Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 27 | |
27:1 | Еще же приложивъ иовъ, рече въ притчахъ: |
27:2 | живъ Господь, иже ми сице суди, и Вседержитель, иже огорчи ми душу: |
27:3 | дондеже еще дыханiе мое есть и Духъ Божiй сущiй въ ноздрехъ моихъ, |
27:4 См.: 🔗Пс. 14:2 | не возглаголютъ устнѣ мои беззаконiя, ниже душа моя поучится неправдѣ. |
27:5 | Не буди мнѣ правдивыми нарещи васъ, дондеже умру: не измѣню бо незлобiя моего. |
27:6 См.: 🔗1Кор. 4:4 | Правдѣ же внимая, не оставлю ея, не свѣмъ бо себе злыхъ содѣлавша. |
27:7 См.: 🔗Иов. 42:7 | Обаче же, дабы были врази мои, якоже низвращенiе нечестивыхъ, и востающiи на мя, якоже пагуба пребеззаконныхъ. |
27:8 См.: 🔗Иак. 4:3 | И кая бо есть надежда нечестивому, яко ожидаетъ? надѣяся на Господа спасется ли? |
27:9 | или мольбу его услышитъ Богъ? или нашедшей ему бѣдѣ, |
27:10 См.: 🔗Прит. 15:8 | еда имать кое дерзновенiе предъ нимъ? или яко призвавшу ему, услышитъ ли его? |
27:11 | Сего ради возвѣщу вамъ, что есть въ руцѣ Господни, и, еже есть у Вседержителя, не солжу. |
27:12 См.: 🔗Пс. 4:3 | Се, вси вѣсте, яко тщетная ко тщетнымъ прилагаете. |
27:13 См.: 🔗Иов. 20:29 | Сiя часть человѣка нечестиваго от Господа: и жребiй сильныхъ прiидетъ от Вседержителя на ня. |
27:14 См.: 🔗Втор. 28:41 🔗Иов. 20:10 | Аще мнози будутъ сынове ихъ, на заколенiе будутъ:аще же и возмужаютъ, нищы будутъ: |
27:15 См.: 🔗Пс. 77:63 | оставшiися же ему смертiю умрутъ, и вдовицъ ихъ никтоже помилуетъ. |
27:16 | Аще соберетъ якоже землю сребро, и якоже бренiе уготовитъ злато, |
27:17 См.: 🔗Пс. 48:11 | сiя вся праведнiи одержатъ, имѣнiя же его истиннiи возмутъ: |
27:18 | будетъ же домъ его яко молiе, и яко паучина, яже снабдѣ. |
27:19 См.: 🔗Пс. 48:18 | Богатый уснетъ и не приложитъ, очи свои отверзе, и нѣсть. |
27:20 См.: 🔗Иов. 15:20 🔗Иов. 18:11 | Обыдоша его якоже вода болѣзни, нощiю же ятъ его примракъ. |
27:21 См.: 🔗Иез. 17:10 | Возметъ же его варъ, и отъидетъ, и возвѣетъ его от мѣста его, |
27:22 | и вержетъ на него, и не пощадитъ, изъ руку его бѣжанiемъ побѣжитъ: |
27:23 | восплещетъ нань рукама своима и съ шумомъ возметъ его от мѣста своего. |