Книга Ездры (Первая книга Ездры), глава 6

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 6
6:1 См.: 🔗2Езд. 6:23	Тогда дарiй царь повелѣ, и искаша во книгохранителницахъ, идѣже сокровище лежитъ въ Вавилонѣ.
6:2	И обрѣтеся во Амаѳѣ градѣ мидійстѣмъ въ палатѣ главизна едина, и сiе писано бѣ въ ней на память:
6:3 См.: 🔗2Пар. 36:22 🔗1Езд. 1:1	въ лѣто первое кира царя, киръ царь царь повелѣ о домѣ Божiи, иже во Иерусалимѣ: домъ да созиждет­ся, и мѣсто, идѣже жрутъ жертвы: и положи мѣру высоты лакотъ шестьдесятъ, широта его лакотъ шестьдесятъ:
6:4	и стѣны камен­ныя твердыя три, и стѣна древяная едина, иждивенiе же от­ дому царева да даст­ся:
6:5 См.: 🔗1Езд. 1:7 🔗1Езд. 5:14	и сосуди дому Божiя златіи и сребрянiи, ихже навуходоносоръ взя от­ дому, иже во Иерусалимѣ, и пренесе ихъ въ Вавилонъ, да от­дадут­ся и внесут­ся въ домъ, иже во Иерусалимѣ, на мѣсто, идѣже и поставлени бяху въ дому Божiи:
6:6	нынѣ убо дадите, князiе сущiи за рѣкою, саѳарвузанай и сослужителiе ихъ Афарсахее, иже за рѣкою, далече от­идите от­туду:
6:7	нынѣ оставите дѣло дому Божiя: князiе Иудейстiи и старѣйшины ихъ домъ Божiй той да созидаютъ на мѣстѣ сво­емъ:
6:8 См.: 🔗1Езд. 7:20	и от­ мене повелѣно бысть, да не когда что сотворите противно старѣйшинамъ жидовскимъ въ созиданiи дому Божiя онаго: и от­ имѣнiй царскихъ даней сущихъ за рѣкою при­­лѣжно на иждивенiе да дает­ся мужемъ тѣмъ, еже бы не престало дѣло то:
6:9	и еже аще оскудѣетъ, и телцы и овны и агнцы, во всесожженiя Богу небесному, пшеница, соль, вино, елей, по словеси священ­никовъ, иже во Иерусалимѣ, да дает­ся имъ по вся дни, еже аще воспросятъ,
6:10 См.: 🔗1Тим. 2:2	да будутъ при­­носящiи благо­уханiя Богу небесному и да молят­ся о жизни царя и сыновъ его:
6:11	и от­ мене уставлено повелѣнiе, да всякъ человѣкъ, иже преступитъ повелѣнiе сiе, возмет­ся древо от­ дому его, и воз­движенъ обѣсит­ся на немъ, и домъ его мнѣ будетъ взятъ:
6:12	и Богъ, егоже обитаетъ имя тамо, да низвратитъ всякаго царя и люди, иже прострутъ руку свою премѣнити или разорити домъ Божiй, иже есть во Иерусалимѣ: азъ дарiй поставихъ повелѣнiе, съ при­­лѣжанiемъ да будетъ.
6:13	Тогда Ѳаѳанай князь страны зарѣчныя, саѳарвузанай и сослужебницы его, якоже посла дарiй царь, тако сотвориша тщателно.
6:14 См.: 🔗2Езд. 7:4	Старѣйшины же Иудейстiи созидаху и левити по пророче­ст­ву Аггеа пророка и захарiи сына аддова. И создаша и совершиша по повелѣнiю Бога Израилева и по повелѣнiю кира и дарiа и Артаксеркса царей персскихъ,
6:15	и совершиша домъ той даже до дне третiяго, месяца Адара, иже есть въ лѣто шестое цар­ст­ва дарiа царя.
6:16 См.: 🔗Чис. 7:10 🔗3Цар. 8:10	Сотвориша же сынове Израилевы, священ­ницы и левити, и прочiи сыновъ преселенiя обновленiе дому Божiя въ радости,
6:17 См.: 🔗3Цар. 8:63	и при­­несоша на обновленiе дому Божiя телцевъ сто, овновъ двѣсти, агнцевъ четыреста, козловъ от­ козъ за грѣхи всего Израиля два­на­де­сять, по числу колѣнъ Израилевыхъ:
6:18 См.: 🔗Чис. 3:6	и поставиша священ­никовъ въ чинѣхъ сво­ихъ и левиты въ частехъ сво­ихъ на служенiе дому Божiя во Иерусалимѣ, якоже писано есть въ книзѣ Моисеовѣ.
6:19 См.: 🔗Исх. 12:6	И сотвориша сынове преселенiя пасху въ четвертый­на­де­сять день месяца перваго:
6:20 См.: 🔗Неем. 12:30 🔗2Пар. 29:24	очищени бо бяху священ­ницы и левити даже до единаго вси чисти, и пожроша пасху всѣмъ сыномъ преселенiя и братiи ихъ священ­никомъ и себѣ самымъ.
6:21	И ядоша сынове Израилевы пасху, иже от­ преселенiя, и всякъ от­лучивыйся от­ оскверненiя языковъ земли къ нимъ, еже взыскати Господа Бога Израилева.
6:22 См.: 🔗Исх. 12:15 🔗1Езд. 7:27	И сотвориша праздникъ опрѣсночный седмь дній въ веселiи, яко воз­весели ихъ Господь и обрати сердце царя Ассурска къ нимъ, укрѣпити руки ихъ въ дѣлѣхъ дому Бога Израилева.