Книга Иова, глава 10

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 10
10:1	Труждаюся душею мо­ею, стеня испущу на мя глаголы моя, воз­глаголю горестiю души мо­ея одержимь
10:2 См.: 🔗Иов. 34:10	и реку ко Господеви: не учи мя нече­ст­вовати, и почто ми сице судилъ еси?
10:3	или добро ти есть, аще воз­неправдую, яко презрѣлъ еси дѣла руку твоею, совѣту же нечестивыхъ внялъ еси?
10:4 См.: 🔗1Цар. 16:7	или якоже человѣкъ видитъ, видиши? или якоже зритъ человѣкъ, узриши?
10:5 См.: 🔗Пс. 101:28	или житiе твое человѣческо есть? или лѣта твоя яко дніе мужа?
10:6	яко истязалъ еси беззаконiе мое и грѣхи моя изслѣдилъ еси.
10:7 См.: 🔗Иов. 9:15 🔗Тов. 13:2	Вѣси бо, яко не нече­ст­вовахъ: но кто есть изъимаяй изъ руку твоею?
10:8 См.: 🔗Пс. 118:73	Руцѣ тво­и сотвористѣ мя и создастѣ мя: потомъ же преложивъ, поразилъ мя еси.
10:9 См.: 🔗Быт. 2:7 🔗Быт. 3:19	Помяни, яко бренiе мя создалъ еси, въ землю же паки воз­вращаеши мя.
10:10	Или не якоже млеко измелзилъ мя еси, усырилъ же мя еси равно сыру?
10:11 См.: 🔗2Мак. 7:11	Кожею же и плотiю мя облеклъ еси, костьми же и жилами сшилъ мя еси:
10:12	животъ же и милость положилъ еси у мене, посѣщенiе же твое сохрани мой духъ.
10:13	Сiя имѣяй въ тебѣ, вѣмъ, яко вся можеши, и невоз­можно тебѣ ничтоже.
10:14 См.: 🔗Пс. 89:8	Аще бо согрѣшу, храниши мя, от­ беззаконiя же не безвин­на мя сотворилъ еси.
10:15 См.: 🔗Иов. 35:2	Аще бо нечестивъ буду, лютѣ мнѣ, аще же буду праведенъ, не могу воз­никнути: исполненъ бо есмь безчестiя,
10:16	ловимь бо есмь аки левъ на убiенiе: паки же преложивъ, лютѣ убиваеши мя.
10:17 См.: 🔗Иов. 19:12	Обновляяй на мя испытанiе мое, гнѣва бо великаго на мя употребилъ еси и навелъ еси на мя искушенiя.
10:18 См.: 🔗Иов. 3:11 🔗Иер. 20:14	Почто убо мя изъ чрева извелъ еси, и не умрохъ, око же мене не видѣло бы,
10:19	и быхъ бы аки не былъ? почто убо изъ чрева во гробъ не снидохъ?
10:20 См.: 🔗Пс. 38:14	или не мало есть время жизни мо­ея? остави мене почити мало,
10:21 См.: 🔗Иов. 16:22	прежде даже от­иду, от­нюдуже не воз­вращуся, въ землю темну и мрачну,
10:22 См.: 🔗Ис. 5:14	въ землю тмы вѣчныя, идѣже нѣсть свѣта, ниже видѣти живота человѣческаго.