Книга Плач Иеремии, глава 2

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 2
2:1 См.: 🔗Иез. 7:8 🔗Плч. 4:1 🔗Авд. 1:4	א Како омрачи во гнѣвѣ сво­емъ Господь дщерь Сiоню: сверже съ небесе на землю славу Израилеву, и не помяну подножiя ногу своею въ день гнѣва и ярости сво­ея.
2:2 См.: 🔗Иер. 5:17 🔗Ис. 47:6	ב Погрузи Господь и не пощадѣ: вся красная Иаковля разори яростiю сво­ею, твердыни дщере Иудины изверже на землю, оскверни царя ея и князи ея,
2:3 См.: 🔗Иер. 48:25	ג сокруши во гнѣвѣ ярости сво­ея весь рогъ Израилевъ, обрати вспять десницу его от­ лица врага, разжже во Иаковѣ яко огнь пламы, и потреби вся окрестъ,
2:4 См.: 🔗Пс. 7:13 🔗Плч. 3:12	ד напряже лукъ свой яко ратникъ противный, утверди десницу свою яко супостатъ и изби вся красная очiю моею во селенiихъ дщере Сiони, излiя яко огнь ярость свою.
2:5	ה Бысть Господь аки врагъ, погрузи Израиля, погрузи вся домы его, разсыпа вся стѣны его и умножи дщери Иудинѣ смирена и смирену,
2:6 См.: 🔗Пс. 79:13 🔗Ис. 5:5	ו и разверзе аки виноградъ селенiе свое, разсыпа праздники его: забы Господь, яже сотвори въ Сiонѣ праздники и субботы, и озлоби прещенiемъ гнѣва сво­его царя и князя и жерца.
2:7 См.: 🔗Иер. 2:15 🔗Иер. 7:14	ז Отрину Господь жертвен­никъ свой, от­трясе святыню свою, сокруши рукою вражiею стѣну забраловъ его: гласъ даша въ дому Господни яко въ день праздника.
2:8 См.: 🔗4Цар. 21:13 🔗Ис. 34:11	ח Обратися Господь разсыпати стѣну дщере Сiони: протяже мѣру, не от­врати руки сво­ея от­ попранiя: и сѣтова предградiе, и ограда вкупѣ изнеможе.
2:9 См.: 🔗Пс. 73:9	ט Врастоша въ землю врата ея, погуби и сокруши вереи ея, царя ея и князи ея во языцѣхъ, нѣсть закона, и пророцы ея не видѣша видѣнiя от­ Господа.
2:10 См.: 🔗Плч. 1:19	י Сѣдоша на земли, умолкоша старѣйшины дщере Сiони, посыпаша персть на главы своя, препоясашася во вретища, низведоша въ землю старѣйшинъ дѣвъ Иерусалимскихъ.
2:11 См.: 🔗Плч. 1:16 🔗Втор. 32:25 🔗Иер. 44:7	כ Оскудѣша очи мо­и въ слезахъ, смутися сердце мое, излiяся на землю слава моя о сокрушенiи дщере людій мо­ихъ, внегда оскудѣ младенецъ и ссущiй на стогнахъ градскихъ.
2:12 См.: 🔗Иез. 4:17	ל Матеремъ сво­имъ рекоша: гдѣ пшеница и вино? внегда разслабленымъ быти имъ, яко язвенымъ на стогнахъ градскихъ, егда изливахуся души ихъ въ лоно матерей ихъ.
2:13 См.: 🔗Иер. 15:18	מ Что ти засвидѣтел­ст­вую? или что уподоблю тебѣ, дщи Иерусалимля? кто тя спасетъ и кто тя утѣшитъ, дѣвице, дщи Сiоня? яко воз­величися чаша сокрушенiя тво­его, кто тя изцѣлитъ?
2:14 См.: 🔗Иер. 2:8	נ Пророцы тво­и видѣша тебѣ суетная и безумiе и не от­крыша о неправдѣ тво­ей, еже воз­вратити плѣненiе твое, и видѣша тебѣ словеса суетная и изриновенiя.
2:15 См.: 🔗Иез. 5:14 🔗Мк. 15:29	ס Восплескаша рукама о тебѣ вси минующiи путемъ, позвиздаша и покиваша главою сво­ею о дщери Иерусалимли, рекуще: сей ли градъ, вѣнецъ славы, веселiе всея земли?
2:16 См.: 🔗Плч. 1:5 🔗Плч. 3:46	פ Отверзоша на тя уста своя вси врази тво­и, позвиздаша и поскрежеташа зубы сво­ими и рѣша: поглотимъ ю: обаче сей день, егоже чаяхомъ, обрѣтохомъ его, видѣхомъ.
2:17 См.: 🔗Лев. 26:17 🔗Втор. 28:15	ע Сотвори Господь, яже помысли, сконча словеса своя, яже заповѣда от­ дній первыхъ: разори и не пощадѣ, и воз­весели о тебѣ врага, воз­несе рогъ стужающаго ти.
2:18 См.: 🔗Иер. 9:1 🔗Иер. 14:17 🔗Плч. 1:16	צ Возопи сердце ихъ ко Господу, стѣны дщере Сiони да излiютъ якоже водотеча слезы день и нощь: не даждь покоя себѣ, и да не умолкнетъ зѣница очiю твоею.
2:19 См.: 🔗Иов. 30:16	ק Востани, по­учися въ нощи въ началѣ стражбы тво­ея, пролій яко воду сердце твое предъ лицемъ Господнимъ, воз­двигни къ нему руцѣ тво­и о душахъ младенецъ тво­ихъ, разслабленыхъ гладомъ въ началѣ всѣхъ исходовъ.
2:20 См.: 🔗Втор. 28:53 🔗Иер. 19:9	ר Виждь, Господи, и призри, кого еси отребилъ сице? еда снѣдятъ жены плодъ утробы сво­ея? отребленiе сотвори поваръ, избiютъ ли младенцевъ ссущихъ сосцы? убiеши ли во святыни Господни жерца и пророка?
2:21 См.: 🔗Плч. 3:42	ש Успоша на исходищихъ отрокъ и старецъ: дѣвицы моя и юноты мо­и от­идоша въ плѣнъ, мечемъ и гладомъ избилъ еси, въ день гнѣва тво­его сварилъ еси, не пощадѣлъ.
2:22 См.: 🔗Плч. 1:15	ת Призвалъ еси яко день праздника при­­шел­ст­вiя моя окрестъ, и не бысть въ день гнѣва Господня уцѣлѣвый и оставыйся, яко сотворихъ воз­мощи и умножихъ враги моя вся.