Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 8 | |
8:1 См.: 🔗1Кор. 13:4 | О идоложертвенныхъ же вѣмы: яко вси разумъ имамы. Разумъ [убо] кичитъ, а любы созидаетъ. |
8:2 См.: 🔗1Кор. 13:12 | Аще ли кто мнится вѣдѣти что, не у что разумѣ, якоже подобаетъ разумѣти: |
8:3 См.: 🔗2Тим. 2:19 | аще же кто любитъ Бога, сей познанъ бысть от Него. |
8:4 См.: 🔗Втор. 4:39 🔗1Тим. 2:5 | О яденiи же идоложертвенныхъ вѣмы, яко идолъ ничтоже есть въ мiрѣ, и яко никтоже Богъ инъ, токмо Единъ. |
8:5 См.: 🔗Втор. 10:17 | Аще бо и суть глаголемiи бози, или на небеси, или на земли: якоже суть бози мнози и господiе мнози: |
8:6 См.: 🔗Мал. 2:10 🔗Ин. 13:13 | но намъ единъ Богъ Отецъ, изъ Негоже вся, и мы у Него, и единъ Господь Иисусъ Христосъ, Имже вся, и мы Тѣмъ. |
8:7 См.: 🔗Рим. 14:23 | Но не во всѣхъ разумъ: нѣцыи же совѣстiю идолскою даже доселѣ якоже идоложертвенное ядятъ, и совѣсть ихъ, немощна сущи, сквернится. |
8:8 См.: 🔗Рим. 14:17 | [Зач. 140.] Брашно же насъ не поставляетъ предъ Богомъ: ниже бо аще ямы, избыточествуемъ: ниже аще не ямы, лишаемся. |
8:9 См.: 🔗Рим. 14:13 | Блюдите же, да не како власть ваша сiя преткновенiе будетъ немощнымъ. |
8:10 | Аще бо кто видитъ тя, имуща разумъ, въ требищи возлежаща, не совѣсть ли его немощна сущи созиждется идоложертвенная ясти? |
8:11 См.: 🔗Рим. 14:15 | И погибнетъ немощный братъ въ твоемъ разумѣ, егоже ради Христосъ умре. |
8:12 См.: 🔗Рим. 14:1 | Такожде согрѣшающе въ братiю и бiюще ихъ совѣсть немощну сущу, во Христа согрѣшаете. |
8:13 См.: 🔗Рим. 14:21 | Тѣмже аще брашно соблазняетъ брата моего, не имамъ ясти мяса во вѣки, да не соблазню брата моего. |