Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 34 | |
34:1 См.: 🔗Ис. 28:23 | Приступите, языцы, и услышите, князи: да слышитъ земля и живущiи на ней, вселенная и людiе, иже на ней. |
34:2 См.: 🔗Иер. 25:33 | Зане ярость Господня на вся языки и гнѣвъ на число ихъ, еже погубити ихъ и предати я на закланiе. |
34:3 См.: 🔗Иез. 39:17 🔗Отк. 19:18 | И язвенiи ихъ повергнутся и мертвецы, и взыдетъ ихъ смрадъ, и намокнутъ горы кровiю ихъ: |
34:4 | и истаютъ вся силы небесныя, и свiется небо аки свитокъ, и вся звѣзды спадутъ яко листвiе съ лозы, и якоже спадаетъ листвiе смоковницы. |
34:5 См.: 🔗Иер. 46:10 🔗Ис. 63:1 | Упися мечь мой на небеси: се, на Идумею снидетъ и на люди пагубныя съ судомъ. |
34:6 См.: 🔗Соф. 1:7 | Мечь Господень наполнися крове, растолстѣ тукомъ, от крове козловъ и агнцевъ и от тука козловъ и овновъ: яко жертва Господеви въ Восорѣ, и закланiе велiе во Идумеи. |
34:7 См.: 🔗Пс. 21:22 🔗Ам. 4:1 | И падутъ съ ними сильнiи, и овны и юнцы, и упiется земля от крове и от тука ихъ насытится: |
34:8 См.: 🔗Ис. 63:4 | день бо суда Господня, и лѣто воздаянiя суда Сiоня. |
34:9 | И обратятся дебри его въ смолу, и земля его въ жупелъ, |
34:10 | и будетъ земля его горящи яко смола днемъ и нощiю, и не угаснетъ въ вѣчное время, и взыдетъ дымъ ея высоцѣ, въ роды своя опустѣетъ. |
34:11 См.: 🔗Соф. 2:14 🔗Отк. 18:2 | И во время много птицы и ежеве, совы и вранове возгнѣздятся въ немъ: и возложатъ нань уже землемѣрно пустыни, и онокентаври вселятся въ немъ. |
34:12 | Князи его не будутъ: царiе бо и вельможи его будутъ въ пагубу. |
34:13 | И возникнутъ во градѣхъ ихъ терновая древеса и во твердынехъ его, и будутъ селенiя Сириномъ селища струѳiономъ: |
34:14 См.: 🔗Отк. 18:2 | и срящутся бѣси со онокентавры и возопiютъ другъ ко другу, ту почіютъ онокентаври, обрѣтше себѣ покоища: |
34:15 | тамо возгнѣздится ежь, и сохранитъ земля дѣти его со утвержденiемъ: тамо елени срѣтошася и увидѣша лица другъ друга. |
34:16 | Числомъ преидоша, и единъ от нихъ не погибе, другъ друга не взыска, яко Господь заповѣда имъ, и Духъ его собра я. |
34:17 См.: 🔗Пс. 36:9 | И той вержетъ имъ жребiя, и рука его раздѣли пастися: въ вѣчное время наслѣдите, въ роды родовъ почіютъ въ немъ. |