѣщу и проявлю е даже до далече:
24:36 См.: 🔗Авв. 2:3	еще ученiе якоже пророче­с­т­во излiю и оставлю е въ роды вѣчны.
24:37	Видите, яко не себѣ единому трудихся, но всѣмъ ищущымъ ея.