Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 13 | |
13:1 См.: 🔗Чис. 11:35 🔗Чис. 33:17 | И по сихъ воздвигошася людiе от Асироѳа и ополчишася въ пустыни Фарани. |
13:2 | И рече Господь къ Моисею, глаголя: |
13:3 См.: 🔗Втор. 1:22 🔗Втор. 9:23 | посли от себе мужы, и да соглядаютъ землю Ханаанску, юже Азъ даю сыномъ Израилевымъ во одержанiе: мужа единаго от племене, по сонмомъ отечествъ ихъ, да послеши ихъ всякаго старѣйшину от нихъ. |
13:4 См.: 🔗Втор. 1:22 | И посла я Моисей от пустыни Фарани глаголомъ Господнимъ: вси мужи старѣйшины сыновъ Израилевыхъ сіи, и сiя имена ихъ: |
13:5 | от племене Рувимля Самуилъ сынъ Закхуровъ: |
13:6 | от племене Симеоня Сафатъ сынъ Суринъ: |
13:7 См.: 🔗Нав. 14:7 | от племене Иудина Халевъ сынъ Иефонніинъ: |
13:8 | от племене Иссахаря Игалъ сынъ Иосифль: |
13:9 | от племене Ефремля Авсисъ сынъ Навинъ: |
13:10 | от племене Венiаминя Фалтій сынъ Рафуовъ: |
13:11 | от племене Завулоня Гудiилъ сынъ Судинъ: |
13:12 | от племене Иосифля сыновъ Манассіиныхъ Гадди сынъ Сусинъ: |
13:13 | от племене Данова Амiилъ сынъ Гамалинъ: |
13:14 | от племене Асирова Саѳуръ сынъ Михаиль: |
13:15 | от племене Нефѳалимля Навій сынъ Савинь: |
13:16 | от племене Гадова Гудiилъ сынъ Махiиль. |
13:17 | Сiя имена мужей, ихже посла Моисей соглядати землю: и прозва Моисей Авсіа сына Навина Иисусъ. |
13:18 См.: 🔗Чис. 32:8 | И посла я Моисей от пустыни Фарани соглядати земли Ханаанскiя, и рече къ нимъ: взыдите пустынею сею, и взыдете на гору |
13:19 | и узрите землю, какова есть, и люди сѣдящыя на ней, аще сильни суть, или немощни, мало ли ихъ есть, или много? |
13:20 | И какова земля, на нейже сіи сѣдятъ, добра ли есть, или зла? И какови гради, въ нихже живутъ сіи, ограждени ли суть, или не ограждени? |
13:21 | И какова земля, изобилна ли, или не изобилна? Суть ли на ней древеса, или ни? И укрѣпившеся, возмите от плодовъ земли. Дніе же бяху дни весенни, предваряющiи ягоды. |
13:22 См.: 🔗2Цар. 8:9 | И шедше соглядаша землю от пустыни Синъ даже да Роова, до входовъ Емаѳъ. |
13:23 См.: 🔗Втор. 1:28 🔗Втор. 2:10 | И идоша по пустыни, и прiидоша до Хеврона: и тамо [живяше] Ахиманъ и Сессій и Ѳеламинъ, роды Енаковы: и Хевронъ создася седмiю лѣты прежде Танина [града] Египетскаго. |
13:24 См.: 🔗Чис. 32:9 🔗Втор. 1:24 | И прiидоша до дебри гроздныя, и соглядаша ю: и урѣзаша оттуду вѣтвь, и гроздъ винограда единъ на ней, и воздвигоша ю на жердь, и от шипковъ, и от смоквей. |
13:25 | И мѣсто оно назваша дебрь гроздная, грозда ради, егоже урѣзаша оттуду сынове Израилтестiи. |
13:26 | И возвратишася оттуду, соглядавше землю по четыредесяти днехъ. |
13:27 См.: 🔗Быт. 14:7 🔗Втор. 1:19 | И ходивше прiидоша къ Моисею и Аарону и ко всему сонму сыновъ Израилевыхъ въ пустыню Фараню въ Кадисъ: и повѣдаша имъ слово и всему сонму, и показаша имъ плодъ земный, |
13:28 См.: 🔗Исх. 3:8 🔗Втор. 1:25 | и повѣдаша ему, и рекоша: ходихомъ на землю, на нюже посылалъ еси насъ, на землю кипящую млекомъ и медомъ, и сій плодъ ея: |
13:29 | кромѣ яко людiе сильни зѣло, иже на ней живутъ, и гради утверждени огражденiемъ велицы зѣло, и родъ Енаковъ видѣхомъ тамо: |
13:30 См.: 🔗Нав. 11:3 | и Амаликъ живетъ въ земли къ югу: и Хеттей и Евей, и Иевусей и Аморрей живутъ въ горахъ: и Хананей живетъ при мори и при Иорданѣ рѣцѣ. |
13:31 См.: 🔗Чис. 14:6 🔗Нав. 14:8 | И утиши Халевъ люди предъ Моисеомъ, и рече ему: никакоже, но восходя взыдемъ и прiимемъ ю въ наслѣдiе, яко сильни есмы преодолѣти имъ. |
13:32 | И человѣцы ходившiи съ нимъ рекоша: не идемъ, яко не можемъ изыти противу языку [сему], яко крѣпльшiй есть паче насъ. |
13:33 | И изнесоша ужасъ земли, юже соглядаша, къ сыномъ Израилевымъ, глаголюще: землю юже проидохомъ соглядающе, земля есть поядающи живущыя на ней, и вси люди, ихже видѣхомъ на ней, мужи превысоцыи: |
13:34 См.: 🔗Быт. 6:4 🔗Втор. 9:2 | и тамо видѣхомъ исполины, сыны Енаковы, и бѣхомъ предъ ними яко прузи, и тако бѣхомъ предъ ними. |