Послание апостола Иакова, глава 1

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 1
1:1	[Зач. 50Б.] Иаковъ, Богу и Господу Иисусу Христу рабъ, обѣма­на­де­ся­те колѣнома, иже въ разсѣянiи, радоватися.
1:2 См.: 🔗Деян. 5:41 🔗1Кор. 10:13	Всяку радость имѣйте, братiе моя, егда во искушенiя впадаете различна,
1:3 См.: 🔗1Пет. 1:7 🔗Рим. 5:3	вѣдяще, яко искушенiе ва­шея вѣры содѣловаетъ терпѣнiе:
1:4	терпѣнiе же дѣло совершен­но да имать, яко да будете совершен­ни и всецѣли, ни въ чемже лишени.
1:5 См.: 🔗3Цар. 3:12 🔗Прит. 2:6 🔗Дан. 2:21	Аще же кто от­ васъ лишенъ есть премудрости, да проситъ от­ дающаго Бога всѣмъ нелицепрiемнѣ и не поношающаго, и даст­ся ему.
1:6 См.: 🔗Мф. 7:7 🔗Мк. 11:24 🔗Лк. 11:9 🔗Ин. 14:13 🔗Ин. 16:23	Да проситъ же вѣрою, ничтоже сумняся: сумняйся бо уподобися волненiю морскому, вѣтры воз­метаему и развѣваему.
1:7	Да не мнитъ бо человѣкъ онъ, яко прiиметъ что от­ Бога.
1:8	Мужъ дво­едушенъ неустро­енъ во всѣхъ путехъ сво­ихъ.
1:9	Да хвалит­ся же братъ смирен­ный въ высотѣ сво­ей,
1:10 См.: 🔗Иов. 14:2 🔗Пс. 89:6 🔗Пс. 102:15 🔗Сир. 14:18 🔗Ис. 40:6 🔗1Пет. 1:24	богатый же во смиренiи сво­емъ, зане якоже цвѣтъ травный мимо­идетъ:
1:11	воз­сiя бо солнце со зно­емъ, и изсуши траву, и цвѣтъ ея от­паде, и благолѣпiе лица ея погибе: сице и богатый въ хожденiи сво­емъ увядаетъ.
1:12 См.: 🔗Иов. 5:17 🔗Прит. 3:11 🔗2Тим. 4:8 🔗Евр. 12:5	Блаженъ мужъ, иже претерпитъ искушенiе: зане искусенъ бывъ, прiиметъ вѣнецъ жизни, егоже обѣща Богъ любящымъ Его.
1:13 См.: 🔗Лк. 11:4	Никтоже искушаемь да глаголетъ, яко от­ Бога искушаемь есмь: Богъ бо нѣсть искуситель злымъ {искушаемь злыми}, не искушаетъ же Той никогоже,
1:14	кійждо же искушает­ся, от­ сво­ея похоти влекомь и прельщаемь:
1:15 См.: 🔗Рим. 6:21	таже похоть заченши раждаетъ грѣхъ, грѣхъ же содѣянъ раждаетъ смерть.
1:16	Не льститеся, братiе моя воз­люблен­ная:
1:17 См.: 🔗Чис. 23:19 🔗Ис. 46:10 🔗Мал. 3:6 🔗Ин. 3:27	всяко даянiе благо и всякъ даръ совершенъ свыше есть, сходяй от­ Отца свѣтовъ, у Негоже нѣсть премѣненiе, или преложенiя стѣнь.
1:18 См.: 🔗Ин. 1:13 🔗1Пет. 1:23 🔗Евр. 12:23	Восхотѣвъ бо породи насъ словомъ истины, во еже быти намъ начатокъ нѣкiй созданиемъ Его.
1:19 См.: 🔗Прит. 17:27 🔗Еккл. 5:1 🔗Еккл. 7:9 🔗Сир. 5:13	[Зач. 51Б.] Тѣмже, братiе моя воз­люблен­ная, да будетъ всякъ человѣкъ скоръ услышати [и] косенъ глаголати, косенъ во гнѣвъ,
1:20	гнѣвъ бо мужа, правды Божiя не содѣловаетъ.
1:21 См.: 🔗Рим. 1:16 🔗Еф. 4:22	Сего ради от­ложше всяку скверну и избытокъ злобы, въ кротости прiимите всажден­ное слово, могущее спасти душы вашя.
1:22 См.: 🔗Мф. 7:21 🔗Лк. 11:28 🔗Рим. 2:13	Бывайте же творцы слова, а не точiю слышатели, прельщающе себе самѣхъ.
1:23	Зане аще кто есть слышатель слова, а не творецъ, таковый уподобися мужу смотряющу лице бытiя сво­его въ зерцалѣ:
1:24	усмотри бо себе и отъиде, и абiе забы, каковъ бѣ.
1:25 См.: 🔗Ин. 13:17 🔗2Кор. 3:18	Приникiй же въ законъ совершенъ свободы, и пребывъ, сей не слышатель забытливъ бывъ, но творецъ дѣла, сей блаженъ въ дѣланiи сво­емъ будетъ.
1:26 См.: 🔗Пс. 33:14 🔗Пс. 38:2 🔗1Пет. 3:10	Аще кто мнит­ся вѣренъ быти въ васъ, и не обуздоваетъ языка сво­его, но льститъ сердце свое, сего суетна [есть] вѣра.
1:27 См.: 🔗Ис. 1:16 🔗Иак. 2:17	Вѣра бо чиста и нескверна предъ Богомъ и Отцемъ сiя есть, еже посѣщати сирыхъ и вдовицъ въ скорбѣхъ ихъ, [и] нескверна себе блюсти от­ мiра.