Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 3 | |
3:1 | Сыне, моихъ законовъ не забывай, глаголы же моя да соблюдаетъ твое сердце: |
3:2 См.: 🔗Втор. 8:1 🔗Втор. 30:16 | долготу бо житiя и лѣта жизни и миръ приложатъ тебѣ. |
3:3 | Милостыни и вѣра да не оскудѣваютъ тебѣ: обложи же я на твоей выи и напиши я на скрижали сердца твоего: и обрящеши благодать. |
3:4 См.: 🔗Рим. 12:17 | И промышляй добрая предъ Господемъ [Богомъ] и человѣки. |
3:5 См.: 🔗Иер. 9:23 🔗4Цар. 18:5 | Буди уповая всѣмъ сердцемъ на Бога, о твоей же премудрости не возносися: |
3:6 | во всѣхъ путехъ твоихъ познавай ю, да исправляетъ пути твоя. |
3:7 См.: 🔗Рим. 12:16 🔗Еккл. 7:17 | Не буди мудръ о себѣ: бойся же Бога и уклоняйся от всякаго зла: |
3:8 | тогда исцѣленiе будетъ тѣлу твоему и уврачеванiе костемъ твоимъ. |
3:9 | Чти Господа от праведныхъ твоихъ трудовъ и начатки давай ему от твоихъ плодовъ правды: |
3:10 | да исполнятся житницы твоя множествомъ пшеницы, вино же точила твоя да источаютъ. |
3:11 | Сыне, не пренебрегай наказанiя Господня, ниже ослабѣвай от него обличаемь: |
3:12 | егоже бо любитъ Господь, наказуетъ, бiетъ же всякаго сына, егоже прiемлетъ. |
3:13 | Блаженъ человѣкъ, иже обрѣте премудрость, и смертенъ, иже увѣдѣ разумъ. |
3:14 См.: 🔗Иов. 28:15 🔗Прит. 8:11 | Лучше бо сiю куповати, нежели злата и сребра сокровища: |
3:15 | честнѣйша же есть каменiй многоцѣнныхъ: не сопротивляется ей ничтоже лукаво, благознатна есть всѣмъ приближающымся ей: всяко же честное недостойно ея есть. |
3:16 См.: 🔗Прит. 4:10 🔗Прит. 9:11 | Долгота бо житiя и лѣта жизни въ десницѣ ея, въ шуйцѣ же ея богатство и слава:– |
3:17 | –от устъ ея исходитъ правда, законъ же и милость на языцѣ носитъ. |
3:18 | Путiе ея путiе добри, и вся стези ея мирны. |
3:19 См.: 🔗Прит. 11:30 🔗Прит. 15:4 | Древо живота есть всѣмъ держащымся ея, и воскланяющымся на ню, яко на Господа, тверда. |
3:20 См.: 🔗Пс. 32:6 | Богъ премудростiю основа землю, уготова же небеса разумомъ: |
3:21 | въ чувствѣ его бездны разверзошася, облацы же источиша росу. |
3:22 | Сыне, да не преминеши, соблюди же мой совѣтъ и мысль: |
3:23 | да жива будетъ душа твоя, и благодать будетъ на твоей выи:– |
3:24 | –[будетъ же исцѣленiе плотемъ твоимъ и уврачеванiе костемъ твоимъ:] |
3:25 См.: 🔗Пс. 36:24 | да ходиши надѣяся въ мирѣ во всѣхъ путехъ твоихъ, нога же твоя не поткнется. |
3:26 | Аще бо сядеши, безбоязненъ будеши, аще же поспиши, сладостно поспиши. |
3:27 См.: 🔗Пс. 111:7 | И не убоишися страха нашедшаго, ниже устремленiя нечестивыхъ находящаго: |
3:28 | Господь бо будетъ на всѣхъ путехъ твоихъ и утвердитъ ногу твою, да не поползнешися. |
3:29 См.: 🔗Сир. 4:2 | Не отрецыся благотворити требующему, егда имать рука твоя помогати. |
3:30 См.: 🔗1Пет. 4:10 🔗2Кор. 8:12 | Не рцы: отшедъ возвратися, и заутра дамъ, сильну ти сущу благотворити: не вѣси бо, что породитъ день находяй. |
3:31 | Не соплетай на друга твоего зла, пришелца суща и уповающа на тя. |
3:32 | Не враждуй на человѣка туне, да не что на тя содѣетъ злое. |
3:33 | Не стяжи злыхъ мужей поношенiя, ни возревнуй путемъ ихъ. |
3:34 | Нечистъ бо предъ Господемъ всякъ законопреступникъ и съ праведными не сочетавается. |
3:35 См.: 🔗Втор. 28:15 🔗Мал. 2:2 | Клятва Господня въ домѣхъ нечестивыхъ, дворы же праведныхъ благословляются. |
3:36 См.: 🔗Иак. 4:6 🔗1Пет. 5:5 | Господь гордымъ противится, смиреннымъ же даетъ благодать. |
3:37 | Славу премудрiи наслѣдятъ, нечестивiи же вознесоша безчестiе. |