Книга Иисуса Навина, глава 23

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 23
23:1 См.: 🔗Нав. 21:44 🔗Нав. 22:4	И бысть по днехъ мнозѣхъ, егда упокои Господь Богъ Израиля от­ всѣхъ враговъ его иже окрестъ, и иисусъ состарѣся прошедъ дни.
23:2 См.: 🔗Нав. 24:1	И созва иисусъ вся сыны Израилевы и старѣйшины ихъ, и князи ихъ и судiи ихъ и книгочiя ихъ, и рече къ нимъ: азъ состарѣхся и про­идохъ дни:
23:3 См.: 🔗Втор. 9:5	вы же видѣсте вся, елика сотвори Господь Богъ вашъ всѣмъ языкомъ симъ от­ лица ва­шего, зане Господь Богъ нашъ спобор­ст­вовавый намъ:
23:4	видите, яко низвергохъ вамъ языки остав­шыяся вамъ сiя во жребiихъ племеномъ вашымъ, от­ Иордана вся языки потребихъ, и от­ моря великаго, еже опредѣлитъ на западъ солнца:
23:5 См.: 🔗Исх. 14:14 🔗Втор. 6:19	Господь же Богъ вашъ самъ потребитъ ихъ от­ лица ва­шего, дондеже погибнутъ, и послетъ на ня звѣри дивiя, дондеже потребитъ ихъ и цари ихъ от­ лица ва­шего, и наслѣдите землю ихъ, якоже глагола вамъ Господь Богъ вашъ:
23:6 См.: 🔗Втор. 5:32	укрѣпитеся убо зѣло хранити и творити вся написан­ная въ книгахъ закона Моисеова, да не уклонитеся от­ него на десно или на лѣво:
23:7 См.: 🔗Исх. 23:13 🔗Пс. 15:4 🔗Иер. 5:7	яко да не внидете во языки остав­шыяся сiя, и имена боговъ ихъ да не воз­ъименуют­ся въ васъ, ниже да кленетеся ими, ниже да послужите имъ, ниже поклонитеся имъ:
23:8	но токмо Господу Богу ва­шему при­­лѣпитеся, якоже твористе до сего дне:
23:9 См.: 🔗Лев. 26:7	и потреби Господь от­ лица ва­шего языки велики и сильны, и никто противоста вамъ до сего дне:
23:10 См.: 🔗Лев. 26:8 🔗Суд. 3:31	единъ от­ васъ прогна тысящы, яко Господь Богъ вашъ спобор­ст­воваше вамъ, якоже глагола вамъ:
23:11 См.: 🔗Втор. 4:15	и сохраните зѣло любити Господа Бога ва­шего:
23:12 См.: 🔗Втор. 7:3 🔗Неем. 10:30	аще бо от­вратитеся и при­­ложитеся ко остав­шымся языкомъ симъ, иже съ вами, и браки сотворите съ ними, и смѣситеся съ ними, и они съ вами,
23:13 См.: 🔗Суд. 2:3 🔗Чис. 33:55 🔗Втор. 7:4	вѣдѣнiемъ увѣдите, яко не при­­ложитъ Господь потребити языки сiя от­ лица ва­шего: и будутъ вамъ въ сѣти и въ соблазны, и въ гвоздiя въ пятахъ вашихъ и въ стрѣлы во очесѣхъ вашихъ, дондеже погибнете от­ земли благія сея, юже даде вамъ Господь Богъ вашъ:
23:14 См.: 🔗3Цар. 2:2 🔗Нав. 21:45 🔗1Цар. 3:19	азъ же днесь от­хожду въ путь, якоже и вси иже на земли: и познаете всѣмъ сердцемъ вашимъ и душею ва­шею, яко ни едино слово от­паде от­ всѣхъ словесъ благихъ, яже рече Господь Богъ вашъ къ вамъ: вся при­­ходятъ вамъ, и не разн­ствова от­ нихъ ни едино слово:
23:15	и будетъ, имже образомъ при­­ходятъ на васъ вся словеса добрая, яже глагола Господь Богъ къ вамъ, тако наведетъ Господь на вы вся словеса злая, дондеже потребитъ вы от­ земли благія сея, юже даде вамъ Господь Богъ вашъ:
23:16 См.: 🔗Лев. 26:14 🔗3Цар. 9:6	внегда преступите завѣтъ Господа Бога ва­шего, егоже заповѣда вамъ, и шедше послужите богомъ инымъ и поклонитеся имъ: и разгнѣвает­ся яростiю Господь на вы, и погибнете скоро от­ земли благія, юже даде Господь вамъ.