Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 41 | |
41:1 | И бысть въ седмый месяцъ, прiиде Исмаилъ сынъ наѳаніинъ сына Елисамова, от рода царева, и вельможи царевы десять мужей съ нимъ ко годоліи въ Массифаѳъ, и ядоша ту вкупѣ хлѣбъ. |
41:2 См.: 🔗4Цар. 25:25 | И воста Исмаилъ и десять мужей иже съ нимъ, и поразиша годолію мечемъ, и убиша, егоже постави царь Вавилонскiй надъ землею, |
41:3 | и всѣхъ Иудеевъ, иже бѣша съ нимъ въ Массифаѳѣ, и всѣхъ халдеевъ, иже обрѣтошася тамо, и мужей военныхъ изби Исмаилъ. |
41:4 | И бысть во вторый день по убiенiи годоліевѣ, и человѣкъ не увѣдѣ. |
41:5 См.: 🔗Лев. 19:27 🔗Втор. 14:1 | И прiидоша мужiе от Cихема и от Салима и от самаріи осмьдесятъ мужей, обритыми брадами и растерзаными ризами, плачущеся, и дары и ѳимiамъ въ руку ихъ, еже внести въ домъ Господень. |
41:6 | И изыде противу имъ Исмаилъ сынъ наѳаніевъ от Массифы: тіи же идяху и плакахуся: и егда срѣтеся съ ними, рече къ нимъ: внидите ко годоліи. |
41:7 См.: 🔗4Цар. 25:25 | И бысть, вшедшымъ имъ средѣ града, изсѣче я Исмаилъ у кладязя, той и мужiе, иже бѣша съ нимъ. |
41:8 | И обрѣтошася десять мужей ту и рѣша Исмаилу: не убій насъ, яко суть намъ имѣнiя на нивахъ, пшеница и ячмень, и медъ и масло. И мину ихъ и не уби ихъ посредѣ братiй ихъ. |
41:9 См.: 🔗3Цар. 15:22 | И кладязь, въ оньже вверже Исмаилъ вся, яже изби, сей кладязь великъ есть, егоже сотвори царь аса, от лица Ваасы царя Израилева, сей наполни Исмаилъ убiенными. |
41:10 | И обрати Исмаилъ вся люди оставшыя въ Массифаѳѣ и дщери царевы, яже вручилъ архимагиръ годоліи сыну Ахикамову, и взя ихъ Исмаилъ сынъ наѳань: и отъиде на ону страну сыновъ Аммонихъ. |
41:11 | И слыша Иоананъ сынъ каріевъ и вси воеводы силы, иже съ нимъ, вся злая, яже сотвори Исмаилъ сынъ наѳаніевъ, |
41:12 | и приведоша вся воя своя и идяху воевати нань, и обрѣтоша его при водѣ мнозѣ во гаваонѣ. |
41:13 | И бысть, егда увидѣша вси людiе, иже со Исмаиломъ, Иоанана сына каріева и вся воеводы силы, иже быша съ нимъ, возрадовашася: |
41:14 | и возвратишася вси людiе, ихже плѣни Исмаилъ от Массифы, и возвратившеся отидоша ко Иоанану сыну каріеву. |
41:15 | Исмаилъ же уцѣлѣ со осмiю мужи от лица Иоананя и иде ко сыномъ Аммонимъ. |
41:16 | И взя Иоананъ и вси воеводы силы, иже съ нимъ, вся оставшыяся люди, ихже возврати от Исмаила сына наѳаня изъ Массифаѳа, повнегда уби годолію, сына Ахикамля, мужы сильны на рати, и жены, и останки, и каженики, ихже обрати от гаваона, |
41:17 См.: 🔗4Цар. 25:26 | и идоша, и сѣдоша на земли вироѳоамли, яже ко Виѳлеему, еже ити и внити во Египетъ от лица Халдейска: понеже убояшася от лица ихъ: |
41:18 | яко уби Исмаилъ годолію, егоже постави царь Вавилонскiй на земли Иудинѣ. |