Псалтирь, псалом 8

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 8
8:1	Въ конецъ, о точилѣхъ, псаломъ Давиду.
8:2 См.: 🔗Пс. 109:1	Господи Господь нашъ, яко чудно имя Твое по всей земли, яко взят­ся великолѣпiе Твое превыше небесъ.
8:3 См.: 🔗Мф. 21:16	Изъ устъ младенецъ и ссущихъ совершилъ еси хвалу, врагъ Тво­ихъ ради, еже разрушити врага и мест­ника.
8:4	Яко узрю небеса, дѣла перстъ Тво­ихъ, луну и звѣзды, яже Ты основалъ еси:
8:5 См.: 🔗Иов. 7:17 🔗Пс. 143:3 🔗Евр. 2:6	что есть человѣкъ, яко помниши его? Или сынъ человѣчь, яко посѣщаеши его?
8:6	Умалилъ еси его малымъ чимъ от­ Ангелъ, славою и честiю вѣнчалъ еси его:
8:7 См.: 🔗Быт. 1:28 🔗Быт. 9:2 🔗1Кор. 15:27	и поставилъ еси его надъ дѣлы руку Твоею, вся покорилъ еси подъ нозѣ его:
8:8	овцы и волы вся, еще же и скоты поль­скія,
8:9	птицы небесныя и рыбы морскія, преходящыя стези морскія.
8:10	Господи Господь нашъ, яко чудно имя Твое по всей земли.