Книга пророка Иеремии, глава 32

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 32
32:1	Слово быв­шее от­ Господа ко иереміи въ десятое лѣто седекіи, царя Иудина, то лѣто осмо­е­на­де­сять навуходоносору царю Вавилонску.
32:2 См.: 🔗Иер. 33:1	И тогда сила царя Вавилонска острогъ обложи окрестъ Иерусалима, иереміа же стрегомь бяше во дворѣ темничнѣмъ, иже есть во дворѣ царя Иудина,
32:3 См.: 🔗Иер. 21:7 🔗Иер. 27:6	въ нейже заключи его седекіа царь, глаголя: почто ты прорицаеши, глаголя: тако рече Господь: се, азъ даю сей градъ въ руцѣ царя Вавилонска, и возметъ его,
32:4 См.: 🔗Иер. 34:3	и седекіа царь Иудинъ не спасет­ся от­ руки Халдейски, яко преданiемъ предаст­ся въ руцѣ царя Вавилонска, и соглаголетъ усты сво­ими ко устомъ его, и очи его очи его узрятъ,
32:5 См.: 🔗Иез. 17:12 🔗Иер. 52:11 🔗Ис. 24:19	и въ Вавилонъ внидетъ седекіа и ту будетъ, дондеже посѣщу его, глаголетъ Господь: аще же во­евати будете на халдеи, ничесоже успѣете?
32:6	И рече иереміа: бысть слово Господне ко мнѣ глаголя:
32:7 См.: 🔗Мф. 27:9 🔗Лев. 25:25	се, Анамеилъ, сынъ Саломль, брата отца тво­его, идетъ къ тебѣ, глаголя: при­­купи себѣ село мое, еже во Анаѳоѳѣ, яко тебѣ судъ ужиче­ст­ва прiяти во при­­тяжанiе.
32:8 См.: 🔗Иер. 1:1	И прiиде ко мнѣ Анамеилъ, сынъ Саломль, брата отца мо­его, по словеси Господню во дворъ темничный и рече ми: при­­купи себѣ село мое, еже во Анаѳоѳѣ въ земли Венiамини: яко тебѣ судъ при­­купити е, ты бо старѣй. И разумѣхъ, яко слово Господне есть,
32:9	и при­­купихъ село Анамеиле, сына брата отца мо­его, от­ Анаѳоѳа, и поставихъ ему седмь­на­де­сять Сикль сребра,
32:10	и вписахъ въ книгу и запечатахъ, и засвидѣтел­ст­вовахъ послухи и поставихъ сребро на вѣсахъ.
32:11	И взяхъ книгу купленiя прочтену и запечатану.
32:12 См.: 🔗Иер. 36:4	И дахъ книгу купленiя Варухови сыну ниріину, сына маассеова, предъ очима Анамеила сына брата отца мо­его, и предъ очима стоящихъ послухъ и вписав­шихъ въ книги купленiя, и предъ очима всѣхъ Иудеовъ, сѣдящихъ во дворѣ темничнѣмъ.
32:13	И завѣщахъ Варуху предъ очима ихъ, глаголя:
32:14	тако рече Господь Вседержитель Богъ Израилевъ: воз­ми книгу сiю купленiя запечатлѣн­ну и книгу прочтеную и вложи ю въ сосудъ глинянъ, да пребудетъ дни множайшыя.
32:15 См.: 🔗Иер. 32:44	Яко тако рече Господь Вседержитель Богъ Израилевъ: еще при­­тяжут­ся храмины и села и винограды на сей земли.
32:16	И молихся ко Господеви по от­данiи книги при­­купленiя Варуху сыну ниріину, глаголя:
32:17 См.: 🔗Иер. 27:5 🔗Иер. 32:27	о, сый Господи Боже! ты сотворилъ еси небо и землю крѣпостiю тво­ею великою и мышцею тво­ею высокою, не утаит­ся от­ тебе ничтоже,
32:18 См.: 🔗Исх. 34:7 🔗Втор. 5:10	творяй милость въ тысящы и от­даяй грѣхи отчи въ нѣдра чадъ ихъ по нихъ: Богъ великiй и крѣпкiй,
32:19 См.: 🔗Пс. 61:13 🔗Прит. 24:12 🔗Иез. 33:20 🔗Мф. 16:27 🔗Рим. 2:6 🔗Иер. 16:17	Богъ велика совѣта и силенъ дѣлесы, Богъ великiй Вседержитель и велико­именитъ Господь: очи тво­и от­версты на вся пути сыновъ человѣческихъ, дати комуждо по пути его и по плоду начинанiй его:
32:20 См.: 🔗Исх. 4:6	иже сотворилъ еси знаменiя и чудеса во земли Египетстѣй, даже до сего дне и во Израили и въ людехъ, и сотворилъ еси имя себѣ, якоже день сей,
32:21 См.: 🔗Исх. 6:6 🔗2Цар. 7:23	и извелъ еси люди твоя Израиля изъ земли Египетскiя знаменiи и чудесы, рукою крѣпкою и мышцею высокою и видѣнiи великими,
32:22 См.: 🔗Быт. 12:7 🔗Исх. 13:5	и далъ еси имъ сiю землю, еюже клял­ся еси отцемъ ихъ, землю кипящую медомъ и млекомъ.
32:23	И внидоша и прiяша ю, и не послушаша гласа тво­его и въ заповѣдехъ тво­ихъ не ходиша: вся, яже заповѣдалъ еси имъ [творити], не сотвориша, и сотвориша, да сбудут­ся имъ вся злая сiя.
32:24	Се, народъ идетъ на сей градъ взяти его, и градъ преданъ есть въ руцѣ халдеевъ воюющихъ нань от­ лица меча и глада и мора. Якоже глаголалъ еси, тако и бысть: и се, ты зриши.
32:25	А ты ко мнѣ глаголеши: при­­тяжи себѣ село сребромъ: и вписахъ въ книгу, и запечатахъ, и засвидѣтел­ст­вовахъ послухи, градъ же предаст­ся въ руцѣ халдейстѣ.
32:26	И бысть слово Господне ко мнѣ глаголя:
32:27 См.: 🔗Чис. 16:22	азъ Господь Богъ всея плоти, еда от­ мене утаит­ся что?
32:28	Сего ради тако рече Господь Богъ Израилевъ: от­данъ предаст­ся сей градъ въ руцѣ царя Вавилонска, и возметъ его,
32:29 См.: 🔗Иер. 11:17	и прiидутъ халдее воюющiи на сей градъ, и пожгутъ его огнемъ, и храмины сожгутъ, въ нихже кадиша на кровѣхъ сво­ихъ Ваалу и воз­ливаша воз­лiянiя богомъ инѣмъ, ко еже разгнѣвати мя.
32:30 См.: 🔗Быт. 8:21	Понеже бѣша сынове Израилевы и сынове Иудины едини творяще зло предъ очима мо­има от­ юности сво­ея, сынове Израилевы подвизаютъ мя на гнѣвъ въ дѣлѣхъ рукъ сво­ихъ, рече Господь.
32:31	Яко на гнѣвъ мой и на ярость мою бѣ градъ сей, от­ негоже дне соградиша его и даже до сего дне, яко от­ставити его от­ лица мо­его,
32:32	злобы ради всякiя сыновъ Израилевыхъ и Иудиныхъ, яко сотвориша разгнѣвати мя тіи и царiе ихъ, и князи ихъ и вельможи ихъ, и жерцы ихъ и пророцы ихъ, мужiе Иудины и живущiи во Иерусалимѣ,
32:33 См.: 🔗Иер. 2:27 🔗Иер. 18:17	и обратиша хребетъ ко мнѣ, а не лице: и наказахъ я изъ утра, и не послушаша прiяти наказанiя,
32:34 См.: 🔗Втор. 12:11 🔗4Цар. 21:4 🔗2Пар. 33:4	и положиша оскверненiя своя въ дому, идѣже нарѣчеся имя мое, въ нечистотахъ сво­ихъ:
32:35 См.: 🔗Лев. 18:21 🔗4Цар. 21:6	и соградиша требища Ваалу, яже въ дебри сына ен­номля, еже воз­носити сыны своя и дщери своя молоху, ихже не заповѣдахъ имъ, и не взыде на сердце мое, еже сотворити мерзость сiю на согрѣшенiе Иудѣ.
32:36	И нынѣ тако рече Господь Богъ Израилевъ ко граду, о немже ты глаголеши: преданъ будетъ въ руцѣ царя Вавилонска мечемъ и гладомъ и моромъ.
32:37 См.: 🔗Втор. 30:3 🔗Иер. 12:14	Се, азъ соберу я от­ всея земли, идѣже разсѣяхъ я во гнѣвѣ мо­емъ и ярости мо­ей и въ преогорченiи велiемъ, и обращу я на сiе мѣсто, и посажду я во упованiи,
32:38 См.: 🔗Иер. 24:7	и будутъ ми въ люди, и азъ буду имъ въ Бога:
32:39 См.: 🔗Иез. 11:19 🔗Иез. 36:26	и дамъ имъ путь инъ и сердце ино, боятися мене вся дни, на благоту имъ и чадомъ ихъ по нихъ:
32:40 См.: 🔗Иер. 31:31 🔗Рим. 11:27	и завѣщаю имъ завѣтъ вѣчный, егоже не от­вращу послѣди ихъ, и страхъ мой дамъ въ сердце ихъ, ко еже не от­ступити имъ от­ мене:
32:41 См.: 🔗Втор. 30:9 🔗Иер. 24:6 🔗Быт. 9:15	и посѣщу еже ублажити я и насажду я въ сей земли съ вѣрою и со всѣмъ сердцемъ мо­имъ и со всею душею мо­ею.
32:42 См.: 🔗Иер. 31:28	Яко тако рече Господь: якоже наведохъ на люди сiя вся злая сiя великая, тако азъ наведу на нихъ вся благоты, яже азъ глаголахъ къ нимъ.
32:43 См.: 🔗Иер. 33:10	И воз­обладаютъ паки селы на земли, о нейже ты глаголеши: непроходна будетъ от­ человѣкъ и скота, и предашася въ руцѣ халдейстѣ.
32:44 См.: 🔗Иер. 17:26 🔗Иер. 29:14 🔗Иер. 30:3 🔗Иер. 31:23	И при­­тяжутъ села сребромъ: и впишеши въ книги, и запечатаеши, и опослушиши послухи въ земли Венiамини и окрестъ Иерусалима, и во градѣхъ Иудиныхъ и во градѣхъ горнихъ, и во градѣхъ польныхъ и во градѣхъ нагевъ {южныхъ}: яко воз­вращу преселенiя ихъ, глаголетъ Господь.