Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 2 | |
2:1 См.: 🔗Дан. 9:2 | И устави Господь слово свое, еже глагола на насъ и на судій нашихъ, судившихъ во Израили, и на цари нашя и на князи нашя, и на всякаго человѣка Израилева и Иудина, |
2:2 См.: 🔗Втор. 28:53 | навести на ны зло велiе, еже не сотворися подъ всѣмъ небесемъ, якоже сотворися во Иерусалимѣ, по писаннымъ въ законѣ Моисеовѣ, |
2:3 | еже ясти намъ плоть человѣческу сына своего и плоть человѣческу дщере своея. |
2:4 | И даде я подручны всѣмъ царствамъ, яже окрестъ насъ, на укоризну и въ непрохожденiе во всѣхъ людехъ, иже окрестъ насъ, аможе ихъ разсѣя Господь. |
2:5 | И быхомъ во исподи, а не въ верху, яко согрѣшихомъ Господеви Богу нашему, не слушающе гласа его. |
2:6 См.: 🔗Вар. 1:15 🔗Дан. 9:7 | Господеви Богу нашему правда, намъ же и отцемъ нашымъ стыдѣнiе лицъ, якоже день сей. |
2:7 | Яже глагола Господь на насъ вся злая, сiя прiидоша на ны, |
2:8 | зане не молихомся лицу Господню, еже отвратитися комуждо от мыслей сердца своего злаго. |
2:9 См.: 🔗Дан. 9:14 | И убудися Господь о злобахъ и наведе на насъ сiя, [яже постигоша ны,] яко праведенъ Господь во всѣхъ дѣлѣхъ своихъ, яже заповѣда намъ. |
2:10 См.: 🔗Лев. 26:14 | И не послушахомъ гласа его ходити въ повелѣнiихъ его, яже даде предъ лицемъ нашимъ. |
2:11 См.: 🔗Дан. 9:15 | И нынѣ, Господи Боже Израилевъ, иже извелъ еси люди твоя изъ земли Египетскiя рукою крѣпкою и мышцею высокою, знаменiи и чудесы и силою великою, и сотворилъ еси себѣ имя, якоже день сей, |
2:12 См.: 🔗Дан. 9:5 | согрѣшихомъ, нечествовахомъ, неправдовахомъ, Господи Боже нашъ, во всѣхъ оправданiихъ твоихъ. |
2:13 См.: 🔗Дан. 9:16 | Да отвратится убо от насъ ярость твоя, яко остася насъ мало во языцѣхъ, аможе разсѣялъ ны еси. |
2:14 | Услыши, Господи, молитву нашу и прошенiе наше, и избави насъ тебе ради, и даждь намъ благодать предъ лицемъ преселившихъ насъ: |
2:15 | да увѣсть вся земля, яко ты Господь Богъ нашъ, и яко имя твое призвася на Израили и на племени его. |
2:16 См.: 🔗Втор. 26:15 🔗Ис. 63:15 | Господи, призри изъ дому святаго твоего на насъ и вонми намъ, и приклони ухо твое и услыши насъ. |
2:17 | Отверзи, Господи, очи твои и виждь, яко не умершiи, иже во адѣ, ихже взяся духъ ихъ от утробъ ихъ, воздадятъ тебѣ славу и оправданiе Господеви: |
2:18 См.: 🔗Мф. 5:6 | но душа сѣтующая о величествѣ зла, иже ходитъ сляченъ и боляй, и очи оскудѣвающiи, и душа алчущая воздадятъ тебѣ славу и правду, Господи! |
2:19 См.: 🔗Дан. 9:18 | Яко не по оправданиемъ отецъ нашихъ, ни царей нашихъ [изливаемъ молитвы] мы, и предлагаемъ молитвы нашя предъ лицемъ твоимъ, Господи Боже нашъ! |
2:20 | Яко послалъ еси ярость твою и гнѣвъ твой на насъ, якоже глаголалъ еси рукою отрокъ твоихъ пророкъ, глаголя: |
2:21 См.: 🔗Иер. 27:12 | тако рече Господь: приклоните рамена ваша и послужите царю Вавилонскому, и сѣдите на земли, юже дахъ отцемъ вашымъ: |
2:22 См.: 🔗Иер. 38:2 | и аще не послушаете гласа Господня, еже работати царю Вавилонску, оскудѣнiе сотворю изъ градовъ Иудиныхъ и внѣуду Иерусалима, |
2:23 | и отиму [от васъ] гласъ веселiя и гласъ радованiя, гласъ жениха и гласъ невѣсты, и будетъ вся земля въ непрохожденiе от живущихъ. |
2:24 См.: 🔗Иер. 27:17 | И не послушахомъ гласа твоего служити царю Вавилонску: и уставилъ еси словеса твоя, яже глаголалъ еси рукою отрокъ твоихъ пророковъ, еже изнести кости царей нашихъ и кости отецъ нашихъ от мѣста ихъ. |
2:25 | И се, суть извержены зною дневному и студени нощнѣй, и изомроша болѣзньми злыми, гладомъ и мечемъ и затченiемъ. |
2:26 | И положилъ еси домъ твой, въ немже нарѣчеся имя твое, якоже день сей, злобы ради дому Израилева и дому Иудина. |
2:27 | И сотворилъ еси въ насъ, Господи Боже нашъ, по всей тихости твоей и по всѣмъ щедротамъ твоимъ великимъ, |
2:28 См.: 🔗Лев. 26:3 | якоже глаголалъ еси рукою раба твоего Моисеа въ день, въ оньже заповѣдалъ еси ему вписати законъ твой предъ сыны Израилевыми, глаголя: |
2:29 См.: 🔗Лев. 26:33 | аще не послушаете гласа моего, множество сiе великое и многое обратится въ малъ языкъ во языцѣхъ, аможе азъ разсѣю я: |
2:30 См.: 🔗Втор. 9:13 🔗Лев. 26:41 | разумѣхъ бо, яко не имутъ послушати мене, яко людiе жестоковыйни суть, и обратятся къ сердцу своему на земли преселенiя своего, |
2:31 См.: 🔗Втор. 30:6 | и увѣдятъ, яко азъ Господь Богъ ихъ: и дамъ имъ сердце, [и уразумѣютъ,] и ушы, и услышатъ, |
2:32 | и похвалятъ мя на земли преселенiя своего, и помянутъ имя мое, |
2:33 | и обратятся от хребта своего жестокаго и от злобъ своихъ, яко помянутъ путь отецъ своихъ согрѣшившихъ предъ Господемъ: |
2:34 | и возвращу я на землю, еюже кляхся отцемъ ихъ, Аврааму и Исааку и Иакову, и возобладаютъ ею: и умножу я, и не умалятся: |
2:35 См.: 🔗Иер. 32:38 | и уставлю имъ завѣтъ вѣченъ, еже быти мнѣ имъ въ Бога, и тіи будутъ мнѣ людiе: и не подвигну ктому людій моихъ Израиля и земли, юже дахъ имъ. |