Псалтирь, псалом 25

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 25
25:1	Псаломъ Давиду.
25:2	Суди ми, Господи, яко азъ незлобою мо­ею ходихъ: и на Господа уповая не изнемогу.
25:3 См.: 🔗Пс. 7:10	Искуси мя, Господи, и испытай мя, разжжи утробы моя и сердце мое.
25:4	Яко милость Твоя предъ очима мо­има есть, и благо­угодихъ во истинѣ Тво­ей.
25:5 См.: 🔗Иов. 31:5	Не сѣдохъ съ сонмомъ суетнымъ, и со законопреступными не вниду.
25:6 См.: 🔗Пс. 118:128	Возненавидѣхъ церковь лукавну­ю­щихъ, и съ нечестивыми не сяду.
25:7 См.: 🔗Втор. 21:6 🔗Пс. 22:6 🔗Пс. 41:3	Умыю въ неповин­ныхъ руцѣ мо­и, и обыду жертвен­никъ Твой, Господи,
25:8	еже услышати ми гласъ хвалы Тво­ея и повѣдати вся чудеса Твоя.
25:9 См.: 🔗Лк. 2:37 🔗Пс. 26:4	Господи, воз­любихъ благолѣпiе дому Тво­его и мѣсто селенiя славы Тво­ея.
25:10	Да не погубиши съ нечестивыми душу мою и съ мужи кровей животъ мой,
25:11	ихже въ руку беззаконiя, десница ихъ исполнися мзды.
25:12	Азъ же незлобою мо­ею ходихъ: избави мя, Господи, и помилуй мя.
25:13 См.: 🔗Пс. 21:23	Нога моя ста на правотѣ: въ церквахъ благословлю Тя, Господи.