Третья книга Царств (Первая книга Царей), глава 22

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 22
22:1	И сѣде три лѣта, и не бѣ брани между сиріею и между Израилемъ.
22:2 См.: 🔗2Пар. 18:2	И бысть въ лѣто третiе, и сниде Иосафатъ царь Иудинъ къ царю Израилеву.
22:3 См.: 🔗3Цар. 4:13 🔗3Цар. 20:34	И рече царь Израилевъ ко отрокомъ сво­имъ: вѣсте ли, яко моя есть реммаѳа Галаадская, и мы молчимъ взяти ю от­ руки царя сирійска?
22:4 См.: 🔗2Пар. 18:3 🔗4Цар. 3:7	И рече царь Израилевъ ко Иосафату: взыдеши ли съ нами въ реммаѳу Галаадскую на брань? И рече Иосафатъ: якоже азъ, такожде и ты: якоже людiе мо­и, людiе тво­и: якоже кони мо­и, кони тво­и.
22:5 См.: 🔗2Пар. 18:4	И рече Иосафатъ царь Иудинъ къ царю Израилеву: вопросите убо днесь Господа.
22:6 См.: 🔗2Пар. 18:5	И собра царь Израилевъ вся пророки яко четыреста мужей, и рече царь имъ: взыду ли въ реммаѳу Галаадскую на брань, или оставлю? И рѣша: взыди, яко дая предастъ Господь въ руки царевы.
22:7 См.: 🔗2Пар. 18:6	И рече Иосафатъ къ царю Израилеву: нѣсть ли здѣ пророка Господня, и вопросили быхомъ Господа имъ?
22:8 См.: 🔗3Цар. 20:13 🔗2Тим. 4:3 🔗Гал. 4:16	И рече царь Израилевъ ко Иосафату: еще есть единъ мужъ на вопрошенiе имъ Господа, и азъ воз­ненавидѣхъ его, яко не глаголетъ о мнѣ добрѣ, но злая, Михеа сынъ Иемвлаань. И рече царь Иосафатъ Иудинъ: не глаголи, царю, тако.
22:9	И при­­зва царь Израилевъ скопца единаго и рече: скоро иди по Михею сына Иемвлааня.
22:10	Царь же Израилевъ и Иосафатъ царь Иудинъ сѣдяста кійждо на престолѣ сво­емъ вооружени во вратѣхъ самарійскихъ, и вси пророцы прорицаху предъ ними.
22:11 См.: 🔗2Пар. 18:10 🔗Иер. 28:14	И сотвори себѣ седекіа сынъ Ханаань рога желѣзна и рече: тако глаголетъ Господь: сими рогами избодеши сирію, дондеже скончает­ся.
22:12	И вси пророцы прорицаху тако, глаголюще: взыди въ реммаѳу Галаадскую, и наставитъ тя, и предастъ Господь въ руцѣ тво­и царя сирійскаго.
22:13 См.: 🔗2Пар. 18:12	И посолъ шедъ при­­звати Михею, рече ему, глаголя: се, нынѣ вси пророцы усты едиными глаголютъ добрая о цари, буди убо и ты въ словесѣхъ тво­ихъ по словесемъ единаго от­ сихъ и глаголи добрая.
22:14 См.: 🔗Иер. 23:28 🔗Иер. 42:4	И рече Михеа: живъ Господь, яко яже речетъ Господь ко мнѣ, сiя воз­глаголю.
22:15 См.: 🔗2Пар. 18:14	И прiиде ко царю. И рече ему царь: Михее, взыду ли въ реммаѳу Галаадскую на брань, или оставлю? И рече ему: взыди, и благопоспѣшитъ Господь въ руки царевы.
22:16 См.: 🔗2Пар. 18:15	И рече ему царь: еще азъ дважды заклинаю тя, да речеши истину предъ Господемъ.
22:17 См.: 🔗Чис. 27:17 🔗2Пар. 18:16	И рече Михеа: не тако: видѣхъ всего Израиля разсѣяна по горамъ якоже стада, имже нѣсть пастыря: и рече Господь: не Господь ли симъ въ Бога? да воз­вратит­ся кійждо въ домъ свой съ миромъ.
22:18 См.: 🔗2Пар. 18:17	И рече царь Израилевъ ко Иосафату царю Иудину: не рѣхъ ли тебѣ, яко не проричетъ сей ми добрая, но токмо злая?
22:19 См.: 🔗Ис. 6:1 🔗Дан. 4:14 🔗Дан. 7:9	И рече Михеа: не тако: не азъ: слыши глаголъ Господень: не тако: видѣхъ Господа Бога Израилева сѣдящаго на престолѣ сво­емъ, и все воин­ство небесное стояше окрестъ его одесную его и ошуюю его:
22:20	и рече Господь: кто прельститъ Ахаава царя Израилева, и взыдетъ и падетъ въ реммаѳѣ Галаадстѣй? и рече сей тако, и сей тако:
22:21 См.: 🔗2Пар. 18:20 🔗Иов. 1:6	и изыде духъ, и ста предъ Господемъ, и рече: азъ прельщу и:
22:22 См.: 🔗2Пар. 18:21 🔗Иез. 14:9 🔗Мф. 6:13	и рече къ нему Господь: въ чемъ? и рече: изыду и буду духъ лживъ во устѣхъ всѣхъ пророкъ его: и рече: прельстиши и воз­можеши: изыди и сотвори тако:
22:23 См.: 🔗2Фес. 2:11	и се, нынѣ даде Господь духъ лживъ во уста всѣхъ пророкъ тво­ихъ сихъ, и Господь глагола на тя злая.
22:24 См.: 🔗2Пар. 18:23 🔗Иер. 20:2	И при­­ступи седекіа сынъ Ханаань, и порази Михею въ лице и рече: каковый сей прейде Духъ Господень от­ мене, еже глаголати въ тебѣ?
22:25 См.: 🔗2Пар. 18:24	И рече Михеа: се, ты узриши въ день онъ, егда внидеши въ ложницу сокровища тво­его, еже скрытися ту.
22:26	И рече царь Израилевъ: по­имите Михею, и воз­вратите его ко Аммону князю града и ко Иоасу сыну цареву,
22:27 См.: 🔗3Цар. 20:11 🔗Пс. 79:6	и рцыте, да посадятъ его въ темницу, и да кормятъ его хлѣбомъ печальнымъ и водою печальною, дондеже воз­вращуся въ мирѣ.
22:28	И рече Михеа: аще воз­вращаяся воз­вратишися въ мирѣ, то не глагола Господь мною. И рече: слышите, людiе вси.
22:29 См.: 🔗2Пар. 18:28	И взыде царь Израилевъ и Иосафатъ царь Иудинъ съ нимъ въ реммаѳу Галаадскую.
22:30 См.: 🔗2Пар. 18:29	И рече царь Израилевъ ко Иосафату царю Иудину: при­­крый мя, и вниду въ сѣчь, и ты облецыся въ ризу мою. И при­­крыся царь Израилевъ и вниде въ сѣчь.
22:31	Царь же Сирскiй заповѣда княземъ колесницъ сво­ихъ тридесятимъ и двумъ, глаголя: не бійтеся ни съ великимъ ни съ малымъ, но токмо съ царемъ Израилевымъ единымъ.
22:32 См.: 🔗2Пар. 18:31	И бысть егда узрѣша во­еводы колесницъ Иосафата царя Иудина, и рѣша: видит­ся царь Израилевъ сей. И обступиша его еже сразитися съ нимъ: и возопи Иосафатъ.
22:33	И бысть егда узрѣша во­еводы колесницъ, яко нѣсть царь Израилевъ той, и воз­вратишася от­ него:
22:34 См.: 🔗2Пар. 18:33	и наляче лукъ единъ мужъ при­­мѣтно, и порази царя Израилева между легкимъ и щитомъ. И рече [царь] всаднику сво­ему: обрати руки твоя, и изведи мя от­ брани, яко язвенъ есмь.
22:35 См.: 🔗3Цар. 20:42 🔗2Пар. 18:34	И умножися брань въ той день, и царь бѣ стоя на колесницѣ противу сиріанъ от­ утра даже до вечера, и лiяшеся кровь изъ язвы въ нѣдра колесницы, и умре въ вечеръ, и излива­шеся кровь от­ язвы даже до нѣдръ колесницы.
22:36	И ста проповѣдникъ о западѣ солнца, глаголя: кійждо васъ да идетъ во свой градъ и во свою землю, яко умре царь.
22:37	И прiидоша въ самарію, и погребоша въ самаріи царя.
22:38 См.: 🔗3Цар. 21:19	И омыша кровь съ колесницы на источницѣ самарійстѣмъ, и полизаша свинiи и пси кровь его, и блудницы измышася въ крови его, по глаголу Господню, егоже глагола.
22:39 См.: 🔗Ам. 3:15 🔗2Пар. 18:2	Прочая же словесъ Ахаавлихъ, и вся яже сотвори, и храмъ слоновый, егоже созда, и вся грады, яже сотвори, не се ли, сiя писана быша въ книзѣ словесъ дній царей Израилевыхъ?
22:40	И успе Ахаавъ со отцы сво­ими, и воцарися Охозіа сынъ его вмѣсто его.
22:41 См.: 🔗2Пар. 17:1	И Иосафатъ сынъ асы воцарися надъ Иудою въ четвертое лѣто Ахаава царя Израилева.
22:42	Иосафатъ сынъ тридесяти пяти лѣтъ [бѣ], егда нача цар­ст­вовати, и двадесять пять лѣтъ цар­ст­вова во Иерусалимѣ. Имя же матери его азува, дщи Салаиля.
22:43 См.: 🔗3Цар. 15:14 🔗2Пар. 15:17	И хожда­ше по всѣмъ путемъ асы отца сво­его, не уклонися от­ него, творя правое предъ очима Господнима, токмо высокихъ не разори: еще людiе жряху и кадяху на высокихъ.
22:44 См.: 🔗2Пар. 19:2	И умирися Иосафатъ съ царемъ Израилевымъ.
22:45 См.: 🔗2Пар. 18:1	Прочая же словесъ Иосафатовыхъ, и силы его, елика сотвори, не се ли, писана суть въ книзѣ словесъ дній царей Иудиныхъ?
22:46 См.: 🔗3Цар. 15:12	И прочее мерзости, еже остася во дни асы отца его, отъ­я от­ земли.
22:47 См.: 🔗2Цар. 8:14 🔗3Цар. 11:17	И царя не бѣ во Едомѣ поставлен­наго.
22:48 См.: 🔗3Цар. 9:28 🔗2Пар. 20:36	Царь же Иосафатъ сотвори корабли Ѳарсийскiя, еже ити во офиръ по злато, но не по­идоша, зане сокрушишася корабли во Асеонъ-гаверѣ.
22:49 См.: 🔗2Пар. 19:2	Тогда рече Охозіа сынъ Ахаавль ко Иосафату: да идутъ раби мо­и съ рабы тво­ими въ кораблехъ. И не восхотѣ Иосафатъ.
22:50 См.: 🔗2Пар. 21:1	И умре Иосафатъ со отцы сво­ими, и погребенъ бысть у отецъ сво­ихъ во градѣ давида отца сво­его. И воцарися Иорамъ сынъ его вмѣсто его.
22:51	И Охозіа сынъ Ахаавовъ воцарися надъ Израилемъ въ самаріи, въ лѣто седмо­е­на­де­сять Иосафата царя Иудина, и цар­ст­вова надъ Израилемъ въ самаріи лѣта два,
22:52 См.: 🔗3Цар. 15:26	и сотвори лукавое предъ Господемъ, и нача ходити по путемъ отца сво­его Ахаава и по пути Иезавели матере сво­ея, и во грѣсѣхъ дому иеровоама сына наватова, иже введе во грѣхъ Израиля:
22:53 См.: 🔗Суд. 2:11	и поработа Ваалу, и поклонися ему, и разгнѣва Господа Бога Израилева, по всѣмъ быв­шымъ прежде его.