Книга пророка Иезекииля, глава 36

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 36
36:1 См.: 🔗Иез. 6:2	И ты, сыне человѣчь, прорцы на горы Израилевы и рцы:
36:2 См.: 🔗Иез. 25:3 🔗Иез. 26:2 🔗Авд. 1:12	горы Израилевы, слышите слово Господне, сiя глаголетъ Адонаи Господь: понеже рече врагъ на вы: благоже, пустыня вѣчная во одержанiе намъ бысть:
36:3	того ради прорцы и рцы: тако глаголетъ Адонаи Господь: зане быти вамъ погубленымъ и безчестнымъ и воз­ненавидѣнымъ от­ языкъ окрестныхъ вамъ, еже быти вамъ во одержанiе прочымъ языкомъ, и взыдосте и бысте въ поношенiе устенъ и во укоризну странамъ:
36:4	сего ради, горы Израилевы, слышите слово Господне, сiя глаголетъ Адонаи Господь горамъ и холмомъ, и потокомъ и дебремъ, и полянамъ и опустошенымъ, и разоренымъ и градомъ оставленымъ, иже быша въ плѣненiе и въ попранiе остав­шымъ языкомъ окрестнымъ.
36:5	Того ради сiя глаголетъ Адонаи Господь: аще не во огни рвенiя мо­его глаголахъ на прочыя языки и на Идумею всю, яко даша землю мою себѣ во одержанiе со веселiемъ [от­ всего сердца], обезчестив­ше душы, еже потребити пово­еванiемъ:
36:6 См.: 🔗Иез. 39:25 🔗Иоил. 2:18	того ради прорцы на землю Израилеву и рцы горамъ и холмомъ, и полянамъ и дебремъ: сiя глаголетъ Адонаи Господь: се, азъ во рвенiи мо­емъ и въ ярости мо­ей глаголахъ, за укоризну, юже прiясте от­ языкъ.
36:7	Того ради сiя глаголетъ Адонаи Господь: се, азъ воз­двигну руку мою на языки, иже окрестъ васъ, тіи безчестiе свое прiимутъ.
36:8 См.: 🔗Иер. 31:4	Ва­ше же гроздiе и плодъ вашъ, горы Израилевы, поядятъ людiе мо­и, яко надѣют­ся прiити.
36:9 См.: 🔗Зах. 8:12 🔗Зах. 10:8	Яко се, азъ къ вамъ, и при­­зрю на вы, и воз­дѣлаете и насѣете:
36:10	и умножу въ васъ человѣки, весь домъ Израилевъ до конца, и населят­ся гради, и пустыни оградят­ся:
36:11 См.: 🔗Втор. 30:3	и умножу васъ людьми и скотомъ, и умножат­ся и воз­растутъ, и вселю васъ якоже прежде, и благо сотворю вамъ якоже быв­шымъ прежде васъ, и уразумѣете, яко азъ есмь Господь:
36:12	и нарожду въ васъ человѣки люди моя Израиля, и наслѣдятъ васъ, и будете имъ во одержанiе, и не при­­ложите ктому безчадни быти от­ нихъ.
36:13 См.: 🔗Лев. 26:38	Сiя глаголетъ Адонаи Господь: понеже глаголаша тебѣ: земля поядающая человѣки ты еси, и безчадная от­ языка, тво­его была еси:
36:14	того ради человѣковъ ктому не пояси и языка тво­его не обезчадиши ктому, глаголетъ Адонаи Господь.
36:15 См.: 🔗Ис. 25:8	И не услышит­ся въ васъ ктому безчестiе языковъ, и укоризны людій не прiимете ктому, и языкъ твой не будетъ безъ чадъ ктому, глаголетъ Адонаи Господь.
36:16	И бысть слово Господне ко мнѣ глаголя:
36:17 См.: 🔗Ис. 64:6	сыне человѣчь, домъ Израилевъ вселися на земли сво­ей, и оскверниша ю путемъ сво­имъ и кумiрми сво­ими и нечистотами сво­ими, и по нечистотѣ мѣсячная имущiя бысть путь ихъ предъ лицемъ мо­имъ:
36:18	и излiяхъ ярость мою на ня, крови ради, юже пролiяша на землю, и кумiрми сво­ими оскверниша ю,
36:19 См.: 🔗Иез. 20:23 🔗Иез. 22:15	и разсыпахъ я во языки и развѣяхъ я во страны: по пути ихъ по начинанiю ихъ судихъ имъ.
36:20 См.: 🔗Ис. 52:5 🔗Рим. 2:24	И внидоша во языки, въ няже внидоша тамо, и оскверниша имя мое святое, внегда глаголатися имъ: людiе Господни сіи и от­ земли сво­ея изыдоша.
36:21 См.: 🔗Чис. 14:15	И пощадихъ я имене ради мо­его святаго еже оскверниша домъ Израилевъ во языцѣхъ, аможе внидоша.
36:22 См.: 🔗Втор. 9:6 🔗Иез. 36:32	Того ради рцы дому Израилеву: сiя глаголетъ Адонаи Господь: не вамъ азъ творю, доме Израилевъ, но имене мо­его ради святаго, еже осквернисте во языцѣхъ, тамо аможе внидосте.
36:23 См.: 🔗Мф. 6:9 🔗Рим. 2:24 🔗Иез. 39:27	И освящу имя мое великое, осквернен­ное во языцѣхъ, еже осквернисте средѣ ихъ, и уразумѣютъ языцы, яко азъ есмь Господь, глаголетъ Адонаи Господь, внегда освящуся въ васъ предъ очима ихъ.
36:24	И воз­му вы от­ языкъ и соберу вы от­ всѣхъ земель, и введу вы въ землю вашу,
36:25 См.: 🔗Ис. 44:3 🔗Зах. 13:1	и воскроплю на вы воду чисту, и очиститеся от­ всѣхъ нечистотъ вашихъ и от­ всѣхъ кумiровъ вашихъ, и очищу васъ.
36:26 См.: 🔗Иер. 32:39 🔗Иез. 11:19 🔗Иоил. 2:28 🔗Деян. 2:17	И дамъ вамъ сердце ново и духъ новъ дамъ вамъ, и от­иму сердце камен­ное от­ плоти ва­шея и дамъ вамъ сердце плотяно, и Духъ мой дамъ въ васъ:
36:27 См.: 🔗Ис. 59:21	и сотворю, да въ заповѣдехъ мо­ихъ ходите, и суды моя сохраните и сотворите я.
36:28 См.: 🔗Иез. 11:20 🔗Иез. 37:23	И вселитеся на земли, юже дахъ отцемъ вашымъ, и будете ми въ люди, азъ же буду вамъ въ Бога.
36:29 См.: 🔗Пс. 31:2 🔗Ос. 2:21 🔗Зах. 9:17	И спасу вы от­ всѣхъ нечистотъ вашихъ [и очищу вы от­ грѣхъ вашихъ всѣхъ], и при­­зову пшеницу и умножу ю, и не дамъ на вы глада:
36:30	и распложу плодъ древесный и плоды селныя, яко да не прiимете ктому гладныя укоризны во языцѣхъ.
36:31 См.: 🔗Иез. 6:9 🔗Иез. 16:61	И помянете пути своя злыя и начинанiя ваша не благая, и воз­негодуете предъ лицемъ ихъ о беззаконiихъ вашихъ и о мерзостехъ вашихъ.
36:32 См.: 🔗Иез. 36:22	Не васъ ради азъ творю, доме Израилевъ, глаголетъ Адонаи Господь, вѣстно да будетъ вамъ, [доме Израилевъ:] постыдитеся и усрамитеся от­ путій вашихъ, доме Израилевъ.
36:33	Сiя глаголетъ Адонаи Господь: во оньже день очищу вы от­ всѣхъ беззаконiй вашихъ и населю грады, и соградят­ся пустыни,
36:34	и земля погибшая воз­дѣлает­ся вмѣсто того, яко погублена бысть предъ очима всякаго мимоходящаго:
36:35 См.: 🔗Ис. 51:3	и рекутъ: земля оная погибшая бысть яко вертоградъ сладости, и гради опустѣв­шiи и разорен­нiи и раскопан­нiи, забралы утвержден­ни сташа:
36:36 См.: 🔗Иез. 17:24	и уразумѣютъ языцы, елицы останут­ся окрестъ васъ, яко азъ Господь воз­градихъ разорен­ныя и насадихъ погублен­ныя: азъ Господь глаголахъ и сотворю.
36:37	Сiя глаголетъ Адонаи Господь: се, еще обрящуся дому Израилеву, еже сотворити имъ: умножу ихъ яко овцы, человѣки яко овцы святыя,
36:38 См.: 🔗Мих. 2:12	яко овцы Иерусалимли во праздникахъ его, тако будутъ гради опустѣв­шiи полни стадъ человѣческихъ: и уразумѣютъ, яко азъ Господь.